* تدوينة على الصفحة: “أوعي تزعلي أو تبكي علشان حرموكي من أحلى كلمة ممكن تسمعيها... مصر كلها بتقوللك كل سنة وانتي طيبة يا أم أخويا وأختي ... يا أمي ... يا أم الشهيد” كتب- عاطف عبد العزيز: نشرت مجموعة كلنا خالد سعيد في صفحتها على الفيس بوك أرقام تليفونات أمهات شهداء ثورة 25 يناير, ودعت أعضائها إلى الإتصال بهن وتهنئتهن بعيد الأم باعتبارهن أمهات لجميع المصرين. كما قامت الصفحة باستبدال شعار الصفحة بصورة لفتاة تلف علم مصر على رأسها كحجاب. ونشرت الصفحة فيديو يحمل صور الشهداء مركب عليه اغنية “ابني حبيبي يا نور عيني” لشريفة فاضل. ووضع المسئولون عن الصفحة رسالة عن لسان أم الشهيد إسلام بكير 22 سنة جاء فيها ( آخر كلمة قالها لي” ماما قولي لبابا انه خلف راجل”...بجد وحشتني يا حبيبي، أنا خسرتك ومش عارفة أرجعك تاني عيد الأم قرب.. وكنت كل سنة بتبوس إيدي وتحضني بس السنة دي رحت مني... أنا ساكتة وصابرة عشان أنت ب 100 راجل.. أنت وكل الشباب عملتوا اللي عمر ما حد قدر يعملوا أيوه يا اسلام انت راجل وبطل كمان”. وعلقت الناشطة علا مصطفى على الرسالة قائلة “إسلام انت عايش بيننا من ساعة ما شفت صورتك وأنا حاسة إنك أعز من أخويا.. أنت في نفس سني يمكن انت إستشهدت بدالي وفوزت بالجنة .. ربنا يرحمك ما تزعليش يا أمي هو في مكان أحسن بكتير من اللي إحنا فيه دلوقتي.. وبسببه هو وكل الشهداء وطن بحاله اتحرر واتنفسنا حرية. ربنا يصبرك ويرحم كل الشهداء”. وكتب القائمون على الصفحة على الحائط بوست يقول “أوعي تزعلي أو تبكي علشان حرموكي من أحلى كلمة ممكن تسمعيها... مصر كلها بتقوللك كل سنة وانتي طيبة يا أم أخويا وأختي ... يا أمي ... يا أم الشهيد” وانهالت التعليقات المهنئة لأمهات الشهداء بعيد الأم .. وكتب محمود سليمان يقول “أنا عارف انها هتكون لحظة صعبة عند كل ام إستشهد ابنها.. انا بقوللها افرحي لأن ابنك ضحى بنفسه علشان بلده واعرفي أن عيد الأم بالنسبة لنا مالهوش طعم الا لما اقوللك كل سنة وانتي طيبة”. وكتب محمد سالم “انا كلمتهم وطلب مني والد أحد الشهداء أن أقول لكل مصري شريف أن ينادي وزارة الأوقاف والأزهر الشريف بمنح أم وأب كل شهيد رحلة حج أو عمرة”. من جهة أخرى, دعت الصفحة الناشطين إلى المشاركة في حفل تكريم أمهات الشهداء مساء اليوم بساقية الصاوي..