تفاصيل الخلاف بين «الحجار» ومحمد رمضان

كشفت مشيرة الحجار، نجلة الفنان علي الحجار، تفاصيل الخلاف بين والدها والنجم الشاب محمد رمضان، وذلك ردًا اتهام الأخير والدها بالاعتداء عليه بالضرب أثناء أحد العروض المسرحية.
ونشرت مشيرة علي الحجار على صفحتها على فيس بوك مقطع فيدو لمحمد رمضان وهو يتحدث عن خلافه مع والدها في بداياته الفنية، مؤكدة أن النجم الشاب يسرد هذه القصة باستمرار في كل البرامج، إلا أن والدها يرفض التعقيب عليه.
وقالت "مشيرة": "البرنامج ده قديم مش جديد، و القصة دي رمضان حكاها كذا مرة في برامج و كل مرة يغير فيها تفصيلة بسيطة، وأبويا عمره ما رد، وكان شايف إن الموضوع مش مستاهل يترد عليه، وأنا الصراحة مستغربة جدا هو إزاي بيحكيها بثقة قوي كده، وجاب الخيال ده منين؟".
وأضافت: "أنا قررت دلوقتي إني أقول القصة الحقيقية لأن أبويا يستاهل ده، وده حق ربنا، وهيشهد على كلامي أخويا لأنه كان له دور رئيسي في المسرحية، غير إن طبعا المسرحية ليها أبطال و مخرج عارفين الحقيقة".
وتابعت ابنة علي الحجار حديثها: "اللي حصل إن المخرج اختلف مع محمود عزب أحد الأبطال، خلاف شخصي فقرر يفاجئ الفنانين بأنه جاب رمضان يوم واحد، علي الحجار شاف إن عزب ما يستحقش كده بعد تعبه في 6 شهور بروفات و قال لرمضان وقتها إنت ملكش علاقة بالموضوع خالص و كان حيادي جدا".
ونفت مشيرة ما قاله محمد رمضان إن والدها تعرض له بالضرب من قبل الحراس الشخصيين، مؤكدة على أن والدها ليس لديه "بودي جارد" من الأساس، ولم يكن له في أي وقت.