ابنة علي الحجار ل محمد رمضان: "أبويا معندوش بودي جارد"

أعربت "شهيرة" ابنة الفنان علي الحجار، عن استيائها الشديد من تصريحات الفنان محمد رمضان، المتعلقة بكواليس تعاونه معه في إحدى المسرحيات، قائلة: "أبويا عمره أصلا ما كان عنده بودي جارد".
وكتبت "شهيرة" عبر حسابها الشخصي على موقع التواصل الاجتماعي "فيس بوك": "أبويا عمره ما رد، وكان شايف إن الموضوع مش مستاهل يترد عليه، وأنا الصراحة مستغربة جدا هو إزاي بيحكيها بثقة أوي كده وجاب الخيال ده منين؟!"، متابعة: "اللي حصل إن المخرج اختلف مع محمود عزب أحد الأبطال، خلاف شخصي فقرر يفاجيء الفنانين بإنه جاب رمضان يوم واحد، وعلي الحجار شاف إن عزب مايستحقش كده بعد تعبه في 6 شهور بروفات وقال لرمضان وقتها أنت ملكش علاقة بالموضوع خالص وكان حيادي جدًا".
وأضافت: "فقرة الناس اللي كتفوه وضربوه دي ما حصلتش، ولا عمر أبويا أصلا كان عنده بودي جارد، وموضوع القلم الألماز عليه علامات استفهام كتير!!!"، متابعة: "جو المعاناة اللي رمضان عايش فيه ده و إن الناس افترت عليه وهو صامد كالجبل رخيص أوي، وكلنا بنكافح بطريقتنا، وأبويا نفسه جاي من عيلة بسيطة وكافح وبنى نفسه".