يا مصر يا ام العيون متكحلين من بين بلاد الله إنتى عليكى العين من كتر حسادك حلفت لعيونك ألفين يمين ويمين ورب الكعبة ما تخافى عريسك ده واد مجدع لا بينافق ولا بيخدع ولو مسك حد يوم بكلام يبات سهران بيتوجع بروحه ودمه يفديكى ويسهر لاجل يحميكى يا مصر أموت أنا فداكى ورب الكون يخليكى ولادك هما أحبابك وكله يهون فدا ترابك بموت فيكى وأموت ليكى واحب أسهر ف لياليكى لياليكى بحنلها ولما الدنيا تتعبنى أحب أتمشى على نيلها وتحكيلى واحكيلها وتشكيلى واشكيلها وتزعل منى أدلعها وأدللها واكتب الشعر ف سواد ليلها كتير قالوا مصر جمالها بيعقد وانا بدمى يسيل ليكى لرب الخلق بتعبد حبى ليكى مش يدوب ذكرى دانا ف كل شارع ليّا فيه ذكرى هنا اتكعبلت وقعت وهنا حلمت أنا ببكرة بحرية ووطنية كلنا هنعيش وهنبنى البلد طوبة شعب وطوبة شرطة وطوبة جيش الشاعر محمد عزب