إلهام شاهين عن صراعاتها الفنية مع الفنانات: «اتصالحنا وبقينا حبايب»

قالت الفنانة إلهام شاهين، إن صراعاتها الفنية مع مختلف الفنانين خلال السنوت الماضية تصالحت فيها جميعا، ولم يتبقَ بينهن إلا كل ود وحب واحترام: «كلنا بقينا حبايب، وفيفي عبده من أكتر الصحاب اللي بحبهم في حياتي، واتصالحت مع نبيلة عبيد وجت خدتني في حضنها لما ماما ماتت».
وأضافت «شاهين»، خلال استضافتها ببرنامج «السيرة»، الذي تقدمه الإعلامية وفاء الكيلاني على فضائية «DMC»، أن سيرتها ستفيد السيدات بشكل خاص حتى تكون محاربة في حياتها ويقف أمامها أي شئ: «أنا مش بعرف أستسلم، وأنا محدش تعبني في حياتي أنا اللي بتعب نفسي، ومحاولتش أصلح نفسي لأني بحبها بالكبرياء والقوة والعند ده، ومفيش حاجة اتفرضت عليا في حياتي».
وأوضحت أن أهم اسم تريد أن يكتب في سيرة حياتها هي والدتها، وهي بالنسبة لها أهم ما في الكون: «هي عملتلي كل حاجة في حياتي، وأمي الحنان والطيبة والنقاء والتسامح والرقة.. الجمال اللي ربنا خلقه في الدنيا كان فيها».
وأكدت أنها أيضا تعشق كافة أفراد عائلتها وأخوتها وأبنائها والفنانة هالة صدقي ويسرا وليلي علوي ودلال عبد العزيز وبناتها: «إحنا أصحاب بجد وحلوين أوي مع بعض».
وتابعت: «أنا اشتكيت من بابا كتير وماكنش لازم أشتكي منه كده، بس أنا كت زعلانة جدا لأني كنت حاسة بمكانتي ولكن هو لأ، وأنا إشتكيت منه كتير وماكنش لازم أعمل كدة، والحياة اختيار وأنا اخترت اللي كنت عايزاه»، مشيرة إلى انها اختارت عنوان سيرتها ليكون «الصادقة».