نشطاء "تويتر" يسخرون من "6 أبريل": "محدش شاف إضراب"

تندر نشطاء عبر موقع التواصل الاجتماعي "تويتر"، على الدعوة التي أطلقتها حركة "6 أبريل" للإضراب عن العمل ودفع فواتير الكهرباء والذهاب إلى العمل والجامعة، من خلال هاشتاج "محدش شاف إضراب" بتعليقات ساخرة.
وقال "البدوي" أحد المستخدمين، ساخرًا من الدعوة: "المصريين وهما شمتانين في الإخوان و6 أبريل يا جدعان، الحاجات دي مفهاش هزار، اللي مخبي الإضراب يطلعه لو سمحتم"، وسخر "أحمد" قائلًا: "محدش شاف إضراب ممكن كان إضراب روحاني بينهم".
تعليق إحدى المستخدمات وتدعى "هند" جاء جادًا، حيث قالت: "الناس شغالة 48 ساعة في اليوم علشان يعملوا قناة السويس الجديدة وانتوا بتدوروا على إضراب يا شوية عواطلية".
وقالت "هبة": "الغريب في الموضوع مش إنهم حركة محظورة ومالهاش أي تأثير في الشارع، لأ الغريب إنهم أصلًا عواطلية ومابيشتغلوش عشان يضربوا".
وسخرت "هيام" من الدعوة: "أنا شوفته في الحارة المزنوقة كان في 4.5.6 كده وزعيمهم ماسك يافطة مكتوب عليها اللي متجوز رسمي ما يطلقش عرفي".
وقالت "جميلة": " 6 أبريل دي حركة مسخرة والله عملوا إضراب وعاملينه only me"، وكتب "محمود": "إمبارح الإرهاب انتحر على أبواب المعابد الفرعونية، النهارده 6 أبريل انتحرت على إيد الرفض الشعبي، أظن ده استفتاء على تفكيكم".