فيس بوك : حوار سري ..جونغ ل أوباما : سيأتيك النووي من حيث تترفع أنت عن أن تتداخل معه

تهكم العشرات من مستخدمى مواقع التواصل الإجتماعى على الحرب الكلامية الدائرة بين الرئيس الكوري الشمالى " كيم جونغ أون" والرئيس الأمريكي "باراك أوباما".
حيث علق العشرات على الصفحات الكبري بين متهكما ، وساخراً وناقداً قائلاً أحدهم ان حوار دار بين الرئيسين وهذا هو نص الحوار :_
كيم جونغ أون: إن اضطررت سأفعل.. وها أنا أفعل
أوباما: هتعمل ايه يعني؟
كيم: سيأتيك النووي من حيث تترفع أنت عن أن تتداخل معه
أوباما: اللي هو منين؟
كيم: فيه صوباعين تلاته بيلعبوا عندك في أمريكا.. صباع منهم نووي تبعنا هو اللي هيضرب
أوباما: هنحاربكوا وكوريا هتقع
كيم: وقعة في ركبك
أوباما: انتوا دولة فاشلة أصلاً
كيم: أهلي وعشيرتي في كوريا من أكفأ الرجال.. من يقول أن كوريا فاشلة هم الفاشلون
أوباما -بلهجة حادة-: عندكوا كام صاروخنووي .. اعترف!
كيم: عندنا 5 6 7 3 4 صاروخ نووي مخبينهم في الحارة المزنوقة
أوباما هنسحقكم
كيم: سواقين الطيارات والدبابات عندك بيبقوا درانك وهما درايفين.. هنستغل النقطة دي واحنا اللي هنكسبكم
أوباما: هنجيب سواقين من روسيا
كيم: أمريكا آند روسيا دونت ميكس.. هنقتلكم يا أحفاد القردة والخنازير
فيما أضاف أخرون ساخرين :_
انا اللي صعبان عليا الجنود الامريكان كل مايقتلوا واحد كوري ويشوف واحد تاني يقولوا انا مش لسه قاتلك من شوية
يا خوفي بقي ل يكون كل ال بيعمله الرئيس الكوري ده كله "كذبة إبريل"
عاجل | المحكمة الدستورية الكورية تلغي قرارات الرئيس بإعلان الحرب على أمريكا
الخوف ان كوريا تطلع اي كلام ونلبس في لاجئات كوريات
قطر تتطلب استضافة الحرب العالميه التالته بين كوريا وامريكا على ارضها
شباب الثورة في كوريا محضر جرافيتي واحد بس للشهيد وبيغيروا في الاسم
كنا هناخد الدورى قامت ثورة فى معظم الوطن العربى قولنا صدفة عااادى بتحصل : انما حرب عالمية تالتة عشان كسبنالنا عشرة خمشتاشر ماتش ، حرام وربنا ,, ربنا ميرضاش بالظلم.
وتابعوا خلال موفع التغريدات الصغيرة تويتر :_
من كوريا شمااااال ... بنهز جباااال .. وبأعلى صوت يونج قاهر الادغاااال..يا كيم يا كبير ..ياكيم ياعظيم..اديله نووى وبردو قليل :)))
لو الجيل بتاعنا كان عايش ايام حرب اكتوبر و عمل الالش ده على اسرائيل كان زمان شارون و جولدا مائير و شيمون بيرييز انتحروا بسم فيران ووفروا علينا
لفي بينا يا كوريا دوخينا يا كوريا هاتينا شمال شويه هاتينا يمين شويه ادينا عايشين يا كوريا
والله انا خايف الحرب تشتغل من هنا يقوم النور قاطع ، مختتمين كوريا لو شافت الالش اللى المصريين عماله تألشه هتقلب الحرب علينا.