اتجاهات

الخميس/15/9/2011
التقديم :حنان منصور
حنان منصور:مساء الخير مشاهدينا الاعزاءفى سبيل كرامة الوطن وكل مصرى هل ان الاوان ان تهدأ راضية مرضية نعلم انه البشرى للشهيد له الجنة هل ان لكل مصاب النهاردةانه يشعر بان الوطن بكل ابناء الوطن هيتخلوا عنه وهيفضلوا مقدرين اللى ابذله فى سبيلهم نحن نعيش الان القصاص قصاص لمن تسبب فى قتلهم واستشهادهم لن تتوقف عجلة القصاص حتى صدور احكام عادلة فى حق كل من تسبب فى ازهاق روح اى مصرى اواشاع فى البلاد الفساد والافساد والاستبداد بنرى الان محاكمة الرئيس السابق ونجلية واركان نظامة ووزير داخليتة هذه المحاكمة بتمضى وسط اعترافات وشهادات هذه الاعترافات والشهادات قد تؤدى فى النهاية الى الحكم العادل المستحق بنرى الان محاكمة المتورطين فى موقعة الجمل الشهيرة هذه المحاكمة قد بدأت وشاهدنا جميع المتهمين فيها فى قفص الاتهام كما بدأ محاكمة عدد من ضباط وقيادات ومديريات الامن فى كافة انحاء الجمهورية المتهمون فى احداث قتل الثواروايهم محاكمة فى بنى سويف قد تهدأ ارواح الشهداءولكنها لن تهنأ حتى تتحقق كل مطالب الثوار وحتى تصبح مصر كما كانوا يحلمون بها حتى نشعر جميعا اننا قدمنا ما قدمناة فداءا لمصر وان الشهداء هم احسن حالا فى رعاية وطن هم ينشغل عنهم والشعب هو دايما فى رباط حتى يوم الدين من هنا كان قرار المجلس الاعلى للقوات المسلحة بانشاء صندوق للرعاية الصحية والاجتماعية لاسر الشهداء ومصابى الثورة تحقيقا لهذا الهدف وبما يتناسب مع الدور الجليل الذى قدمة هذا الصندوق خطوة مهمة على هذا الطريق وقد حقق عدد من الانجازات غير ان هناك مهما يجب بالطبع ان يقوم باستكمالها وخدمات ويواصل تقديمها اليوم وغدا عرفانا وتقديرا حلقة الليلة من اتجاهات بتناقش مقترح حول صندوق رعاية اسر الشهداء والمصابين ونلتقى بضيوفنا ولكن بعد الفاصل
فاصل
مواطن : بالنسبة لشهداء الثورة انا باقتراح بان بخلاف التعويضات يبقى فى مشروعات ليهم وبالذات اللى عندهم عجز جزئى اوكلى لسبب معين انا هدى له فلوس الفلوس دى هتخلص وبعد كده مش هيلاقى اعانة له فا انا شايف انالاسلم ان احنا بجانب الفلوس اللى هياخذها يتعمل له مشروع اى ان كان انا فى دلوقتى الصندوق الاجتماعى للتنمية يمكن يدى له مبلغ المبلغ ده يتعمل له مشروع بحيث يعينة على الحياة بعد كدة
مواطن:لازم نعدل اللى توفى وفى اللى قعيد دلوقتى ما بيتحركش مفيش مصدر رزق مش قادر يشتغل ماهو ده برضه يعتبر كان موجود فى الثورة لازم ياخذ حقة
مواطن:بالنسبة للحكومة بتقول احنا عملنا صندوق وبنصرف ومفيش اى مشاكل عكس ان الشهدا بيقولوا ان مفيش حاجة حصلت اللى بيتكلموة ده كتابة ومفيش حاجة بتحصل الا جرائد
مواطنة : من الارجح ان احنا ما نقتصرش على ان احنا ادى له اعانة واكتفى وخلاص اخذ الاعانة بتعتة وانتهى الموضوع على كده لأ احنا ممكن نفعل الموضوع ده فى الصندوق بان احنا ممكن نعمل مشاريع تدر دخل دائم ومستديم يبقى زية زى اصحاب المعاشات
مواطن:الراجل ده يكرم الى مدى الحياة هو واسرتة اشمعنا بتوع لعيبة الكرة او كده بنعمل لهم اوسمة والوسام ندفع له بتاع 1500 جنى فى الشهر وده راجل معملش حاجة للبلد كل اللى بيعلمة ان هو اخذ فلوس انما ده الراجل الشهيد اللى ضحى بحياتة وضحى باسرتة علشان البلد تنسلخ من الفساد والظلم والاستبداد اللى كان فيها
مواطن:الشهيد ده لازم يكرم اصلا مكرم لانه بعد كده مكرم مش عملية مبدا لا يكرم فى الميادين وفى كل مكان وسنويا يعملوا حاجة زى عيد الشهيد مثلا نفترض انه عيد ثورة للشهيد
مواطن الناس دول ياخذوا حقوقهم على اكمل وجه الناس دول حققوا لاغلبية الشعب الحرية اللى هما اشتروها بدمهم والناس المصابين المفروض ان الدولة برضه تعمل برايهم انا شايف ان الدولة فى طريقها فعلا ان هى تديهم حقوقهم زى ما وعدت
مواطن:تكتب اسماءهم على الشوارع على محطات المترو على صدر كل واحد فى شعب مصر لازم مش هقول زى الاجانب نرفع القبعة لازم نقرأ لهم الفاتحة كل يوم لازم ندعى لهم فى كل صلاة لغاية ما نموت
فاصل
حنان منصور:ونعود الى الاستديو سيداتى سادتى مع ضيفينا بعد ان استمعنا الى هذا التقرير من الشارع المصرى حول شهداءنا معنا فى الاستديوالاستاذه فانسى عصمت محمود المدير النفيذى لصندوق ضحايا 25 يناير اهلا وسهلا استاذ فانسى
فانسى عصمت : اهلا وسهلا
حنان منصور: ايضا معنا الاستاذ ممدوح شعبان رئيس تحرير الاهرام اهلا سهلا استاذ ممدوح
ممدوح شعبان : اهلا بيكى
حنان منصور:استمعنا لرأى الشارع المصرى لا يختلف احد على ان الشهداء لهم طبعا لهم منزله نعلمها جميعا عند الله ولكن لهم منزلة فى قلبنا تقديرى استاذه فانسى تقولى لنا فى عجالة اللى تم تطبيقة لاسر هؤلاء الضحايا هؤلاء الشهداء حتى الان من الصندوق
فانسى عصمت :من الصندوق والا الدولة ؟
حنان منصور: نعم
فانسى عصمت:من الصندوق والا من الدولة ؟ الصندوق بس ولا الدولة ؟
فى البداية فى الاول كان المعاش المعاش دوت الصندوق ده مصروف من هيئة التامبنات والمعاشات من وزارة المالية ده كان على طول اتفعل بعد الاحداث وكان 1500 جنية اسرة الشهيد فى زياده 1725 جنية فى زيادة وده بيستحق بيبقى مستحق من تاريخ المعاش واللى ملوش مستحق معاش ورثة كانوا بياخذ 50 الف جنية كا نوع من انواع التكريم وليس التعويض
حنان منصور: اتعمل فورا اسس فورا فى اعقاب ال
فانسى عصمت:اه هو بدا تفعلية فى شهر 2 وفى حاجة برضه انا عايزة اؤكدها ان اسر الشهداء اللى ما تموش استيفاء الاوراق وما صرفوش لحد الان ومش اعداد كبيرة هيتم الصرف ليهم باسر رجعى يعنى من فين لغاية تفعيل هذا القرار كان قرار رئيس مجلس الوزراء
حنان منصور:اه
فانسى عصمت:بالنسبة للصندوق لما اؤنشى بقرار جمهورى بقرار السيد المشير وبدأ تفعيلة فى 1/7 وكان اول اختصاصاتة حصر اعداد المصابين واسر الشهداء وان كان لحد شهر 7 كان فى تضارب فى الاعداد ومكنش فية التحقق بعدد المصابين واسر الشهداء
حنان منصور : نعم نعم نعم
فانسى عصمت:ده كان اول اختصاص عملناه وتم بالفعل وحاصرنا اسرالشهداء واعداد المصابين فى الفترة اللى اعترف بيها ان هى دى الفترة اللى فيها الصندوق اللى هى 25 /1 لحد 24/3
حنان منصور : من 25/ الى 24/3
فانسى عصمت:كل الاحداث اللى بعد 24 /3 بنقوم بالدعم الصحى وليس المادى او التقيمى فا الناس تم حصرهم
حنان منصور:عددهم اد ايه فى المرحلة الاولى يا استاذه فانسى ؟
فانسى عصمت :بالنسبة للمرحلة الاولى فى المصابيين 1495 مصاب والمرحلة الثانية لسة لم ننتهى بعد من حصرها ممكن ما كملتش 1000 بالنسبة لاسر الشهداء عندنا 595 اسرة شهيد بتصرف معاش او صرفت التكريم المادى ومفيش واخذت
حنان منصور:استاذ ممدوح شعبان يعنى بصفتك يعنى كصحفى راصد للاحداث منذ ان بدأت وحتى الان واللغط الكبير الذى اثير حول صندوق رعاية الشهداء ومطالب الثوار التى لم تنتهى بالقصاص لقتلة الثواركيف تقرا هذا المشهد من خلال عملك
ممدوح شعبان : حضرتك فى البداية الشعب المصرى فى الاحداث الى مرت بيها مثل زى العبارة القطار كانت بتواجة مشكلة فى صرف التعويضات او من هناك كانت فى تاريخ مسبق فى زهن الثقافة اشاعات ان كل اللى بيسموا ده مش هتحقق لكن كان ضامن الوحيد له المشير طنطاوى القائد الاعلى للقوات المسلحة هو اللى اصدر مع المجلس الاعلى للقوات المسلحة قرار 23/ 2011 فهنا بدأت الاطمئنان
تدخل على قلوب النا س وتطمئن ولكن للاسف بعض الاخوة المحامين كانوا بيطالبوا اسر الشهداء بيقولوا لأ استنوا شوية عشان نحقق اسمنا اكبر يعنى ودى
حنان منصور:يعنى احنا هنا استاذ ممدوح مثلا فى التليفزيون المصرى كان بيجى ناس من اسر الشهداء
ممدوح شعبان : مش عارفين ندخل
حنان منصور : دى شكوتهم عندكوا بقى متواصلين
ممدوح شعبان :فى الصحف هم بش يشتكوا نقول لهم رحوا للصندوق كنا كل يوم ننزل نداء ننزل اعلان فى التليفزيون
حنان منصور: نعم
ممدوح شعبان :ننزل نداء من المجلس الاعلى للقوات المسلحة ومن الصندوق ومن الحكومة روحوا قدموا اوراقكم مهاهو مش معقلول هيروح يقدمة لاى حد يخش ويقول انا شهيد انا مصاب ما فى اوراق
حنان منصور :هى كانت مشكلة الاوراق المطلوبة وبعض الناس كانوا برضه فى اشكالية من يستحق ومن هو الشهيد الذى يستحق عنه لانه البعض دخل
ممدوح شعبان :اه حضرتك بس خلينا نكون واقعيين يعنى لازم نعالج الموضوع بصراحة حصل بعض ضعاف النفوس دخل ودخلوا من غير ورق ودخلوا بدعاءات وبالتالى فى جهة لازم تتاكد من ان ده يستحق ده معاش تكلفة مالية ضخمة ولازم الدولة الحق يصل لمستحقية
حنان منصور : نعم
ممدوح شعبان :يعنى انا مش هبقى سعيد لما حد عايز ينجح المندنس يدخل ورق وياخد وائما صاحب الحق ودائما المحتاج الفعلى يبقى صعب علية يوصل لحقة عايزين ننزل لبعد الثورة كل واحد ياخذ حقة
حنان منصور :اه
ممدوح شعبان : فا هنا
حنان منصور : يعنى ناتج عن التباطؤ الشديد فى تلبية وان يقوم الصندوق استاذة فانسى قالت انه مباشرتا
ممدوح شعبان : الصندوق ده بيطلع يشتغل
حنان منصور : يشتغل على طول اه
ممدوح شعبان :ه لما طلع المرسوم كمان حضرتك وطلع من المجلس الاعلى للقوات المسلحة يعنى المصداقية اعلى مصداقية والناس عندها تجربتها مع القوات المسلحة دائما الصدق والاطمئنان لكن كان بطئ عند بعض الناس
حنان منصور:لما كان يجي لك حد فى الشغل يقول لك انا
ممدوح شعبان :حضرتك المسالة اكتشف القضاء ان هو يرجع قسم محامى التعويضات باغراءات امضى بس يمضى وانا هتولى كل حاجة مش عايزين نقول ان بعضهم كانبيجدى لهم مصروفات علشان يرضى يدى له ويعملوا كل حاجة وبالتالى الاساتذه المحامين كل ما يحصل ضغط اكثر متوهم ان هو هيبقى فى مكاسب اكثر وبالتالى هو فى جزء مستفيدة لكن الناس البسطاء من اسرالشهداءو المصابين بيتوجهوا للصندوق مع كلام محامى مرافعة يقدر يتعامل عشان ياخذ مثلا المعاش حاجات بتمشى بعض الشهداء كان هوالعائل الوحيد للاسرة ازاى واحد المده دى كلها وعنده التزامات وتعليم
حنان منصور: وينتظر ماهواستمع لكلام المحامى
ممدوح شعبان:لألألأ البعض حضرتك لسة فى 524 اسرة دول على ارض الواقع لو حققى الاتصال اخذوا جميع مستحاقتهم فى انتظام وفى منهم على حد علمى بيودا لهم معاشهم فى البيت
حنان منصور:طب يعنى لما هو يكون العدد الرقم كده ويكون الصندوق بيقدم حضرتك قولتى لى بيقدم الدعم الصحى والدعم النقدى ايضا يعنى رصدك برضه اغلب الحالات كان بيحتاج دعم نقدى اكثر والا دعم اجتماعى بمعنى مثلا ان هو يحتاج مشروع مكنش الصندوق مخول
فانسى عصمت : لأ مخول بس هو النقطة احنا قمنا بدراسة يعنى دراسة مبدئية للحالات ففى اولويات فكان اول اولوية هو بالنسبة لاسر الشهداء عندى برضه مش عايزة ارجع المجهود ده للصندوق للتامينات ويمكن برضه عايزة اطمن الناس دى ما بتصرفش من الصندوق المعاشات دى هتوصل دى موازنة الدولة مش من ال لضمان الاستمرارية لردوا من ضمن الحاجات ايه المعاش بعد عشر سنين ينقطع دى مش حقيقه فى اشاعات كثير حصلت علشان تحبط مجهودات الحكومة علشان ان هى تهدى الناس او تعوض احنا مش يعنى مجلس التعاون بيدفع تعويض عشان احنا مفيش تعويض بدعم مفيش حاجة تعوض البنى ادم مفيش حاجة تعوض ايد ولا رجل يعنى فقد الانسان شئ غالى فهو ده دعم مادى يعنى احنا لما جينا قسمنا الاولويات تم الاهتمام باسر الشهداء من اول يوم وزى ما قلت اسر كثير جدا صرفت الدعم المادى لكن المصابين مكنش لهم اى دعم فى ناس فقدت عملها بسبب ما خلفتة الاصابة من عجز
حنان منصور: نعم
فانسى عصمت:الناس دى لما جينا نتعامل مع الملف بتعهم كانوا هما الاصعب فى الحصر يمكن سيادة معالى الوزير رئيس الوزراء دكتور عصام شرف رقم213 لمحددات مش استثناء لأ اعلى معاش فى حكومة جمهورية مصر العربية انا عندى استثناءات ابو 1500 بقى 1525
حنان منصور:هنستمع الكلام على وضع المصابين بعد اذنك يا باش مهندسة معانا مداخلة تانى من الاستاذة شادية ابو حسين من الغربية اهلا وسهلا اساذه شادية
شادية : الو ايوا ايوا
حنان منصور:اهلا وسهلا استاذه شادية
شادية : اهلا بيكى
حنان منصور : اتفضلى
شادية:هلا بيكى انا باتكمل بس عن المصابين عن اللى هما فى المستشفيات اللى فيهم اصابات وعنيهم ورجليهم وايدهم وبعدين بيجى حوارات كثير على التليفزيون ملهاش لزمة كل واحد بيقعد بحوار بيشكك الناس
حنان منصور : طب قولى لنا يا استاذ شادية اقتراحك ايه يعنى احنا كنا فى الاستديو قبل مانستمع ليكى فى التليفون كنا بنتكلم عن المصابين
شادية:فى ايوا
حنان منصور:اتفضلى
شادية : يعنى لازم المشير هو يتكلم شرف يتكلم كل المسئولين يتكلموا يسيبوا الناس اللى بيقعدوا يعملوا مداخلات ويهيجوا الناس كل يوم على القناة 3 – 4 كل يوم 5 – 6 يهيجوا الناس براى واعصابهم تتعب براى لازم يكون فى قناة مصرية تطلع تتكلم مع الناس واحنا هنعمل كذا واحنا هنعمل كذا بدل ما فى كلام كثير بيخلى الناس تتعب الناس تعمل مظاهرات التليفزيون المصرى لازم يعتب كل شئ ويطلع المشير يتكلم طنطاوى بتكلم المشير طنطاوى يتكلم شرف يتكلم يكلموا الناس باسلوب مش عايزين يكلموا الناس اللى بتقعد كثير واحد يتكلم
حنان منصور:بنشكرك يا استاذة شادية وصلت رسالةحضرتك واحنا بنشكرك جدا ويعنى واضح ان اعلام الدولة اصبح حاضر
ممدوح شعبان : حضرتك لوسالتيها اذا كانت قدمت راحت والا لأ ما فى كم من المصابين مايعرفوش
حنان منصور : يعنى لازم التليفزيون
ممدوح شعبان : حضرتك كمان اسمحى لى اتكلم الكلام ان مرسوم القرار لما طلعماقلش هندى فلوس وبس ده هيوفر فرص عمل للى فقد عملة وهيعمل مشروعات للاسر اللى فقدت عائلها وهيفتح يعنى الاسر دى هتقدر تعمل تريكو خياطة مشروع اى ان كان مشروع بسيط
حنان منصور : دى يعنى رعاية متكاملة بس عايزة اسال علشان احنا عندنا مثلا فى وزارة الشئون الاجتماعية بيحصل دايما بحث ميدانى
لبحث كل حالة على حده يعنى حتى يذهب الدعم والرعاية لمن يستحق وليس لمن يدعى مش ده بياخذ وقت مهندسة
فانسى عصمت :شغالين فى الموضوع بالفعل
حنان منصور : يعنى تقريبا البحث الاجتماعى ده اد اية وقت
فانسى عصمت : يعنى تقريبا الشئون النفسية فى القوات المسلحة اخذت استطلاع راى وبيان حالة وتم توزيعة على المحافظات المختلفة عايزة ااكد بس ان كل الناس تروح تملئ استطلاع راى وبيان حالة لان زى ما حضرتك بتقولى هوده اللى هيعمل لى دراسة للحالة فى غير عايز شقة الوظيفة غير الوظيفة فى دلوقتى عندة مشكلة بقولى دخل لى ابنى كلية كذا ومش عايز حاجة خالص فا احتياجات الناس بتتباين
حنان منصور : نعم
فانسى عصمت :فا بيتم دراسة الحالة وبيان الحالة فى بعض المحافظات كان امبارح عندنا اجتماع برياسة اللواء محسن الفنجرىمع كل الاستشاريين العموميين مع سيادة اللوا العسكرى بالمحافظةوسكرتيرعام المحافظة كان امبارح الاجتماع واستمر حوالى 5 ساعات علشان دراسة كيفية تنسيق بين الجمهور علشان ااكد بقى اللى الاستاذه لسة بتقولة ان المحافظة دى جهة بالنسبة يعنى عملنا اقتراح هايل وانشاء الله هينفذ من يوم الاحد بتاع يوم الخميس لتنفيذ تعليمات السيد اللواء ان احنا هنعمل فى كل محافظة اثنين موظفين للصندوق
حنان منصور:المصابين طب هى برضه الاستاذة شادية كانت قالت عن المصابين كنا قرانا من فترة فى الجرائد انه كان فية حالات علاج وفى حالات سيادة المشير امر بعلاجها فى الخارج يعنى كلمينا عن الحالة دى لانها طبعا كانت لفتة لهامغزى متميزة جدا هو ده برضه تاكيدا على اللى الاستاذة كانت بتقولة ان يمكن كان الاعلام فى الجرائد مكنش فى جرائد رسمية مكنش فى رد لكن الرد النهاردة بنقولة لما عملنا فى زكريا جاى على الطيارة دلوقتى فى عربية مستنياة
حنان منصور : هو ده المصاب
فانسى عصمت : فى المانيا
حنان منصور : فى المانيا
فانسى عصمت :اه فى عربية مستنياة دلوقتى فى المطار وهوجاى على الطيارة بتوجيهات السيد المشير هيتم دلوقتى دخولة مستشفى القوات المسلحة للتأهيل بالعجوزة وانا عايزة ااكد زكريا حسين رجل الاعمال مكنش هيعلجة ومكنش فى حد من المجتمع المدنى كما اشاع يحاول اسقاط الصندوق واسقاط بعض الشخصيات الرائعة فى المجتمع المدنى اللى تولت حالات كثير جدا وعالجتها حسين زكريا هو اصم وابكم هو بكل رياضى اصيب فى التحرير فى العمود الفقرى لما كان هنا فى مصر سافر سافر مستشفى علمية مستشفى علمية هى اللى تكفلت بكل حاجة وده يمكن من الحالات اللى كانت دورة الحكومة الالمانية الحكومة الالمانية ان هى محدش دفع احنا اللى دفعنا نفس المستشفى هى اللى كانت متكفلة اساسا وسهلت له الموضوع ده بعض الشخصيات محترمة جدا للسفر فقط سافر والعملية ما قدروش يعملوها يعنى كان سلبيتها اكثر كثيرا من ايجابيتها
حنان منصور:اية الاكثر مهندسة فانسى هنسمعها من مداخلة تليفونية معانا دلوقتى من دكتور هشام شيحة وكيل اعمال وزارة الصحة اهلا وسهلا
د/هشام شيحة : اهلا بحضرتك يا افندم وبالسادة المشاهدين اهلا بحضرتك حضرتك بس توطى التليفزيون شوية عشان صوت
د/هشام شيحة : نطفى التليفزيون خالص يا افندم
حنان منصور:اه تكلمناعن حالة المصاب المهندس فانسى قالت انه بيهيصوا دلوقتى وانه هيدخل فى مركزالتاهيل فى العجوة
د/هشام شيحة : هو انشاء الله المصاب هيوصل بالسلامة من فرانك فورت يوصل مطار القاهرة الساعة 8 النهاردة فى طيارة فى عربية اسعاف تابعة لوزارة الصحة مجهزة هتوصل لغاية المهبط الطيارة وهتاخذه انشاء الله واحنا بالتنسيق مع مركز تاهيل العجوزة من اعلى المراكز اللى موجودة فى مصر وهو تابع
للقوات المسلحة والحقيقة انا برضه نقدر نعمل نقدم الشكر لسيادة المشير طنطاوى واللواء محسن الفنجرى الحقيقة هما تعبوا كثير ان يتحملوا النفقات علاجة بالكامل على نفقة المجلس الاعلى للقوات المسلحة ودلوقتى بانتهز الفرصة مع حضرتك والسادة المشاهدين ان احنا عايزين نعمل عملية تنظيم لعملية سفر اى مصاب للخارج محناش عايزين مصاب يسافر للخارج ويتعرض ما تعرض له الاخ المصاب العزيز ربنا يشفية انشاء الله
حنان منصور:طيب دكتور هشام يعنى ما هوالتنظيم فى رايك يعنى كيف ننظم عملية سفر المصاب الى الخارج حتى لا يتكرر ما حدث
د/هشام شيحة:هو يافندم لازم يكون السفر للخارج رايح على مركز طبى معتمد لازم ياخذ تقارير كاملة من المتخصصين هنا ويكون السفر للخارج يجدى يعنى ما احناش بنسافر للخارج محنش بنبعت ولادنا علشان الناس يتبهدلوا هنا هو يعنى لولا ان الراجل ده المستشار الطبى لوزارة الصحة فى لندن تابع حالتة وراح بنفسة وانا اعرف كمان ان معالى وزير الخارجية راح زارة اد احنا هناك وفى مركز متخصص فى المانيا وبعدين هو محتاج لسة تاهيل وعلاج طبيعى انشاء الله هيتم علاجة فى مركز تاهيل العجوزة ربنا يشفية وده نداء اى مصاب حتى لومصاب عادى وعايز يخ فى الخارج احنا مش هننكر التنظيم فى الخارج لازم يكون ماكدين له كويس نازل على مستوى كويس علشان نقدر نتابعة ويجيب نتائج كويسة انشاء الله
حنان منصور: نعم دكتور هشام شيحة وكيل او وزارة الصحة بنشكرك شكرا جزيلا على هذه المداخلة
ممدوح شعبان: المشير طنطاوى كان امر بتشكيل لجنة طبية على اعلى مستوى لفت جميع مستشفيات مصر فيها جميع الاستشاريين على اعلى مستوى ثبتت حالا مصابين بالكامل وكتبت تقارير احنا كنا بنبص عليهم ونتخض اوصت بعلاج الحالات اللى هى محتاجة مهارة عالية برة ممكن يتعمل فى مصر يشوفوا لها مزيد من الامان والنجاح اوصوا بسفرها للخارج وبرضه حضرتك للاسف زى ما الدكتور هشام بيقول اى واحد عنده اصابة متخيل الناس كلها اى واحد عندةاى اصابة متخيل ان هو عايز يسافر برة علشان يتعالج طيب ماهوبرضه حضرتك احناعايزين نخلى احتياجات الاولويات
حنان منصور : طبعا
ممدوح شعبان : الاخطر بالاقل خطورة
حنان منصور : اه
ممدوح شعبان : فالاقل فالاقل لان احنا فى مصر عندنا مهارة طبية عالية جدا مجالس طبية واطباء على اعلى مستوى فا عايزين حضرتك الناس تتفاعل مع بعضها يبقى فى تعاون
حنان منصور :اه ماهو احنا لازم نحط يا استاذ ممدوح وكان كلام دكتور هشام الية تنظيمية لان وجود التنظيم مهم جدا عشان بيسهل اشياء كثيرة قوى طبعا الى جانب الوعى طبعا واولوياته كمان
ممدوح شعبان :الغليان الموجود ده حضرتك كل واحد متخيل ان هواولى وهو الاحقاحنا لسة ما وصلناش لمرحلة ان الناس تبقى عندها اقناع كامل ان فى حد احق منى الحمد لله اذا ربنا ابتلاه بهذه الاصابة الحمد لله فى علاج فى حد مسئول عن علاجة فى مصرمع مزيد من ارتفاع الاسعار اللى احناشيفنها
حنان منصور:هوطبعا موضوع الرعاية الطبية فى مصر والرعاية الصحية وحق التامين للمواطن الصحى دى مشكلة كبيرة جدا وممكن لوتحدثنا بشكل خاص عن الحلقة دى نقدر نوصل برضه هرجع اسال ان هناك مصابون يعنى فى ناس مصابين يجوا يروحوا مثلا للصندوق يقولوا له احنا اتصبنا 25 يناير وماكنوش اتصابوا غربلة هذه لان فى عملية برضه صعبة وتحتاج مهارة من القائم على
ممدوح شعبان : واحد مصاب حقيقى معرفش يجيب الاثباتات
حنان منصور: اه مصاب فعلا لا يستطيع اه اتفضل يا استاذ ممدوح
ممدوح شعبان:أنا فى واقعة حدثت حقيقى وانا كنت شاهد عليها فى احد دكتور قال له فى حد مصاب واصيب فى خناقة فى مكان ما وكلهم معاهم اسلحة مسروقة من الشرطة فا فى شهر كام حضرتك فى شهر 5 فا اللى بياخذ راى ده حد عارض على ابو الولد المصاب ده انه يعمل له اوراق انه مصاب بتاريخ قديم
حنان منصور:اه احيانا كثير جدا
ممدوح شعبان:فحذرتة ان الاستشارى هيكتشف تاريخ الاصابة قالى اصلة مضروب بطبنجة يا بية مسروقة يعنى شوف حضرتك التحايل وصل لاية مصاب فى شهر 5 وعايزين يعملوا له الاصابة فى شهر 2 ادى شهر 3 حضرتك
حنان منصور : ده يحتاج ايه استاذ ممدوح يعنى هو هذه المهارة فى التحايل تحتاج لان نتعامل معها ازاى
ممدوح شعبان : مسئول الصندوق هيعرف ازاى القصة دى اذا عملها حد يجيد فن كتابة الورق وتظبيط المواعيد حضرتك عارفة بقى شهر 2 انا اللى باشتغل فى مهنة الصحافة كان غاب عن ذهنى اللى يعتبر المصاب وشهيد
حنان منصور:اه طبعا وقد يحدث مع موظفين كثير يعنى ممكن ما يقراوش التاريخ مثلا ابسط الامور
ممدوح شعبان : الضمير والامانة اللى عند الناس لازم تراعى ربنا ان احنا فى ناس محتاجة
حنان منصور: يعنى هنعود الى الاخلاق كضرورة اجتماعية وحتمية والتعامل مع معانا مداخلة تليفونية من المستشارعبد المنصف
المستشار/عبد المنصف اسماعيل : السلام عليكم ورحمة الله وبركاتة
حنان منصور : عليكم السلام ورحمة الله وبركاتة
المستشار/ عبد المنصف اسماعيل:المستشار عبد المنصف اسماعيل من كتاب الممارسة الديمقراطية وارجوا انكوا تسمعونى لانى هقول لكم مقولة الاول نبنى عليها الكلام
حنان منصور : اتفضل سيادة المستشار
المستشار/ عبد المنصف اسماعيل:الاصوات العالية بتاعت 2% اللى هى مجموع عدد اعضاء الاحزاب والجمعيات الحقوقية و150 ائتلاف شباب الثورة انا قلت الشباب فى ميدان التحريرياولاد المواجه ادام الشباب واللى يبقى مصر وعلم مصر انما 150 ائتلاف للشباب تفرقت السبل فا مصلحة مصر فين عندى دول وعندى50 حزب وعندى 50 جمعية على الاقل حقوقية وابداعية دول وقفوا امام المسئولين قلت لهم حرية مفرطة نفسنة مفرطة ولابد من الاعتصامات والمظاهرات الفردية والمطالبات الفئوية دى بتربك اى حكومة وكان المفروض ان دى حكومة مؤقتة كان المفروض بتؤدى مهمة وتعدى مرحلة انتقالية بالبلد والا اللى بيقبض مرتبة مش هيلاقية بيقبض معاشة مش هيلاقية بيبع سلعة مش هيلاقى زبون عايز يشترى سلعة او خدمه هيتحسر على نفسة هيقولة هات اجرة مطوتين هناكل بالمطاوى ابتدت المطاوى والاسلحة النارية دلوقتى والبرشام والبانجو على جميع النواصى لما يتقبض على دول يقولك لأ انا ارجع بقى للشهداء الحقيقيين انا مش عايز اطول عليكوا فى الموضوع ده انما بنقول ننتظم وبلاش كتر وبلاش كتر المظاهرات والاعتصامات دى واذا اتعلمت تتعمل بضوابطها القانونية والدولية لان دى لها ضوابط انما التخريب و4 الالاف عربية يتحرقوا فى ثورة 25 يناير وكام عربية ومش عارف ايه واللى يقولك ده مفتعلة ده الشرطة اللى مدبراها دهالفلول اللى عملاها لأ الكلام ده مازاد ضررة عن نفعة فهو حرام وانا كاتب اسلامى وسياسى ومستقبل تماما وباقول هذا الكلام وبوجه كلامى بالمناسبة من خلال لكم لاجهزة الامن لان واحد قرأ لى مقال يوم الجمعة اللى فاتت مكتوب تحت اسمى ان انا كاتب اسلامى وسياسى قام راح خاطف المقال منه وقال اهو ده تبع الاخوان ايه اخوان ايه وبتاع ايه انا مستقل تماما ومليش اى انتماء والمقال عنوانة خدوا العنوان واستفيدوا منه انتوا فك الكتب وكف الفتك 00 من الامام مصطفى المراغى والشيخ محمد رسلان يبقى دى يكتبها واحد من الاخوان كلمة قالها شيخ الاسلام الاسبق ان فاعلية الصوم او المؤمن لازم يفتح ايده بالخير
حنان منصور:وصلت رسالتك سيادة المستشار عبد المنصف اسماعيل وهذا كلام قيم جدا اولا احنا بنشكرك فعلا على هذه المداخلة شكرا جزيلا يعنى راى حضراتكوا فى اللى استمعتوا الية طبعا هو بتكلم على بدا الوعى بيتزايد جدا فى الاونة الاخيرة
فانسى عصمت : يمكن تاكيدا على اللى سيادة المستشار قالة احنا قفلنا ان المصابين لا يعتبروا مصابين لحد 24 /3 طبعا زى اى حد طالع فى الوزارة بكرة يعرف ان هو مش هيبقى فى
حنان منصور : يحصل على
فانسى عصمت :اى حاجة لان انتى اللى حصل فى ان دى مجلس الادارة تناقش فيها ماليا يعنى طب ازاى حضرتك جاية تبع طريق كذا ده كان احداث شغب انت عارف ان فى تاثير ده هو فى حالة زى ما سيادة المستشار قال من الغليان تمت ولابد من السكون لايه لتنظيم الدنيا لكن هى النقطة ان كل لحد 24 /3 مش
حنان منصور:فى برضه معلومة يعنى الناس لماتعرفها مهندسة فانسى هل فى مشاكل صدفتك فى المعاشات يعنى كل الناس
فانسى عصمت :فى مشاكل كثير
حنان منصور: فى مشاكل كثير؟
فانسى عصمت :اه
حنان منصور : زى ايه ؟
فانسى عصمت : زى ماسيادتة قال فى بعض الناس مدعين وفى ناس لهم حق ومش عارفين يثبتوة
حنان منصور : نعم
فانسى عصمت :بعض الناس كان فى واحد مثلا حتى كان فى مبادرة موت عمل عملية غلط فى مستشفى الدكتور يعنى دى طريقة يقطعها قاله اعملك تقرير انك مصاب ثورة وتصرف من الصندوق فلوس
حنان منصور : نعم
فانسى عصمت :رفض وانا دلوقتى جالى تصريح ان احنا نكرههم فى الصندوق اللى هو راجل مش لاقى خالص وعجز عن العمل بس ده اخلاقيات اما بالنسبة للى الاستاذ قالة ان احنا مش هنعرف نسيطر لأ جارى السيطرة جارى السيطرة لانه هيقام حفل لتكريم ا سر المصابين بقيادة سيادة المشير والدكتور عصام شرف فا عمرنا ما هنكرم حد ويبقى عنده نوط اونشان وشهادة تكريم واحنا عارفين ان هو مش مصاب بجد وجالى
دلوقتى
حنان منصور : الفلترة اه الفلترة
فانسى عصمت :اه
حنان منصور : طب دلوقتى قبل المداخلة التليفونية حضرتك هسالك بسرعة المشاكل كانت اكثر والا الانجازمن الصندوق كان اكثر فى تقدير انت الشخصى اه او لأ
فانسى عصمت :هو فى حاجة كانت جميلة جدا اه الانجاز
حنان منصور : الانجاز
فانسى عصمت : اه
حنان منصور : طيب معنا مداخلة تليفونية من اخت شهيد اهلا وسهلا تعرفينا بنفسك
حنان صقر : مدام حنان صقر اخت الشهيد حمادة صقر ووالده المصاب احمد محمد عبد العزيز
حنان منصور : اهلا استاذة حنان اتفضلى
حنان صقر : اهلا بحضرتك حضرتك انا متابعة البرنامج من الاول من اول التقرير ما بدأ سمعت كل الاراء فى الحقيقة ا نا اشكر الباش مهندس فانسى على المجهودات الجبارة يعنى مجهودات فعلا حقيقى مجهودات فعلا ملموسة عاوزين نقول زى ما اتقال فى اول التقرير كلام جرايد يعنى انا هقول لحضرتك موقف صغير جدا استاذ فانسى كان فى اسكندرية من يوم السبت يوم 10 فى الشهر كان فى ممثلين من المجلس ا لعسكرى فى محافظ الاسكندرية وانا عرضت عليها مشكلة ان احنا اتاخرنا فى صرف مستحقات الشهيد بسبب تاخر اعلام الوراثة تمام يوم الاحد احنا ودينا اعلام الوراثة يوم الاثنين لقينا اسمنا نزل على المعاش وسحبنا الورق من التامينات فى اسكندرية اول امبارح على طول يعنى تقريبا استجابت للطلب بتعنا واهتمت به اهتمام رائع جدا وكفاية ان هى بتجيب ارقام تليفوناتها لاى حد بجد بجد بترد علينا فى اى وقت بتكلمنا فى اى وقت بالليل وبالنهار وتستجيب لكافة مطالبنا هى عملت يعنى حضرتها عملت سرد لكل مجهودات الصندوق او لكل اهداف الصندوق انا عايزة اقول ان انا باشكرها جداجدا لان كده احنا هنبتدى نصرف المعاش من اول بكرة زى ما قالت فعلا زملتى فى القاهرة قالوا لها ان هتاخذوا كل مستحقاتكم باثر رجعى كل مستحقاتكم باثر رجعى هتاخذوها وهى فعلا قالت ان هما هيمنحوا الشهداء احد الانواط للجمهورية وانا باشكرها وبايدهالان انا كنت اول الناس اللى قاموا وصفقوا وبشدة جدا لان محدش بصراحة كان بيقدر يقول الكلام اللى المهندس فانسى قالتة فى اللقاء بجد اللى هى السيطرة والتسطيح والله احنا بنطلبها من المسئولين من زمان احنا فعلا عايزين كده مش هيسوا الشهيد مع اى حد تانى ربنا يرحم الجميع ربنا ربنا يرحم الجميع
حنان منصور: يارب
حنان صقر : ولكن ابدا ماتتساواش ده مع ده وابص الاقى نفسى معدية الشارع اطلق علية اسمه
حنان منصور : نعم
حنان صقر : وشكرا
حنان منصور: شكرا جزيلا على هذه المداخلة استاذه حنان صقر اخت شهيد من شهداء 25 يناير وطبعا دى شهادة
فانسى عصمت :انا مبسوطة انا ما اعرفش الصراحة
حنان منصور :انبسطت قوى من كلمة الفلترة لانها .........
فانسى عصمت:هو انا هقول حاجة برضه بالنسبة للاسكندرية احنا دى بداية الزيارات الاقليمية للمحافظات اللى هى محافظة الاسكندرية لاعلى عدد مصابين وشهداء فى القاهرة انا بس تذكرت استاذه احنا كان فى مشدة كلامية احنا مش هنصرف حاجة انتوا ايه مش عارفة ايه انتوا كان فى لقاء مع الاستاذ المحافظ بس صدقينى انا باوعدكوا اول ماتحطى ورقتك هتاخذى وهتاخذى باثر رجعى فا انا سعيدة بان ده تم فعلا بالدعم بتاع التامينا ت وهما ناس شغالين على قدم الوثاق بس اناعايزة اؤكد على حاجة صغيرة ان فعلا انا زى ما الاستاذ الاول خالص قالت فى عدم وعى وفى عدم صراحه يعنى واحنا قاعدين فى القاعة كان فى ناس قاعدين فى القاعةولادهم مش شهدابجد فا قلت لهم الصراحة ماتعلش انا هدى لكم الدعم المادى نظرا لان المعاش مش هينقطع لان الاسرة من حقها تكرم ماديا لكن لا تكرم معنويا فده كانت حتى ولادهم مهماش كده حتى قالت لى ا نت مش خايفة قلت لها انا مش خايفة لان لا ضرر ولا ضرارانا عندى واحد انبة كان ميت فى سجن ابوزعبل وبياخذ راتب صغير 25 جنية قلت له يا حاج انت هتزعل لوانا ماكرمتكش قال انا ما ازعلش انا فى ناس انا طبعا صراحتى دى انا كشخص هتبقلنى مشاكل بس انا طالما يعنى الصراحة دى خلت ناس كثيرتكتب يعنى يكتبوا للمحافظ يعنى عايزين شقة عايزين
حنان منصور :الصراحة مطلوبة يعنى
فانسى عصمت :عايزين وعايزين وعايزين
حنان منصور : اه
فانسى عصمت :هى القصة كلها ان تم حكم مجلس الادارة انا الدعم المادى لم يرفع على اى حد حتى بعد التحكم والسيطرة عشان فيها برضه وجه انسانى مش معنى ان البنى ادام كان مش كويس ان احنا ما نعزة اسرتة اسرتة ممكن يطلع من وراها حد صالح لكن التكريم المعنوى
مدوح شعبان : الوتر المادى
حنان منصور : نعم
مدوح شعبان : يتقال ياخذ الفلوس ومش مهم التكريم يعنى حضرتك زى ما الاخت اتكلمت على المستوى قبل كده هى امانة والشعب شعر بشئ من الغبن لماواحدة فقدت اخوها او زوجها او ابنها قالت ان هى بتعانى هى ما تقبلش انا قالبتها قلت لها تقبلى ان مثلا ابنك او زوجك او اخوكى اتعامل زى واحد مثلا كان بيهجم على ان يغتصب محل او يهجم على قسم او صعب ان احنا المجتمع يقبل حاجة زى كده ان عامل واحد كان له هدف ونازل له هدف نبيل وواحد له هدف اخر
حنان منصور : دى اشكالية
مدوح شعبان : لما طمنتهم على انتوا هتاخذوا الفلوس والتكريم لأ هو طبعا الفلوس هما عايزين يعنى هما اعتبروا دى من الحكومة وعايزين ياخذوها وخلاص مش مشكلة
فانسى عصمت :دعم ده واجب يعنى
حنان منصور : ده واجب من الدولة حقهم طبعا
مدوح شعبان : حقيقى ان هوكان له دور فعال فى الثورة ده تعوضة
حنان منصور :طب انا عايزة اسال حضرتك استاذ ممدوح ما قبلتش من اسر الشهداء حد مكنش عايز تكريم حد مكنش عايز دعم مادى واحتسب يعنى كده
مدوح شعبان :انا قالبت واحد فى السويس حضرتك يعنى كان حوالية وقال انا احتسبت ليا شهيد عند الله سبحانة وتعالى هو مش زعلان هو كان مع ابنة لما خرجوا خرج به وهو كان راجل مسن يعنى لكن من الشعب المصرى القائد اللى هما حافظ ربنا عشان الساعة دى هاخذ عوضابنى يعنى المحامين لفوا حوالية لفوا حوالية لشهيد كريم بنونة مثلا ده هو مهندس اتصالات مراتة صيدلانية هما قلت لك لأ انا مش عايزة حاجة
حنان منصور:العدد اللى مش عايز حاجة اكثر والا العدد اللى له طلبات طب فى حاجة لفتت نظرنا برضه الصندوق بيقدم دعم حضرتكذكحرتى دعم مادى وفى دعم صحى وفى رعاية لاسر المصابين لم يفتح باب التبرعات
مدوح شعبان : حضرتك للوهلة الاولى فى الصندوق كان فى القوات المسلحة اعتقد كده
فانسى عصمت :انا عايزة اقول حاجة صغيرة
مدوح شعبان : ان النواه الاولى حضرتك
حنان منصور : اه
مدوح شعبان : 100 مليون جنية من القوات المسلحة
حنان منصور : تبرع من القوات المسلحة
فانسى عصمت :فى القرار ذات نفسة فى يومة
مدوح شعبان : عايزة حضرتك دلوقتى الشعب مرتاح لية ! طلع القرار مين
فانسى عصمت : المشير
مدوح شعبان : المشير طنطاوى وبعدين طلع قرارعلى الورق القرار طالع بتنفيذ فعلى 100 مليون جنية من القوات المسلحة تسليح يعنى
حنان منصور : طبعا
فانسى عصمت : اه
حنان منصور : طب دى نواه 100 مليون لكن
مدوح شعبان : بالنسبة لرجال الاعمال حضرتك ما شفناش حد من رجال الاعمال
حنان منصور : ماهوانا عشان كده
فانسى عصمت :انا بالنسبة يعنى هو احنا لينا برضه فى الحتة دى اناهقول حاجة الاول الدعم المادى مكنش من اختصاص الصندوق ده مكنش من اختصاص الصندوق خالص مش من الاختصاصات المعلنة ده كان قرار السيد المشير من يوم 1/8 الاختصاص طبعا المادى علشان احنا ناخذ وقت كافى للسيطرة وايجاد فرص عمل مناسبة ومش ان احنا نعمل مشروعات او حاجات علشان انك انت تعملى مشروع قومى تعملى حاجة هى تقييم خاص ان هى تدر والدعم المادى دى كانت order يتصرف فى 72 ساعة قام اتصرف فى 48 ساعة فا هى القصة كلها حضرتك بتسالى لية التبرعات لازم باعد الحملة للتبرعات بس هتتبرع وهو مش شايف حاجة
حنان منصور : وهو
فانسى عصمت :مش شايف حاجة هيجى دلوقتى حضرتك رجل اعمال طب انا هتبرع لية هقولة عشان اناهعمل المشروع الفلانى عشا ن فية عدد كذا مصاب وعدد كذا اسرة شهيد احنا دلوقتى جارى اعداد بعض المشروعات اللى هتستوعب اعداد كبيرة
حنان منصور : زى ايه مشروع مثلا على سبيل المثال
فانسى عصمت :هو فى حاجة يعنى انشاء الله يمكن من اول الاسبوع اللى جاى هنبدأ فى هنا 500 فرصة تدريب فى الاتصالات حاجات حاسب الى دى الخمسين الاولانية وفى تفاوض لل 100هيعينوا بتعيين ثابت للعقد فى تامين صحى تامينا ت اجتماعية وكل شئ بالنسبة لل 500 فرصة تانيين هى فرصة فى مجال الخياطة ان هما هيدربوا 500 ولو نجحت ممكن نزود
ممدوح شعبان : الخياطة دى للبنين والبنات والا هو كان عنده عين للاسف فقدها هو اساسا شغال فى مجال الملابس قالى هو ممكن اروح اخذ الدورة يا استاذه وادرب قلت له ماشى يعنى فى فى البارعين فى هذا المجال الاكثر يعنى فى مجال التقفيل ودى اغلبها مصانع بتصدر كفاءة عالية فى المنطقة الحرة ال 500 دول هيتدربوا لمدة وهيتعينوا بمرتب ثابت بتامينات اجتماعية وتامينات صحية وكمان مواصلات فدى حاجة مش عايز اى شغل يمكن انا حتى باقول يمكن كنت بادرب فى برنامج تانى عمرنا ما هنعمل ولا توك توك ولا وكشك فا تجيب تكاتك للمصابين انا استغربت صراحة يعنى انا يعنى احنا بنحاول توجهات الصندوق ان احنا اهم حاجة تكون قومية اكثر ويكون مشاركة فى المجتع كانتاج
حنان منصور : يعنى اذن فتح باب التبرعات بتكون تبرعات لمشروعات بيدعمها الصندوق بيشرف عليها وبينفذها
فانسى عصمت :بالضبط اه هنبدا انشاء الله الشهر الجاى بنعلن
فانسى عصمت :حضرتك بس بافكرك قبل ماننسى نقول العنوان والتليفون للناس دى لانها مش عارفة المكان فين فى ناس كثير
حنان منصور :طيب بعد ما نستمع للمداخلة التليفونية لوالدة احد المصابين اهلا وسهلا
والدة احد المصابين : سلاموا عليكوا
حنان منصور : اسم حضرتك
انا فتحية ابو النجاح درويش
حنان منصور : اهلاوسهلا
فتحية ابو النجاح درويش: انا والدة هادى فهمى عبد العظيم :
حنان منصور : نعم
فتحية ابو النجاح درويش:وهو مصاب من يوم 29 يناير فى عينة اليمين وانا دلوقتى دخت بيه فى مصروالمنصورة وطنطا وكلهم قالوا ان عينة الشظية دخلت عصب العين وعملت تليف فى الشبكية وهو اصلا كان بيشتغل فى تليفونات الموبايل فهو دلوقتى قاعد عطال ولا شغل ولا حاجة نفسيتة عادت وحشة جدا من بعد عينة دى هو اصلا والدة مش موجود متوفى
حنان منصور : شكرا جزيلا
ممدوح شعبان : ما قدمتش ما رحتش يعنى
حنان منصور :كتبتى حضرتك اسم
فانسى عصمت :اه اه
حنان منصور : والحالة
فانسى عصمت :طبعا هرجع هل مسجل فى الصندوق مسجل فى الصندوق انشاء الله هنقوم بالاتصال به الاسبوع ده لان احنا فى عندنافرص عمل للناس اللى فقدت عيونها دى لان هى اعلى نسبة
ممدوح شعبان : استاذنك فى المنصورة حضرتك
حنان منصور : فى المنصورة
فانسى عصمت : احنا هنكلمنا
حنان منصور : فى اثنين من الاعضاء من الصندوق
فانسى عصمت :هقول بس الحتة دى اللى ما قدموش احنا قلنا هنعمل مرحلة ثانية لحد 15/8 هو مرحلة ثانية لحد 15/8 الناس اللى تعذر عليها ان هى تقدم وكان عندها تقرير طبى او محضر شرطة هتتقدم لمقر الصندوق الدائم انشاء الله اول الشهر الجاى لمدة اسبوعين
ممدوح شعبان : الصندوق الاجتماعى
فانسى عصمت :الصندوق بتعنا احنا
ممدوح شعبان :عنوانة عشان بس الناس تبقى
فانسى عصمت :صندوق رعاية ضحايا ثورة 25يناير
حنان منصور :احنا بس من خلال الجهاز بنطلب من والدة المصاب اللى اتكلمت دلوقتى انهاتعاود الاتصال علشان تقول عنوانها ورقم تليفونها وكيفية الاتصال بيها علشان تحصل على
فانسى عصمت :وده برضهاللى انا حساه من نبرة الصوت ان هو شكلة مسجل وقابض كمان حتى نبرة الصوت اصل هو لو مش مسجل هتقول انا عاوزة اسجل هى كده عايزة فرصة عمل
حنان منصور : اه
فانسى عصمت :هى صوتها كمان هادى انا متهيأ لى الاسم ده انا
حنان منصور : سمعتية قبل كدة
فانسى عصمت :الصوت ده جه فى بالى فا انا حفظاهم شوية
حنان منصور :اه
فانسى عصمت :كام اسم مصاب عشان اقدر افتكر
حنان منصور : والدة هادى فهمى
فانسى عصمت :اه طنطا هى قالت طنطا
حنان منصور : طنطا اوالمنصورة المنصورة
فانسى عصمت :انا متهيا لى حتى لوهى مش مقدمة هتتوجه لمقر الصندوق الدائم انشاء الله اللى هو هيبقى فى وسط البلد هيعلن عنه رسمى فا باعلن عن كل الحاجات دى رسمى انشاء الله فى الاخبار
حنان منصور : الصندوق عنوان الصندوق الدائم مهم مهندسة فانسى
فى وسط البلد فى القاهرة وفى مصابين فى المحافظات اهو
فانسى عصمت :اه ماهو احنا كان الاول كان اليد المعاونة لالصندوق هى مكاتب الشئون الاجتماعية على مستوى المحافظات وقلنا يبقى فى اثنين من الصندوق بس التقديم علشان هما هيتعرضوا على كوموسيون عسكرى هوالمطلوب دلوقتى ان القوات المسلحة تقديم اصل التقرير الطبى اصل حتى لو مش من حكومة هو فى ناس قلت لك ايه انا ما اتعلجتش من شهر كانت اناعاوزة اقول حتة اللغط دى حصلت من ايه ان الشئون الاجتماعية مشيت على معايير الاغاثة الدولية فكانت لازم تقرير طبى للعلاج 21 يوم مين كان بيدى ده فى خلال الثورة فى ناس مااتعلجتش
حنان منصور :اه طبعا وفى ناس اتعلجت على حسابها معانا مداخلة تليفونية من احد مصابى الثورة اهلا وسهلا
اهلا سلاموا عليكوا
حنان منصور : عليكم السلام ورحمة الله وبركاتة , ممكن اسمك
عماد صلاح :عماد صلاح من مصابى الثورة
حنان منصور : اهلا وسهلا
عماد صلاح : اهلا بحضرتك كنت عايز اسال الاستاذه فانسى بس بالنسبة للصندوق هو بيعمل ايه هو فى احنا بندعى الوقفة المفروض ان احنا بنعملها يوم الاحد فعشان الصندوق ما بيقدمش خدمات للمصابين حتى الفلوس اللى اتصرفت للمصابين المتقدمة من المجلس العسكرى وممضية من وزارة المالية شقق برضه للمصابين قالوا ان فى شقق واعلنوا ان فى شقق وفى اراضى مشفناش اى كلام ده كلة الصندوق لزمتة اية وبيعمل ايه للمصابين عشان يبقى فاهمين احنا نازلين الحتة دى احنا فاهمين الصندوق بيقدم خدمات للمصابين او بيقدم لنا الخدمات بيقدم لنا الخدمات ايه ؟
فانسى عصمت : طب مين انتوا معلش ممكن اسال
حنان منصور : مين انتوا
عماد صلاح :احنامصابين
فانسى عصمت :مين اللى بيعد لهذه الوقفة ؟
عماد صلاح :المصابين ودكتور اسمة محمد شرف
حنان منصور : اه شكرا جزيلا
فانسى عصمت :يعنى اناعايزة اقول برضه حاجة صغيرة ان فى بعض الجبهات اللى هى تحاول ان هى تحبط اعمال الصندوق
حنان منصور :او تضغط على الصندوق
فانسى عصمت :لأ مش تضغط لو بتضغط تبقى طلعة من مصلحة للمصابين هى مش عايزة مصلحة للمصابين اذا انهيارالصندوق او انهيار صورة الحكومة لدعمها لابناءها فهو للاسف انشاء الله مش هينجحوا وانشاء الله باقول اللى عنده واقفة يجى ويقول فى ايه وانا باستقبل كل الناس احنا بنتكلم عن فرص عمل اناعاوزة اسالفرصة عمل اعلنت عنها جميل
حنان منصور : ايوا
فانسى عصمت :اعلنت على جارى زى ما حضرتك قلتى بحث الحالة والبحث الميدانى الميدانى ده برضا كل الناس يعنى كمواطنة عادية ادى لحد شقة من غير ما اعمل عنه بحث حالة
حنان منصور : لايمكن لأ يعنى هوكلة لازم ياخذ حقة
فانسى عصمت :بالضبط
حنان منصور : علشان الحاجة تروح لمن يستحق
فانسى عصمت :احنا عندنا فى الصندوق بدا يجلى لنا مواطنين عاديين يقولوا لنا ازاى بتدوا زى ما الاستاذ قال ده فلان وفلان وفلان احنا عارفين ان كان هو
ممدوح شعبان : الناس عارفة بعضها
حنان منصور :عارفة الرد بيقولوا ايه
فانسى عصمت : ده ضغط جلنا وضغط من القرار ينفذ التكريم بس التنفيذ ليس نوط فقط التكريم هو العمل التكريم هو كارنية الصندوق التكريم هوالاستمرارية ومشاركتهم فى جميع النشاطات ويفتخر بثورة ده مش هنمنحة لاى حد انا ما ينفعش يضغط عليا عشان اطلع حاجات للناس غير مستحقة
حنان منصور :لا طبعا
ممدوح شعبان :هى حضرتك المشكلة مش هى المشكلة عشا ن اوضح للباش مهندسة فى ناس مش عايزة تكريم ومش عايزه ومش عايزة هو حضرتك المشكلة مشكلة اخلاق ضمير اغرب حاجة النهارده فى فئات كثير فى فئة بتشكك فى كل حاجة الحكومة بتعملها ولمجرد التشكيك يبقى احنا حضرتك لورجعنا للاحداث واسترجعناها هيبقى عندنا نجد ان فى كل فترة تهدى الامور ترجع تانى لمصالح واغراض
فانسى عصمت : انا ممكن اقول حاجة
حنان منصور : اتفضلى
فانسى عصمت : يعنى موضوع حسين زكريا مثيرة الدكتور محمد شرفاعلاميا فى جميع القنوات الفضائية وبعث لنا شكاوى وتحققناها احنا بعثنا المستشار الطبى بانجلترا راح زار المصاب وتحقق من القصة وكان فى ذكربعض اسماء هى القصة كلها معروف مين الجبه وخلاص يعنى هى النقطة كلها ان الموضوع بدأ ينكشف يعنى الناس عايزة تعمل واقفة يعملوا بيها مصلحة ونحقق لهم
حنان منصور : قد يكون وراء الوقفة اشياء غائبة
فانسى عصمت : هنا فى سؤال جميل هل فعلا اللى انا حاسيتة او مستشفاه انا بيقول لنا هنعمل واقفة هل فعلا هتعملوا والا مش هتعملوا فعلا بيثيروا الشكوك ده حالة انا احترم المصاب ده لان هوعايز يفكر نسال
ممدوح شعبان : واضح ان فى حد بيقولة نعمل ده
فانسى عصمت :اه
ممدوح شعبان : كلامة نعمل وقفة سالتة انتوا مين
حنان منصور : ماهواستثمار الحدث الجميع يريد ان يستثمر الحدث ظهر حق او غير حق
ممدوح شعبان :ماهى زى ما قالت فى ناس قالوا لها ده مايتسحقشلوالواحد بياخد حاجة بياخذ فلوس اوبياخذ مكافاة اوبياخذ فرصةعمل بيروح يقول لقريتة لجيرانة رحواشفوة هو عايزين نحدد اصابتة
حنان منصور : نعم
ممدوح شعبان : يروحوايفترواعلية اويحاولوا
فانسى عصمت :واحد مراتة قالت انا قاطعتة ومش هاكل مال حرام مراتة
ممدوح شعبان : احنا بنناشد الناس ان هى تقف جنب اى عمل ايجابى النهاردة لما اروح اعمل واقفة واقف عشان مين لما فى 595 اسرة فعلا صرفت معاش اغلبها اخذ تعويضات
حنان منصور :واستمعنا من خلال المداخلات
ممدوح شعبان :حضرتك الف فرصة عمل حضرتك احنا بقلنا فترة محدش بيتكلم عن العاطلين ولا البطالة انا حسيت ان الوا د اختفى دلوقتى عارفة حضرتك ناشط السياسى فى وفاق فى
فانسى عصمت :كل دول ضحايا
حنان منصور : كل دول ضحايا يعنى تحت بند
فانسى عصمت :انا بس عايزة اوضح لحضرتك حاجة كان فى برنامج اعلامى انا كنت طلعة فية من كام يوم فاباقول يمكن احنا لما جينا درسناالمشاريع المشاريع حجمها يساع الوفات من الشباب
حنان منصور : ايوا
فانسى عصمت :بنفكر دلوقتى ان احنا برضه اننا نعين اولويا اهل المصابين
واسر الشهداء والشباب وزى ما الاستاذ بيقول الجبه المضادة فلوس الصندوق لان مش فاضلة شهر
حنان منصور :يعنى المثل يقول ايه دع القافلة تسير يعنى القافلة تسير خلينى اسالك مهندس فانسى فى بعض المصابين هما عالجوا نفسهم بنفسهم
فانسى عصمت :حلو قوى
حنان منصور : يعنى لم يتوجهوا الى الصندوق هل سيتم التعامل معاهم باسلوب مختلف
فانسى عصمت :اه خصوصا وان احدى بنود الصندوق هى رد المبالغ المادية التى صرفت من اموال المصاب وليست المجتمع المدنى يعنى مش مثلا حد هو اللى تكفل بالمصاب لان كده كده الفاتورة هتتكتب باسم المصاب ففى بعض الناس اللى احنا اعلنها دى هيقدموا فواتيرالفاتورة بتتقدم اصل هنتحقق منها ماليا وجنائيا يعنى كذا حاجة دى اللى انشاء الله هيظهر ان هو عمل عملية على حسابة او حاجة هيتصرف له هذا المبلغ حاجات برضه هنوه عنها ان فى حد دلوقتى فى مستشفى حكومى او قوات مسلحة او مستشفى تعليم جامعى وحد طلب منه فلوس ارجوا ان هو يتصل الى 19488 عشان فى بعض الناس بتتاجر يعنى يقولة ادفع 5 الالاف جنية وهو بيعالجة فى مستشفى دار الشفا طب ماهو احنا كحكومة متحملين هذا وتقوله يقولك اصل دى مصاريف فتح وتقوله طب فين الايصال يقولك اصل الدكتور ادانا روشتة انا استلمت مثلا 5 الالاف جنية فا انا كحكومة ما اقدرش اصرف الروشتة
حنان منصور : اه
فانسى عصمت : عاوزة اؤكد وانوه من هنا ان لو فى حد لسة فى المستشفى حد يطلب منه
حنان منصور : طلب لو رفض يدفع الفلوس يعنى لو رفض
فانسى عصمت :يتصل ب 19488
حنان منصور : نعيد الرقم تانى 19488
فانسى عصمت :اه
حنان منصور : ده رقم شكاوى فيما اذا طلب مبالغ نقدية من مصابين من مصابى الثورة فى المستشفيات الحكومية يكتب على الشاشة
فانسى عصمت : فى ايميل لان برضه انا عايزة
حنان منصور :يكتب على فى emal 25gan.com-egy. انا برضه كتبتة علشان لو حد اتعذر علية ان هو يتصل يبعت بس الاسم المصاب والرقم القومى
حنان منصور : نعم
فانسى عصمت :ورقم تليفونة والمستشفى اللى بيتعالج فيها وعارفين هناخذ اكشن فى 48 ساعة
حنان منصور:ارجو من المشاهدين فى اتجاهات ان هما يقراوا الرقم الموجود دلوقتى على ا لشاشة تليفزيون الايميل الخاص لتقدم اى شكوى اى استفسار بخصوص هذا الموضوع لان هو موضوع مهم جدا غير انه انسانى وان هو له دلالات اجتماعية كثيرة جدا ودلالات اخلاقية كثيرة جدا ودلالات ثقافية يعنى صندوق ضحايا 25يناير سعدنا حقيقى باستضافة المهندسة فانسى عصمت المسئولة عن صندوق العضوى الفاعل والاستاذ ممدوح شعبان رئيس تحرير الاهرام ونحب نسمع اخر كلام ممكن يقال فى هذا الموضوع من حضرتك ومن سيادة النائب
فانسى عصمت :انا اخر حاجةعايزة اقولها ان انا عايزة اطمن الناس كلها مش بس مصابين واسر الشهداء عشان الناس قلقة حتى فى ناس خيرانه على بلدها وفلوس البلد يعنى انا عايزة اطمن كل الناس انه جارى دلوقتى عمل شاق والله جدا للسيطرة والتحقق عايزة اطمن برضه الناس اللى ماصرفوش وماقدمتش وانت مصاب انت معانا والمجلس العسكرى وانشاء الله هيصرفوا كل المستحقات واى زميلى عايزة اطمن كل اسرة شهيد معندهاش استيفاء للاوراق عشان الناس كلها تبقى عارفة النائب العام واعلام الوراثة اتاخر عندها اى حاجة من الاثنين دول يضطر ان هو يصرف باثر رجعى انا المداخلة دى انبسط بيها جدا لان ده فعلا بيفعل هيصرف 30 الف جنية وبالنسبة للشغل احنا جارى العمل لتوفير فرص عمل زيده ااكد عليها عشان دى عملة برضه لغط اعلامى الشقق قرار مجلس الادارة هتمنح اولوياتها للمصابين
حنان منصور: يمكن فى حلقة قادمة نتكلم عن الشقق بشكل تفصيلى معلش جملية بس نسمع الاستاذ ممدوح
ممدوح شعبان : هى بتدى معلومة للناس
حنان منصور : عموما اناعارفة انه الكلام مهم ولكن نكتفى بهذا القدر لان وقت نشرة الاخبار حان الان فا بنتوجة بالشكر الجزيل لحضرتكوا الاستاذ ممدوح شعبان مهندسة فانسى عصمت محمود نحيكم سيداتى سادتى ونلتقى فى اتجاهات غدا انشاء الله