امتلأت الصفحة الرسمية للسيدة ليلى مرزوق، والدة الشهيد "خالد سعيد"، بالتهاني من قبل أعضاء صفحتها على موقع "فيس بوك"، بمناسبة "عيد الأم". واعتبرها نشطاء التواصل الاجتماعي أم لجميع المصريين، ولم تكن أما لخالد سعيد فقط، فكتب محمد صوفي "كل سنة وإنتي طيبة يا أمي، إنتِ مش مجرد أم الشهيد خالد ربنا يرحمه، لأ حضرتك أمنا كلنا.. كل سنة وحضرتك طيبة يا أمي"، فيما قالت إيمان كامل "كل سنة وإنتِ طيبة يا أحلى أم، يا أم ثورة الشهيد، يا أم نور الجنة ورزقها الجميل، يا أم الحي السعيد يا أم خالد سعيد". كما عاهدتها أمل أن تكمل معها المشوار من أجل جلب حق ابنها الشهيد، وقالت "كل سنة وحضرتك طيبة وبخير وسعادة يا أمنا كلنا يا أعظم أم في مصر، ربنا يخليكي لينا يارب، ودايما إحنا بنستقوى بيكي وبعزيمتك وبإصرارك، ومكملين لحد حق خالد ما يرجع، هو وكل اللي راحوا غدر".