كشفت الفنانة زينة، سر اختفائها عن الظهور الإعلامي في الفترات الماضية، حيث قالت: "أنا مش بعرف أمثل أو أكذب في البرامج عشان كده ظهوري كان بيخسرني مش بيكسبني"، موضحة أن ظهورها تليفزيونيا ضايق الكثير منها، "الناس قالت مالها بتضحك كده ليه، مالها بتقول كلام وحش عن أصحابها، فلاقيت نفسي عمالة أخسر وأنا لسه بقول يا هادي". وأضافت "زينة"، خلال حوارها في برنامج "الحكاية"، مع الإعلامي عمرو أديب، على شاشة "mbc مصر"، أنها لم تستطع مجاراة الوضع لذلك توقفت عن الظهور في الإعلام، مستطردة: "الناس قالتلي متقوليش الصراحة، ولو مش بتحبي حد متقوليش عليه، قولي كل أصحابي حلوين وكل زملاتي حلوين". وتابعت: "كل الناس قالوا لي عيبك الصراحة، وأني بفهم الناس غلط لأني بحس إنهم طيبين".