قال عمرو أديب، إن الإدارة الحالية في مصر عندما تّسلمت قيادة الدولة كانت تتوقع أن يكون هناك نوع من أنواع التعاون الشعبي معها، ومتابعة الشعب للإنجازات التي تتم على أرض الواقع، مضيفًا: "فيه إنجازات تتم على أرض الواقع بالفعل، وإنجازات عديدة، بس لازم يتم توضيحها خاصة في الوقت الحالي". وأضاف خلال تقديمه برنامج "الحكاية"، الذي يُعرض على شاشة "mbc مصر": "أنا مش من الناس اللي عندها هوس باللي بتعمله، مش بحب أطلع أقول عملت إيه إمبارح والنجاحات وإني عملت وسويت، إحنا عاوزين نبني ونقدم لحضراتكم كل حاجة والحقائق بالصوت والصورة والفيديوهات والمستندات". وأشار إلى أنه يجب الآن الإفصاح عن كافة المؤامرات التي تُدار ضد مصر، خصوصًا عندما بدأ البعض ضرب الثقة بين الشعب والإدارة المصرية، مضيفًا: "مش هنقعد بقى نتكلم عن الناس اللي نزلت مظاهرات وعددهم كام والكلام الصغير ده، خلينا نفتح ملفات شائكة قوية للرد على شائعات الإخوان".