بالأرقام.. 5 دقائق يأسر بها الرئيس السيسى قلوب المواطنين باحتفالات عيد الميلاد.. يذكر "المصريين" 15 مرة و"الحضارة" ثلاث مرات وكلمة "الحب" 6 مرات.. والهتافات تستوقفه 14 مرة

فى أول زيارة رسمية لرئيس مصرى لاحتفالات عيد القداس، فاجأ الرئيس عبد الفتاح السيسى، الجميع بزيارته للكاتدرائية الكبرى بالعباسية، لتهنئة أقباط مصر بعيد الميلاد المجيد.
ووجه الرئيس عبد الفتاح السيسى خلال كلمته عدة رسائل هامة للشعب، أكد من خلالها وحدة المسلمين والمسيحيين، وعظمة الحضارة المصرية.
وردد الرئيس خلال كلمته بالكاتدرائية، كلمة "المصريين" 15 مرة دونما أن يذكر كلمتى "مسلم أو مسيحى" ولو لمرة واحدة، ليؤكد بذلك وحدة الشعب المصرى، وتجاوب مع هتافات الحضور، متوقفاً 14 مرة، كما عبر عن حبه وتقديره للأقباط، مردداً كلمة "الحب" 6 مرات، واكتفى بالحديث عن الحضارة المصرية ثلاثة مرات.
وقال الرئيس عبد الفتاح السيسى: "كان ضرورى أن أحضر وأقولكم كل سنة وأنتم طيبين، وأرجو أن أكون مقطعتش عليكم الصلاوات، عاوز أقولكم على حاجة.. مصر على مدى آلاف السنين علمت الإنسانية والحضارة، والعالم منتظر من مصر برضو فى العام اللى احنا فيه واحنا كمان بنحبكم".
وأضاف الرئيس السيسى: "وأشكر قداسة البابا، مهم جدا أن الدنيا تشوفكم يا مصريين مينفعش حد يقول غير كده احنا المصريين احنا بنتكلم كلام بنسطر للعالم دلوقتى وبنفتح طاقة أمل على آلاف السنين علمت الحضارة للعالم والحضارة انطلقت للعالم كله ولازم نقول احنا المصريين".
وتابع الرئيس: "وعاوز أقولكم إن احنا إن شاء الله هنبنى بلدنا مع بعض وهنسمع بعض وهنحب بعض كويس وهنحب بعض بجد علشان الناس تشوف، عموما عاوز أقولكم عام سعيد عليكم وعلى المصريين كلهم وكل سنة وأنتوا طيبين وقداسة البابا، وأنا مش هقدر أقعد أكتر من كده".
موضوعات متعلقة:
الرئيس السيسى يشهد احتفالات عيد الميلاد بالكاتدرائية لتهنئة الأقباط
"السيسى فى الكاتدرائية" يحلق فى سماء "تويتر".. فرحة عارمة بتهنئة الرئيس للأقباط بعيد الميلاد.. المسلمون يهنئنون أشقاءهم: "فرحتنا أكبر منكم".. وتعليق ساخر: السيسى جاب جون فى مصر بعد ما هدف الكويت