رسالة جميلة عن مظاهر الاحتفال بالعيد أرسلتها الأختان نورسين ونوليا إسلام، تعبر عن فرحتهما بالعيد وأيامه التى يتجمع فيها الأهل والأصدقاء، تظللهم مشاعر الحب والبهجة والفرحة بقدوم العيد. حبيبتى ماما سماح كل سنة وحضرتك طيبة، أنا نورسين إسلام، أحب أعبر لك أنا وأختى نوليا عن فرحتنا بالعيد، فى يوم الوقفة نذهب مع ماما وبابا وأختى الصغيره نوراى إلى بيت جدتى فى المنصورة، هناك نشعر بفرحة العيد نلعب مع الأضحية ويوم العيد نلبس الملابس الجديدة ونشاهد ذبح الضحية وجدتى تفرق اللحمة على الفقراء وناخد العيدية ونشترى الحلوى ونلعب ونتسلى مع بنات خالو، وتانى يوم نذهب إلى بيت جدى ونعيّد عليه هو وعمتو اللى بنحبها أوى، وبعد كده نرجع إلى الإسماعيلية ونذهب إلى الملاهى ونركب المراجيح والمعدية وفى اليوم الأخير للعيد نذهب إلى بورسعيد ونقضى اليوم فى الفسحة واللعب هناك وبعد كده نرجع البيت، ونحن نستمتع بالعيد جداً وبنحبه أوى. نورسين ونوليا ونوراى إسلام فتحى