ناشطة قبطية تهاجم تواضروس لخروجه من القداس بسبب زيارة السيسي

شنت الناشطة القبطية مافي ماهر، هجومًا على قائد الانقلاب العسكري عبد الفتاح السيسي والبابا تواضروس، بعد توقف قداس عيد الميلاد، لزيارة السيسي الكنيسة الكاتدرائية في حي العباسية، لتقديم التهنئة للأقباط بعيد الميلاد المجيد.
وقالت، في تدوينة لها على حسابها الشخصي بموقع التواصل الاجتماعي "فيس بوك": "حلو قوى البابا بذات نفسه والأساقفة والكهنة والشمامسة اللى هما عارفين بل ومؤمنين ان القداس يعنى كده تقدمة الذبيحة وحلول الروح القدس عليها يعنى بالبلدى كده احنا مصدقين ان روح الله القدس بتنزل لتحل فى القداس على القرابين اللى بنتاولها فبنتحد بروح الله وناخدها جوانا بس مبنرداش نقول علشان متقولوش علينا كفرة".
وأضافت: "يالا مش موضوعنا .. المهم ان البابا بقى بذات نفسه اللى مفروض مصدق الكلام ده اول ما السيسى- بنى ادم- دخله الكاتدرائية قام رامى كل ده ورا ضهره وموقف الصلاة علشان فيه بنى ادم حن عليكم علشان انتوا من جواكوا مصدقين انكم درجة تانية .. فوفقتوا الصلاة ... بجد ومن قلبى بلا قرف طب الناس تحترمكوا ازاى".
واختتمت تدوينتها قائلة: "السيسى عايز يحضر القداس يبقى يحترم قواعد بيت ربنا لكن أمثالكوا ميتقلهمش غير عيب لو بتعرفوا العيب.. يعنى السيسى لو دخل جامع حد هيوقفله الصلاة؟؟ لا ليه؟؟ علشان دى ناس بتحترم نفسها".