"مريهان": "أنا شتمت الضباط بس بعد ما هما ضربوني وشتموني.. ومكنتش سكرانة"

تنفرد "الوطن" بنشر التحقيقات فى قضية الممثلة ميرهان حسين، وضباط الهرم، التي جرت تفاصيلها الثلاثاء الماضي في كمين الرماية.
وتنشر "الوطن" أقوال الممثلة ميرهان، وأقوال الضابطين، وتبادل الاتهامات بينها وبين رجلي الشرطة، وكذلك أقوال الشهود والتقارير الطبية.
وأثبت المحقق شريف رشاد، وكيل أول نيابة الهرم، بإشراف محمد أبوالحسب، رئيس النيابة، وجود الممثلة المتهمة خارج غرفة التحقيق واستدعاها للمثول أمامه، وسألها: "أنت متهمة بالتعدي على موظفين عموميين، وهما النقيب مصطفى توفيق والملازم إيهاب بحر بالسب، وذلك أثناء تأدية وظيفتهما بأن قمت بقذفهما بالألفاظ المثبتة بالأوراق؟"، وردت: "أيوه، أنا شتمتهم بس بعد ما هما ضربوني وشتمونى ونزّلوني من العربية بتاعتي بالعافية".
وحول الاتهام بضبطها في مكان عام في حالة سكر بيّن، قالت: "ماحصلش"، وحول اتهامها بقيادة مركبة حال كونها واقعة تحت تأثير خمر مسكر، ردت: "ماحصلش. أنا أنا كنت عايزة أقول إن المساعدة بتاعتي «رفيقة» في القسم كانوا بيحاولوا يضغطوا عليها علشان تشهد ضدي، ولكن هىّ رفضت وقالت لهم: أنا هقول اللي حصل، انتوا ضربتوا الأستاذة ميرهان، وكمان المساعد بتاعي اللي اسمه أحمد برده حاولوا يخلوه يشهد ضدي وكمان مضّوه على محضر في القسم وقعدوا يهددوه، ورفيقة لما رفضت تشهد ضدي اتهموها معايا في المحضر".