مطلوب منك تجهز استمارة التقديم للفيزا، حجز الطيران والأوتيل، جواب من شغلك أو ما يثبت أن لديك عمل، كشف بحسابك فى آخر 6 أشهر، تكون حركة التعاملات فيه قوية من سحب وإيداع، تأمين صحى لأيام السفر أو أكثر، صور شخصية، وجواز سفرك وصورة منه، و"اطلع في الموعد اللي حددته عن طريق الموقع الإلكتروني https://visapoint.eu/disclaimer على سفارة التشيك بالدقي، لاستلام الفيزا".
ليه براج؟؟
مش لأن تذكرة السفر رايح جاي هتكلفك من 3000 ل4000 جنيه "احجز من هنا https://www.travelstart.com.eg"، وإنك هتقعد في أوتيل قريب من وسط البلد بتكلفة من 100 ل200 جنيه في الليلة، وممكن أرخص "ممكن تحجز من هنا http://www.booking.com"، والدولار الواحد بيعادل نحو 23 كورونا "عملة التشيك" يعني لو معاك 100 دولار هتبدلهم بنحو 2300 كورونا، وتبقى ملك زمانك، "الأسعار متفاوتة في الصرافات، ولازم تسأل أكتر من صرافة للحصول على أحسن سعر".
فيه كارت اسمه "كارت براج" سعره نحو 50 دولارًا صالح لمدة يومين، ولو كنت طالب هيكون ب40 دولارًا لمدة يومين، وفيه كروت ل3 و4 أيام بيتيح دخول لأكتر من 50 معلمًا سياحيًا، والتنقل في جميع المواصلات العامة مجانًا "لأماكن الشراء ومعلومات أكتر
https://www.praguecard.com/index.php?option=com_content&view=article&id=34&Itemid=205&lang=en"
ولأن براج بتجمع بين القديم والجديد وسحر الشرق والغرب، فيها متاحف وحدائق وأماكن للسهر، وكمان ممكن تعمل فيها أحلى تسوق، ومن جمال المدينة ممكن تمشيها كلها على رجلك، ووسائل المواصلات فيها هي "الترام، المترو، والأتوبيس"، وممكن تشتري الكروت من أي ماكينة تذاكر، فيه تذكرة ليوم واحد ب110 كورونات، وتذكرة ل3 أيام ب310 كورونات"، لكن لازم مع أول مرة لاستخدام الكارت يختم من ماكينة الختم، لتتفادى الغرامة، لأن الشرطة بيفتش دائما على التذاكر، أو تشتري "كارت براج"، اللي هيتيحلك ركوب المواصلات مجانًا.
والبلاد الموجود بالقرب من براج، وممكن تزورها هي "فيينا، بودابست، وبرلين" لو حبيت تلف أكتر -طبعًا مش هقدر أحصر كل الأماكن- ممكن تشوف اللينك ده عليه معلومات أكتر وأسعار ومواعيد الدخول للأماكن والمعالم
http://www.praguecitytourism.cz/file/edee/universal/maps/praha-do-kapsy-en.pdf.
ومن أكثر المعالم شهرة جسر تشارلز وبيربط ضفتي نهر "الفلتافا"، ومحاط بالكثير من الأماكن الأثرية والمطاعم المطلة على النهر، اللي لازم تزوره وقت الغروب والشروق، للتمتع بجمال وفن الإضاءة، وطبعًا لازم تزور المدينة القديمة old town، وهتلاقي في وسط الميدان عروض وعازفين مستمرة طوال الليل، وبمجرد الجلوس في الميدان والاسترخاء والاستمتاع بالفنون المختلفة ليها متعة خاصة، وفيه المدينة الحديثة والكثير من المعالم بها أيضًا.
وموجود بالمدينة حديقة حيوان براج، وهي من أجمل وأكبر حدائق الحيوان بالعالم، أما للمناسبات والمهرجانات، فيوجد مهرجان الربيع ومهرجان للطعام، وآخر للرقص في شهري يونيو ويوليو، ومهرجانات غناء في الصيف ومهرجانات على مدار السنة، وللتسوق في المدينة مراكز تسوق كثيرة، وهناك المحلات المحلية الموجود فيها منتجات التشيك اللي بتتميز بطابع مختلف تمامًا عن أي بلد تانية، كمان لو بتدور على outlet فيه أرخص الأسعار اتجه إلى
"FASHION ARENA OUTLET "www.fashion-arena.cz.
أما لو نفسك في القفز بالمظلات، فهو متاح هناك وبسعر معقول ب155 يورو، بتحجز من مكتبهم في المدينة القديمة old town، وفي اليوم التالي بتروخ بأتوبيس لقرية اسمها "موست most" بتبعد نص ساعة عن براج وهناك هتقفز وهتعيش أحلى مغامرة، وهيرجعوك تاني للمدينة القديمة.
http://www.skydiving-prague.com/en/
أتمنى ليكم رحلة سريعة جميلة وموفرة، وللمعلومات أكتر عن "براج" زور الموقع ده
ولمعلومات أكتر عن رحلاتي وسفري لبراج زور صفحتي