ماهينور المصري تعلق على حبسها عامين: سلطتكم إلى زوال زي اللي فاتوا.. والثورة حتكمل

ماهينور : ثورتنا الجاية بتعدم القتلة وتعاقب الجناة وتعيد توزيع الثروة وتبقى كل السلطة للشعب
الناشطة السكندرية: السلطة الحالية لزوال زي اللي سبقتها والوقت هيعرف الشعب مين عدوه الطبقي الحقيقي
استنكرت الناشطة السياسية ماهينور المصري الحكم عليها و8 آخرين بالحبس لمدة عامين وتغريم كل منهم 50 ألف جنيه على ذمة اتهامهم بتنظيم وقفة احتجاجية بالتزامن مع جلسة محاكمة مخبري الشرطة المتهمين بقتل خالد سعيد أمام محكمة جنايات الإسكندرية يوم 2 ديمسبر الماضي.
وقالت ماهينور عبر صفحتها على فيسبوك "تفضل السلطة متخيلة أنها بقوانينها وسجونها وكلابها لتحافظ على نفسها"، وأضافت " لو لمتونا كلنا في السجون برضه الثورة حتكمل".
وتابعت " ثورة بتعدم القتلة وتعاقب الجناة وتعيد توزيع الثروة وتبقى كل السلطة للشعب، وقانون التظاهر إلى زوال والسلطة الحالية زي اللي سبقتها إلى زوال واللي حيبقي الشعب اللي الوقت حيعرفه مين عدوه الطبقي الحقيقي".
واستكملت " ثورة جاية محتاجة مننا تنظيم و رؤية بس المرة دي مش حترضي بحلول وسط، ولا خوف ولا رعب كل السلطة في ايد الشعب".
كانت محكمة جنح المنشية بالإسكندرية قد قضت اليوم الخميس بسجن 4 من النشطاء حضورياً و5 غيابياً لمدة عامين وتغريم كل منهم 50 ألف جنيه، على ذمة اتهامهم بتنظيم وقفة احتجاجية نظمها نشطاء بالتزامن مع جلسة محاكمة مخبري الشرطة المتهمين بقتل خالد سعيد أمام محكمة جنايات الإسكندرية يوم 2 ديمسبر الماضي.
والنشطاء الذين تمت محاكمتهم حضورياً هم كل من "لؤي محمد عبد الرحمن وعمر عبد العزيز حسين وإسلام محمد أحمد وناصر أبو الحمد إبراهيم"، بينما تم الحكم غيابيا ًعلى كل من "حسن مصطفى عبد الفتاح وموسى حسين علي عبد الرحيم وماهينور محمد عد السلام وحسن السيد محمد، محمود حسن محمود".
ووجهت للمتهمين اتهامات تتعلق بالاشتراك وتنظيم مظاهرة بدون تصريح وقطع الطريق وتعطيل حركة المرور والتعدي على مجند شرطة وإتلاف سيارتي شرطة.