الألقاب دائمًا ما يُطلقها الجمهور على الفنان المحبب بالنسبة لهم، ومن وقتها تكون حكرًا على أصحابها، تحديدًا لقب "الملك" كان معروفا به الفنان الراحل فريد شوقي، فقد لقبه الجمهور ب"ملك الترسو" نظرًا لما قدمه على مدار تاريخه الفني 50 عامًا، ما يقرب من 361 فيلمًا، و12 مسرحية و12 مسلسلاً تليفزونيًا ما جعله يستحق اللقب عن جدارة. "رايحين لفين ده أنا الملك.. نادي الملوك مين فيكوا مشترك .. أثبت مكانك مسمعش صوتك.. دماغكوا شغالة بزمبلك"، كلمات أغنية "الملك" لمحمد رمضان التي حققت ما يقرب من 4 ملايين ونصف مشاهدة على اليوتيوب بمجرد طرحها، والتي يقصد رمضان من كلماتها توجيه رسالة إلى كل منتقديه بأنه أصبح "رقم 1" بدون منافس، ومن هنا تم تفعيل هشتاج # ملك الترسو، وأثارت الأغنية حفيظة محبي فريد شوقي. وخرجت ناهد السباعي حفيدة فريد شوقي عن صمتها، ونشرت عبر حسابها الشخصي على موقع تبادل الصور والفيديوهات "إنستجرام" صورة لفريد شوقي عليها مجمل أعماله التي قدمها خلال مشواره الفني، وعلقت عليها قائلة، "ملك الترسو .. وحش الشاشة .. الأسطى حسن، أخر ملوك مصر". وتفاعل رواد مواقع التواصل الاجتماعي مع الهاشتاج، قال أحد محبيه يدعى حسام إبراهيم، "فريد شوقي مش محتاج نرصد أعماله الفنية.. ده فنان عظيم أعماله غيرت قوانين.. مش عيل صغير اللي يهز من عائلة فريد شوقي". وقال المرسى: "طبعا فريد شوقي ده مفيش زيه ولا هيبقى في ده الملك الشاشة العربية كلها العظيم اللي عمره ما يتعوض أنا بجد بحسدك يا ناهد إن ده جدك ده تفتخري بيه في أي مكان". وعلق آخر، "مش عاجبني اللي بيعمله محمد رمضان نهائي.. بس الكليبات بتاعته كشفت بجد إن بعض الفنانيين بيحقدوا عليه.. لو مش بيحقدوا عليه مش كانت ردت ناهد السباعي وعملت مقارنة مع فريد شوقي.. لأن الناس عارفة مين هو فريد شوقي.. مش محتاجين معرفة منك".
