نصائح للراغبين في خسارة الوزن وتجنب الزيادة خلال شهر رمضان

قدمت الدكتورة شريفة أبو الفتوح استشاري التغذية الشاملة، عدة نصائح بشأن أفضل العادات الغذائية المتبعة في شهر رمضان كريم، من أجل تسهيل خسارة الوزن، وتجنب الزيادة المعتادة.
وقالت أبو الفتوح: «بالنسبة لقرار التخسيس، نبدأ مع نفسنا، ومتقولش لحد إنك هتعمل دايت، ليه نلفت النظر؟! ولو القرار في نص اليوم نأكل ثمرة فاكهة وعلبة زبادي بالليل، وبعدها نبدأ نظام صحي، نأكل اللي احنا عاوزينه من الأكل الموجود لكن هنستلقط، ومحدش له دعوة باللي أنا هعمله».
وأضافت أبو الفتوح خلال حوارها مع الإعلامية ياسمين سعيد مقدمة برنامج «الجمعة في مصر»، الذي يعرض عبر شاشة MBC مصر: «هناك نظام صحي، لكن يشترط أن تكون الحالة الصحية جيدا، كوب سلطة وآخر خضار وبروتين سمك أو فراخ أو لحمة ونص كوب نشويات مثل الأرز والمكرونة والمحشي، و2 كوب زبادي، وقطعة حلوى في نصف اليد، وبيضة وكوب زبادي».
وأوضحت استشاري التغذية الشاملة: «لو نبدأ بشوربة وقطعة بروتين وخضار، بعدها بشوية سلطة ونشويات مثل 2 قطعة سمبوسة وممكن نأكل علبة زبادي أو ثمرة فاكهة، ونحاول ألا يطغى عنصر على آخر، فالجسم يجب أن يحصل على كل العناصر، وممكن بدل ما نأخذ قطعة الحلوى ناخد سمبوسة أو محشي وده في المناسبات".
وواصلت: «ممكن نشيل النشويات ونزود البروتين عشان العضل يزيد، والنشويات ممكن تتاخد من الفاكهة، ومهم اللبن، لكن في ناس عندها حساسية ضد اللاكتوز، فبيجيلهم غازات وبيتعبوا، لكن اللي صحته كويسة مفيش مشكلة».
وأردفت: «العسل على اللبن أحلى حاجة في الدنيا، ولازم نحاول نشرب مياه بقدر الإمكان ولو بنشرب زجاجة مياه صغيرة نخليها زجاجتين لأسبوع كامل وبعدها نخليها 3 زجاجات، ولما نصحى على طول نشرب زجاجة 600 مللي لأنها تطهر الجسم».
وحول السحور، أوضحت أنه يفضل تناول معلقتين فول وبيضة وربع رغيف: «وممكن شوفان ولبن أو شوفان وزبادي أو بليلة، وفي اختراع لطيف جدا، وفي اختراع عظيم اسمه ايرفراير ولا نستخدم فيها مياه، وطعم الأكل فيه يكون رائع، لكن يكون سيئا لو ركناه».