«السيسى»: «سيناء أرضنا.. والقوات المسلحة ستستخدم كل العنف لوضع حد للإرهاب فيها»

أقسم الرئيس عبدالفتاح السيسى، أنه لا يوجد أحد يستطيع المساس بأرض مصر، قائلاً: «والله ما حد يقدر يمسها ولا أرضها ولا شعبها، بس نبقى مع بعض كتلة واحدة، وواثقين فى الله، وجهدنا مخلص، بسياسة شريفة فى زمن عز فيه الشرف».
الرئيس يُكلف «هندسية الجيش» بدراسة تنفيذ مراحل جديدة ل«المترو» بمعدات مصرية.. و«مش هينفع تكون الخدمة ب 3 أضعاف سعرها الحالى»
وأضاف «السيسى»، خلال كلمة له على هامش تفقد وافتتاح عدد من المشروعات التنموية فى إقليم قناة السويس، أن «سيناء أرضنا، وعشان الناس القلقانة، بقول إن القوات المسلحة ستقوم بكل العنف.. أيوه بكل العنف، ولازم بفضل الله نضع حد للإرهاب الموجود فيها»، وتابع: «إحنا مستعدين نضحى وأنا أولهم، والله العظيم، وبحلف بالله وهو يعلم ما فى نفسى، ولا حد يمسّك يا مصر، ولا يمس أرضها طول ما إحنا موجودين، إحنا نموت.. نموت كلنا.. ولا حد يقرّب من أرضنا».
«نموت كلنا ولا حد يمس أرض مصر.. ومفيش تهديد خارجى يخوّفنا والدولة لا تبيع الوهم للمواطنين
ووجه الرئيس حديثه ل«المصريين»، قائلاً: «اسمعوا.. مفيش أى تهديد خارجى تخافوا منه، ولا يوجد أحد يقدر علينا بفضل الله طالما متماسكين، ونستطيع تحدى الدنيا كلها، طالما متحدين، وده لأننا مش أشرار، ومش متآمرين، ومش طمّاعين فى حاجة حد، ولا فى خير حد، ولا أموال حد، ولا أراضى حد، ولكننا طمعانين فى كرم ربنا، يساعدنا نبنى ونعمّر»، مشدداً على أننا نسير بخطى جيدة جداً، وأن الدولة لا تبيع الوهم للمواطنين، وأنها مخلصة، وصادقة معهم، مضيفاً: «اللى نقدر نعمله.. بفضل الله هنعمله، واللى مانقدرش.. هنقول مانقدرش».
«هنعمّر بلدنا واللى اتحقق الفترة الماضية حاجة عظيمة وتشرّف.. وعارف أنكم مش خايفين وأنكم بتخوّفوا الدنيا كلها»
وعما تحقق خلال فترة رئاسته، قال الرئيس: «هنقدم اللى تم تنفيذه خلال الفترة اللى فاتت، واللى هيستكمل فى 30 يونيو، واللى بعدها»، مشيراً إلى أن انتهاء حفر 3 أنفاق لربط غرب القناة بأرض سيناء، والرابع فى بورسعيد ستنتهى أعمال الحفر به فى يناير 2018، موضحاً أن التخطيط لها كان 12 سنة لكننا أنجزناها فى عام ونصف»، وقال: «شوفوا عملنا نفق الشهيد أحمد حمدى فى كام سنة، وكان نفق واحد»، مؤكداً أننا سنعبر من الأنفاق الأربعة فى الإسماعيلية وبورسعيد فى 30 يونيو 2018.
تكليفات لوزارة الإسكان والهيئة الهندسية لمشروع قومى يتضمن تخطيطاً عمرانياً متكاملاً ينفذ فى عامين أو 3 سنوات
وأشار إلى وجود تكليفات منه لوزارة الإسكان، والهيئة الهندسية لمشروع قومى عبارة عن تخطيط عمرانى متكامل ينفذ فى عامين أو 3 سنوات»، مضيفاً: «وده سواء إحنا موجودين.. أو اللى بعدنا.. الشغل مابيقفش على حد.. ولكن بيقف على شعب مصر.. ولكن بنخطط، ونحط الموارد المطلوبة»، مشيراً إلى أنه يتم التخطيط لمدن شرق بورسعيد، وبئر العبد الجديدة، مضيفاً: «التخطيط العمرانى المتكامل، هيتكلف 100 مليار جنيه.. خلال سنتين أو 3 جايين وهنعمّرها».
أنجزنا أنفاق القناة فى عام ونصف وسنعبرها فى 30 يونيو والنفق الرابع سينتهى حفره فى يناير 2018
وصاح عدد من الحضور، قائلين: «مش خايفين يا ريس»، ليرد: «عارف أنكم مش خايفين.. ده أنتم بتخوّفوا الدنيا كلها»، فيما حرص الرئيس على مصافحة أسر الشهيدين العقيد أحمد منسى، والمجند أبانوب جرجس، وعلى أن يزيح «حمزة»، نجل الشهيد منسى، ستار «الكوبرى».وكلف «السيسى» اللواء أحمد فودة، مساعد رئيس الهيئة الهندسية، بدراسة تنفيذ المراحل الجديدة من مشروعات مترو الأنفاق بواسطة الشركات المصرية العاملة فى حفر وتبطين أنفاق القناة، وقال: «ادرسوا الموضوع ده، ونتكلم فيه، وتكون مسئول قدامى عنه»، مضيفاً: «لو جاهزين.. أنا جاهز»، وتابع: «لن تكون أسعار المشاريع اللى جاية للمستخدم أسعار عادية زى ما بتتقدم دلوقتى.. عشان لما تحط معدات بتتكلم فى 10 أو 12 مليار كمان.. وده مش هينفع نعمله وتكون التذكرة بسعرها الموجود دلوقتى.. ولا بضعف ولا ب3 أضعافها.. وده بصراحة كده».
أضغط هنا لمشاهدة صور زيارة الرئيس