قال المهندس كامل الوزير، وزير النقل والمواصلات، إنه سيتم تعويض الأهالي القاطنين والساكنين في حرم الطريق الدائري، من أجل إخلاء تلك المنازل واستخدامها في تطوير الطريق الدائري، «40 ألف جنيه عن كل غرفة، اللي عنده شقة غرفتين وصالة ومطبخ يبقى كده 160 ألف جنيه». وأضاف «الوزير»، خلال مداخلة هاتفية في برنامج «الحكاية»، مع الإعلامي عمرو أديب، على شاشة «MBC مصر»، أن هذا التعويض سيكون لكل وحدة سكنية بخلاف تعويض ملكية الأرض، «يعني ده تعويض للي ساكن داخل الشقة اللي يطلع منها وناخدها منه ونهدها عشان نوسع ونطور الطريق». وتابع: «بطلع القاطنين سواء اللي سكان مأجر قديم أو مالك لوحدة سكنية بندي له التعويض بتاعه، وناخد الشقة اللي هو بيسكن فيها، أما بالنسبة للأرض، فالهيئة المصرية العامة للمساحة لديها كافة الأراضي وتسجيلاتها سواء الأراضي التابعة للدولة أو المنازل ذات الملكيات الخاصة، لو هو ملكية خاصة حتى لو باني مخالف، هياخد التعويض بتاع السكن وبتاع الأرض». وأوضح وزير النقل والمواصلات، أنه في الوقت ذاته لن يتم إعطاء تعويضات عن ملكية الأرض لمن قام بالبناء على أرض الدولة، «إحنا بنقول الكلام ده ومش بنخاف، ولازم نقول الحقيقة، مش بنبيع الوهم للناس، دي مش أرضك ده أرض الدولة مش هديك ثمن الأرض، أنا بدي لأصحاب ملكية الأرض واللي معاه مستندات، أديله ثمن الأرض». وعن الجهة التي ستقدر قيمة الأرض، «الهيئة المصرية العامة للمساحة، دي الهيئة الرسمية للدولة اللي تقدر سعر المتار في الأرض سواء مباني أو أرض زارعية، ومحدش بيضر خالص، كل واحد ياخد حقه عن الوحدة اللي سكنيه اللي يشغلها، سواء ايجار قديم أو مالك أو صاحب الارض اللي اتبنى عليها العمارة».
