ببساطة وود هكذا يخاطب الرئيس عبدالفتاح السيسي الشباب، مستخدما مصطلحات الرجل المصري البسيط لتوصيل أفكاره أو التعبير عن رأيه في حديثه، "كتر خير، لا مؤاخذة، ومعلش"، وغيرها من الكلمات التي تبسط الحوار مع من حوله وتضفي صبغة ودودة للمشاركين به، وعلى مدار يومين تحدث فيهم الرئيس ضمن فعاليات مؤتمر الشباب السابع المنظم في العاصمة الإدارية الجديدة، يومي الثلاثاء والأربعاء، قيلت عشرات الجمل أبرزها: "طبطبة على أهالينا" قال الرئيس السيسي إنّ كل وزارة حاليًا تبذل قصارى جهدها لتخفيف الأعباء على المواطنين، إذ صرفت وزارة التضامن الاجتماعي عائدا ماديا لملايين من الأسر من أجل إعانتهم، موضحًا أنّ هذا المبلغ رغم أنّه ليس كبيرا إلا أنّه محاولة "عشان نطبطب على أهالينا". وأضاف السيسي خلال حضوره الجلسة الأولى لنموذج محاكاة الدولة المصرية، ضمن فعاليات مؤتمر الشباب الذي يقام في العاصمة الإدارية الجديدة، أنّه عند مناقشة وزير التموين الدكتور على المصيلحي في شؤون الوزارة كان يؤكد أنّ الاحتياطي من الأرز يكفي 6 أشهر، ومنتجات أخرى 5 أشهر، وليس هناك تخوفا من أزمات. "كل ما حد يطول لسانه عليكم اشتغلوا أكتر متردوش عليه" في جلسة "اسأل الرئيس" قال السيسي إنّ حجم العمل والإنجاز الذي تم في الدولة المصرية في ظل الظروف الصعبة الماضية كانت غير مسبوقة، وهذه ليست رسالة أمل ورفع معنويات فقط، موجها حديثه للشعب: "كل ما تلاقوا نفسكم بتشتكوا ومش عاجبكم حاجة اشتغلوا أكتر، كل ما تضايقوا اشتغلوا أكتر، كل ما حد يطول لسانه عليكم اشتغلوا أكتر متردوش عليه، كل ما حد يتآمر عليكم متضيعوش وقت معاه ضيعوا وقت مع العمل والجهد، أنا عاوزكم جنب مني". السيسي عن الاستعانة بمدربين أجانب للمنتخب: "مفيش تاني" قال السيسي إنّه بعد ما تعرض إليه المنتخب الوطني لكرة القدم من خسائر في الفترة الماضية، توقفت وزارة الرياضة عن الاستعانه بمدربين أجانب لتدريب المنتخب، مضيفا سائلا الحضور "هنجيب مدربين أجانب تاني؟"، ليرد مازحا: "خلاص مفيش بقي"، موضحا: "إحنا ليه معندناش ثقة في المدربين المصريين، لازم ندي الفرصة، النتيجة واحدة". "كل قطاعات الدولة المصرية كانت بعافية السنين اللي فاتوا" أوضح الرئيس أنّ قطاعات الدول لم تكن بخير الفترة الماضية، إذ قال خلال جلسة "اسأل الرئيس": "كل قطاعات الدولة المصرية كانت بعافية السنين اللي فاتوا، لكن المهم إن نقطة الانطلاق بدأت، مش عشان أنا موجود هنا دلوقتي، لكن لأننا اتحركنا في إطار خطة شاملة للإصلاح الشامل بما فيها الثقافة". "فين فريق كرة القدم بتاع المرأة؟.. أنا مش بجاملهم" تطرق الرئيس عبدالفتاح السيسي، إلى الحديث عن منتخب مصر لكرة القدم للسيدات خلال جلسة "اسأل الرئيس"، قائلا "فين فريق كرة القدم بتاع المرأة، أنا مش بجاملهم"، موضحا: "طالما هنبدأ تطوير كرة القدم من جديد يبقى نبدأ من هنا ومن هنا، الرجل والمرأة، ولو متحفظين على اللبس وكده، البسوا اللي انتوا عاوزينه وتشوفوه مناسب". السيسي ل"المعلمين": "عارف إنكم مش عارفين تعيشوا برواتبكم" قال الرئيس عبدالفتاح السيسي إنّ الدكتور طارق شوقي وزير التربية والتعليم، يرغب في بناء 250 ألف فصل دراسي لتخفيف التكدس الطلاب، من أجل أن تصل النسبة لكثافة معينة "إحنا مش بنتكلم إن الفصل يوصل ل20 طالب لأ، إحنا بنعمل كثافة معينة بس، وهذا يكلف الدولة 125 مليار جنيه"، مضيفا "المدرس مثلا يقول أنا مش قادر أعيش بالراتب ده، أه أنا عارف، بس مش قادر، ودي إشكالية في مصر، عارف إننا مطلوب مننا نعمل إصلاح لحال العاملين في التعليم والصحة عشان نوفر لهم الظروف المناسبة لعملهم". هنقدر نشوف حال الناس ماديا وصحيا تحدث الرئيس عبدالفتاح السيسي عن حرص الدولة المصرية على "الرقمنة" والتحول الرقمي، مشيرا إلى أنّه عرض التمويل المادي لبدء التحول الرقمي: "القائمون على تنفيذ التحول الرقمي أكدوا استغراق الوقت اللازم، فقولت لأكرم عبدالباسط وكيل هيئة الرقابة الإدارية من فضلك مستعد أساعدك في التمويل، قالي لأ هو وقت لازم هناخده مهما ضغطنا، وقولت له وقتها يا أكرم خلي بالك إحنا هنعمل عمل كبير لبلدنا لو قدرنا نعمل قواعد بيانات كاملة لمصر" . وأضاف السيسي: "التضامن لما بتدي دعم مالي للأسر الأكثر احتياجا، بعد تقديمهم للطلبات الورقية، لكن مع قواعد البيانات لن نحتاج لتقديم الطلبات هنقدر نشوف بحجم من الذكاء الصناعي حال الناس ماديا وصحيا.. بقواعد البيانات المستكملة الدقيقة هنقدر نشوف كل حاجة في مصر ومن غير مسح وبحث بمساعدة الناس وتسهيل حياتهم، وبمجرد الوفاة أو الطلاق هنقدر نشوفهم ونقوم بإجراء من غير ما هما يطلبوا". "طبق الدش اللي وراك ده شغال؟" في أثناء استماع الرئيس السيسي لعدد من منسقي مبادرة حياة كريمة في المحافظات المختلفة، قال لجوزيف عطاالله بقرية الخرطوم مركز بدر بالبحيرة، منسق المبادرة من محافظة البحيرة، الذي تحدث عن احتياج القرية لشبكة طرق، نظرًا لكون الطرق ترابية وغير ممهدة، مؤكدا: "إحنا اتفقنا إننا مش هنخرج من القرية إلا لما نخلصها ومش هستنى عام مالي جديد عشان أحط مخصص للطريق، وهندخل القرية نخلص كل ما فيها، وقولنا هنسيب القرية بشكل جديد خالص". ومازحه خلال الحديث قائلا: "الدش اللي وراك دا شغال". "معلش.. سيبي الأحزاب تتكلم زي ما هي عاوزة" مازح الرئيس السيسي، الإعلامية لما جبريل مقدمة جلسة مبادرة التحول الرقمي، ضمن فعاليات اليوم الثاني من مؤتمر الشباب السابع، بعدما طالبت على بلال حبش عضو تنسيقية شباب السياسيين والأحزاب، بألا يتخطى الوقت المحدد له، ونبّهت عليه مرة أخرى بأنّ الوقت المتبقي لديه دقيقة واحدة، ورد الرئيس السيسي عليها: "من فضلك سيبي الأحزاب تتكلم زي ما هي عاوزة"، وسط تصفيق وضحكات من الحضور، وردت "لما": "عشان الوقت يا سيادة الرئيس"، فرد الرئيس مرة أخرى: "معلش معلش". "المشكلة مش أكل وشرب" تطرق الرئيس عبدالفتاح السيسي للأسر الفقيرة في القرى، التي ما زالت تنجب عددا كبيرا من الأطفال رغم الوضع المالي الصعب، قائلا: "هل من المناسب عدد الأبناء يكون عدد فوق طاقتي، وفوق طاقة الدولة، طيب ده هنعمل فيه إيه؟". وأضاف السيسي" "لو كل إنسان يتصور إنه المشكلة في إنك تأكل وتشرب فأنت بتختزل العلاقة بينك وبين أبنائك بشكل لا يليق، ولو كنت متصور إن كل هدفك الأكل والشرب ولو عملت كدا يبقى عملت اللي عليك، لأ والله المشكلة مش أكل وشرب بس، ده إنسان وميصحش أقول حاجة تانية عشان ميصحش". وتابع السيسي: "لازم فرق المتابعة الخاصة بمبادرة حياة كريمة تسأل الناس، الأطفال دي هنعمل فيهم إيه؟ وهتبقى فرص شغلهم فين؟ وهيتعلم إزاي؟، وهيكون ليه بيت إزاي؟ كله هيبقى فوق طاقة مصر". السيسي يمازح وزير المالية: "إنت محقق فائض ومنشفها علينا" مازح الرئيس السيسي الدكتور محمد معيط وزير المالية، خلال حديثه في المؤتمر الأول لمبادرة حياة كريمة: "يا وزير المالية إنت محق فائض ومنشفها علينا ومغلبنا، أدينا رقم لمبادرة حياة كريمة، وفي الحالة دي إحنا بنتكلم في الحالات دي بالمليار". وتدخلت الدكتورة هالة السعيد وزيرة التخطيط، قائلة: "كنا قد بدأنا ب1.3 مليار وجرى تخصيص 4 مليارات العام المقبل، إضافة لمليار من وزارة المالية ليصبحوا 5 مليارات". "إحنا في مشكلة" قال الرئيس السيسي إنّ المحليات صاحبة دور كبير في أداء الدولة، ومنذ 2011 حتى الآن تُعتبر المحليات مجمدة ولم تُجرى أي انتخابات بها، موضحًا أنّ قضية عمل المحليات مهمة جدًا ليس في مصر، ولكن في العالم أجمع، وأنّ المحليات من المفترض أنّ تؤدي دور كبير في المراقبة والمتابعة للأداء الحكومي في المحافظات كافة، متسائلًا: "طب اللي إحنا شايفينه في مصر من المحليات يعكس دورها وأدائها الجيد المنضبط الكفء ولا حاجة تانية، لأ طبعا". وتابع: "أي تعدي من التعديات ده شغل محليات، المشاكل بتاعة المحاجر والمناجم في مصر ده شغل محليات وحاجات أخرى كثيرة، فهنا في مشكلة في مصر بسبب كده". السيسي لمديرة مؤتمر "حياة كريمة": "سيبونا نسمع.. مش دي بلدنا" استمع الرئيس السيسي لعدد من منسقي مبادرة حياة كريمة في المحافظات المختلفة، وحاولت مديرة المؤتمر الأول لمبادرة حياة كريمة، قطع أحاديث المراسلين أكثر من مرة، وتدخل قائلا: "سيبونا نسمع.. مش دي بلادنا، ودي بلدنا.. قول". السيسي يمازح عمرو خليل بعد مقاطعته وزيرة التخطيط: "سيب الحكومة تتكلم" مازح الرئيس السيسي، الإعلامي عمرو خليل، مقدم جلسة المحاكاة، بعدما حاول مقاطعة الدكتورة هالة السعيد، وزيرة التخطيط والمتابعة والإصلاح الاداري في أثناء حديثها، ووجه الرئيس حديثه ل"خليل"، قائلًا: "سيب الحكومة تتكلم"، ليرد الأخير: "حاضر يا أفندم". السيسي يمازح وزيرا بنموذج المحاكاة: "القانون ده حطيته وأنا وزير دفاع" مازح الرئيس عبدالفتاح السيسي، أحد وزراء نموذج المحاكاة المصرية، والذي تحدث عن القانون رقم 14 والخاص بعدم ملكية الأجانب في سيناء، ورد عليه السيسي: "يا سيادة الوزير القانون ده أنا اللي حطيته وأنا وزير للدفاع عشان أحمي الأرض في سيناء". وأضاف السيسي خلال حضوره الجلسة الأولى لنموذج محاكاة الدولة المصرية، ضمن فعاليات مؤتمر الشباب الذي يقام في العاصمة الإدارية الجديدة: "لو الدكتور قاعد بيعمل عملية حرجة جدًا لمريض عشان ينجده بفضل الله، وناس حوالين منه عمالة تزعق، لو شاف اللي بيزعقوا دول وساب المريض هيموت، لو هو عارف هو بيعمل إيه هينجد المريض"، وهذا ما تقوم به الدولة. وكان المؤتمر انطلق أمس الأول وبدأ المؤتمر بجلسة افتتاحية في الخامسة من مساء الثلاثاء، شهد خلالها الرئيس فيلما تسجيليا لأهم ما تم إنجازه في العاصمة الإدارية الجديدة، والمصحوبة بحديث له خلال مؤتمرات وكلمات سابقة، أبرزها: "لو بتحبوا ربنا بجد، خلوا بالكم من بلدكم"، وأعقب الجلسة الافتتاحية استراحة قصيرة، يليها بدء فعاليات نموذج محاكاة الدولة المصرية. وشمل المؤتمر الموضوعات الخاصة بالمؤتمر "التحول الرقمي، التسويق الحكومي"، بخلاف المشروعات القومية وانعكاسها على الاقتصاد وحياة المواطن بصفة عامة، بحضور عدد كبير من الشخصيات العامة ورجال الدولة والإعلاميين ورجال أعمال وسفراء لدول الاتحاد الأفريقي لأجل مناقشة عدد من القضايا الوطنية والتي تشمل عده محاور تخص الإصلاح الاقتصادي، والموازنة العامة للدولة 2019-2020، وإصلاحات إدارية هادفة لتحسن مؤشرات الاقتصاد الكلي.