اللى مش مصدق إن المصريين فرحانين يتفرج على «افرح يا شعب»

فيلم تسجيلى صوره «أحمد» وأصدقاؤه فى عدد من المحافظات

أطفال يرقصون على أنغام «بشرة خير»، سيدات يقفن أمام اللجان الانتخابية بأعلام مصر، رجال وشيوخ لم تفارقهم الابتسامة رافعين علامة النصر، بائع ورد يوزع الورود على المارة من الفرحة.. مشاهد التقطها محمد حسام وأصدقاؤه أثناء فترة الانتخابات الرئاسية، وقرروا أن يجمعوها فى فيلم قصير يوضح مدى سعادة المصريين فى الشارع أمام العالم. «افرح يا شعب»، شعار أطلقه الشاب العشرينى وأصدقاؤه على مبادرتهم حتى يبثوا الفرحة بين المواطنين «فكرنا فى الفيديو لما لقينا صور كتيرة جداً عرفنا نجمعها لفرحة المصريين، قولنا نعمل حاجة جديدة ونخلى العالم كله يتفرج عليها»، مضيفاً «من أول أيام الانتخابات وقررنا كل واحد ينزل فى محافظته ويصور أكبر عدد ممكن من اللقطات اللى تعكس فرحة الناس فى الشارع أيام الانتخابات». يومان استغرقهما محمد ورفاقه فى إعداد الفيلم التسجيلى، الذى حصل على أعلى نسبة مشاهدة منذ طرحه على موقع اليوتيوب «يوم صورنا ويوم تانى جمعناه ورتبناه فى الفيديو، وكنا مصممين ننزله مع انتهاء التصويت، عشان العالم يشوف الناس الطيبة اللى محدش صورها ولا حد شافها»، يؤكد محمد «إحنا شباب ملناش أى توجه سياسى كل هدفنا إننا نوصل الصورة صح للعالم كله، ونقول للمصريين افرحوا يا شعب».