احمد صبري بعد مهرجان البراءة التى حصل عليها رموز النظام السابق و قيادات الداخلية اليوم شهد موقع التواصل الاجتماعي تويتر موجة من الغضب على الحكم الصادر ضد الرئيس السابق حسني مبارك، ونجليه، ووزير الداخلية الأسبق، اللواء حبيب العادلي ومساعديه،حيث اعتبر الكثير من النشطاء ان الحكم هو محاولة لإعادة احياء النظام السابق مرة اخرى مطالبين بمحاكمات سياسية لكل رموز النظام السابق و في الوقت الذي طالب فيه الكثير من النشطاء الخروج في ثورة ثانية، طالب البعض بالتوحد وراء المرشح الرئاسى محمد مرسى ضد الفريق احمد شفيق لمنع عودة النظام السابق. وقال محمد خيرى عضو المجلس الرئاسى لحزب المصريين الاحرار في تدوينة له علي موقع التواصل الاجتماعي تويتر "لابد من محاكمات سياسية لكل من افسد حياتنا و مجتمعنا .... لك الله يا مصر". مضيفاً "دى مش رومانيا .. مصر بتقدم نموذج اكثر رومانية من رومانيا نفسها" و قال "هعيط والله جمال و علاء و حسن عبد الرحمن و الشاعر و فايد براءة .... الان لابد من محاكمة البرادعى و اسحق و حمزة بتهمة قتل المتظاهرين" فيما قالت الناشطة السياسية اسراء عبد الفتاح "رمزى وفايد وحسن عبد الرحمن والشاعر وجمال وعلاء احرار وأيد واحدة مع شفيق والإعدام للشعب" مضيفة "مبروووك سقراط اخد براءة بعد 2500 سنه من اعدامه بتهمة ازدراء الالهة و افساد الشباب ... الحكم صدر من محكمة اوناسيس" و علق الناشط السياسي حازم عبد العظيم علي الحكم قائلاً " أنا توقعت حكم كبير على مبارك لأنه كدة كدة مش فارقة؟ وكانت اللعبة كلها في عياله وكنت منتظر !!!! هو انقضاء الدعوة يعني إيه ؟؟" مضيفاً "يلا يا شفيق عين بقى حسن عبد الرحمن وزير داخلية ! جايلك جاهز ! وكل ملفات أمن الدولة قبل الثورة في الحفظ والصون ! واحنا جاهزين للنفخ" و قال "الصفقة في 11 فبراير ! مبارك لطنطاوي أنا كبرت مش مهم أخذ أي حكم ! المهم ؤلادي لو جيت ناحيتهم هفتحلك كل بلاويكم وعلى وعلى أعدائي" و علق الدكتور ايمن نور رئيس حزب غد الثوره علي الحكم قائلاً : " التضحية بالأب عشان يعيش الجنين. حسبنا الله ونعم الوكيل" و قال نور بعد صدور هذه الأحكام الهزيلة أعلن أنى شخصيا أدعم د.محمد مرسي وسنناقش الأمر فى اجتماع الهيئة العليا لغد الثورة5م اليوم وحسبنا الله ونعم الوكيل. و قال الدكتور محمد حبيب نائب مرشد جماعه الاخوان المسلمين السابق ان الهتاف بتطهير القضاء وعلى الحكم بانه باطل والمحاكمة بانها مسرحية هى الاجابة الطبيعية والمنطقية..انتظروا عدل الله مؤكداً ان الحكم ايذان بتزوير انتخابات الرئاسة لصالح شفيق و علق الناشط السياسى علاء عبد الفتاح على الحكم قائلاً " مبروك الحكم على مبارك و العادلى بس الحكم سياسى جدا ضحي بالرءوس الكبيرة و حافظ على كل حد ثانى حماية لبقاء النظام" الفنانه سيمون سخرت من الحكم قائلة " الداخلية كلها خارجالكو يا ولاد عشان الامن والامان .. ضحوا بالعادلي مؤقتا وطلعوا الباقيين براءة ... الاستكرار جاى مع جمال وعلاء والداخلية يا شفشق و اكد الفنان حمزه نمرة انه في الاستئناف كله هيطلع براءة لو مافيش أي أدلة حقيقية اتقدمت ضد الحرامية قائلاً وطبعاً ده لا يمكن يحصل في رئاسة شفيق.مرسي تعهد بإعادة المحاكمة و قال شفيق = جمال مبارك = علاء مبارك = عودة النظام القديم = احنا اللي حرامية وخونة ونستاهل ضرب الجزم عشان نزلنا من بيوتنا 25 يناير و قال الناشط الحقوقي جمال عيد اكتر من 10شهور بنقول ونؤكد أن وراء الابقاء على النائب العام أسبابا،من المؤكد انها ليست لصالح العدالة !!! وللاسف طلعنا صح مضيفاً عملنا لسنة كاملة على القضية ، وكان أسوأ موقف على الاطلاق لاسماعيل الشاعر ، كيف يحصل على براءة؟ هل يختار شفيق جمال مبارك نائبا له؟ و قالت الدكتوره هبه رءوف استاذ العلوم السياسية "متفائلة .. الله غالب- اختلال ميزان العدل في يد القاضي لا يعني اختلال العدل في الملكوت،والحكم سيدفع الكثير من الناخبين للتفكير في قرارهم " و تعجبت اسماء محفوظ الناشطة السياسية من الحكم قائلة القاضي مش لاقي دليل؟؟؟؟ اتعمى؟؟ القتل على شاشات التلفزيون دليل اييييه براءة خالص !!! الراجل اللى بيقول اني ضربته كان معاه دليل لما اخدت سنة؟ و قالت اسماء انا نازلة دلوقتي لدار القضاء العالي ومش هسكت لو انت راجل انزل معايا عشان تحميني وتحمي بلدك، رجعنا تاني لقبل 25 انزل عشان نجيب حق اخواتنا وسخر الفنان خالد يوسف من الحكم قائلاً " ثم طعن ثم تخفيف ثم عفو رئاسى من شفيق "و تساءل يوسف في حد لسه عاوز يقاطع و قالت الناشطة السياسية دعاء سلطان يعني مبارك والعادلي اتحكم عليهم مؤبد بتهمة قتل المتظاهرين.. كانوا بيقتلوهم لوحدهم؟!!! واضافت انا لو من حبيب العادلي اعمل بوليكة جامد وفي النقض ولا الاستئناف ولا اى نيلة اطلب البراءة زى كل الظباط والمساعدين بتوعي.. ده بالمنطق و قال الكاتب الصحفي بلال فضل " ألا لعن الله قوما ضاع الحق بينهم،ألا لعن الله قوما ضاع الحق بينهم،ألا لعن الله قوما ضاع الحق بينهم،ألا لعن الله قوما ضاع الحق بينهم"و اضاف بلال لسه في حد بيتكلم عن أهمية إنتخاب شفيق عشان مانغيرش شكل الدولة،هى دى دولة اللى يهون عليها دم أطهر شبابها؟لسه مش قادرين تشوفوا خطورة اللى جاى؟