الرئيس يفاجئ الجميع لتهنئة الاقباط بقداس عيد الميلاد المجيد .. السيسى :كان ضرورى أن أحضر وأقولكم كل سنة وأنتم طيبين

وسط فرحة عارمة شارك الرئيس عبد الفتاح السيسى رئيس الجمهورية الاخوه الاقباط مراسم قداس أعياد الميلاد وتهنئة البابا تواضروس وقد حضرللكاتدرائية المرقسية بالعباسية قداس عيد الميلاد المجيد كل من محافظ القاهرة جلال سعيد والدكتور عادل العدوى وزير الصحة، والدكتور منير فخرى عبد النور وزير التجارة والصناعة، والمهندس خالد عبد العزيز وزير الشباب والرياضة، واللواء محمد إبراهيم وزير الداخلية، والدكتور حسام المساح رئيس المجلس القومى للإعاقة السابق وسفير إيطاليا بالقاهرة، ووزير الاتصالات عاطف حلمى، ورئيس نادى القضاة المستشار أحمد الزند.
نص كلمة الرئيس عبد الفتاح السيسى، أثناء زيارته المفاجئة للكاتدرائية الكبرى بالعباسية، لتهنئة أقباط مصر بعيد الميلاد المجيد، وسط ترحيب كبير منهم بزيارته
"كان ضرورى أن أحضر وأقولكم كل سنة وأنتم طيبين، وأرجو أن أكون مقطعتش عليكم الصلاوات، عاوز أقولكم على حاجة مصر على مدى آلاف السنين علمت الإنسانية والحضارة، والعالم منتظر من مصر برضوا فى العام اللى احنا فيه واحنا كمان بنحبكم".
"وأشكر قداسة البابا، مهم جدا أن الدنيا تشوفنا مينفعش حد يقول غير كده احنا المصريين احنا بنتكلم كلام بنسطر للعالم دلوقتى وبنفتح طاقة أمل على آلاف السنين علمت الحضارة للعالم والحضارة انطلقت للعالم كله ولازم نقول احنا المصريين".
"وعاوز أقولكم أن احنا إن شاء الله هنبنى بلدنا مع بعض وهنسمع بعض وهنحب بعض كويس وهنحب بعض بجد علشان الناس تشوف عموما عاوز أقولكم عام سعيد عليكم وعلى المصرين كلهم وكل سنة وأنتم طيبين جميعا وكل سنة وأنتوا طيبين وقداسة البابا وأنا مش هقدر أقعد أكتر من كده".