عمرو أديب ل"مرسي": "إذا كان البلتاجي زهق يبقى أنا أعمل إيه"

سخر الإعلامي عمرو أديب من رسالة الدكتور محمد البلتاجي، التي وجهها للرئيس محمد مرسي، متعجبا من سؤاله "مصر رايحه لفين؟".
وقال أديب في برنامجه "القاهرة اليوم" على "أوربت"، "أنا بقالي شهور بقول الناس اللي مع مرسي دول مش مضايقين؟ لكن الوحيد اللي اعترض هو الدكتور البلتاجي، الراجل الثوري ده، لسه فاكر بيقول هي مصر رايجة فين؟، وعلى فكرة هو طبيب ولا يعمل في الإعلام الفاسد".
وأضاف أديب "لما البلتاجي يعمل كدة على الملأ، وهي عادة ليست إخوانية ولا حرية وعدالة، لأن الخلاف بينهم يتم في الغرف المغلقة، فلما يكتب الكلام ده على "الفيس" يبقى فاض الكيل، والحزب حاسس إنه اتبهدل في الشارع، والبلتاجي من الناس اللي كانوا في الثورة من الأوائل".
وأنهى أديب، تعلقه على خطاب البلتاجي بقوله "سيادة الرئيس إذا كان البلتاجي زهق، عمرو أديب هيعمل إيه؟".