مذبحة سوق برقاش.. جِمال تنزف وتعذب ونشطاء يطالبون بسرعة إنقاذهم (صور)

أثارت صور تم تداولها على مواقع التواصل الاجتماعي، حالة من الإستياء والغضب بين النشطاء، بسبب أشخاص يتناوبون على تعذيب "جمال" في سوق "برقاش" بالجيزة.


ونشر حساب باسم شاهي، صور تناشد فيه بإنقاذ الجمال من التعذيب على أيدي بعض الرجال في السوق، وقالت: "البوست طويل بس مهم و مفيش غيركوا هيقدر حاجة زي كدا .. محتاجة مساعدة بشير بس مش اكتر و تفعلوا الهشتاج في بوست عندكوا".

وتابعت، : "دا سوق برقاش للجمال هنا في مصر في الجيزة، الجمال دي بتتعذب و تضرب و بيتجمع على جمل واحد 6 أو 7 افراد يضربوه بكل قوتهم ، الجمال وشهم مبيبطلش نزيف ، صوت صراخهم مبيوقفش لكن هناك ناس معندهاش احساس كل واحد ماسك شومه و عصاية و يفقع عين عادي و يضرب في أماكن حساسة عادي ، الصور دي متصورة من هناك أي حد عايز يتأكد يقدر يروح و يشوف بنفسه، ركزوا في الصور الجمل اللي قاعد ع الارض من كتر الرعب جاله اسهال شديد، جزء من الجمال دي بتروح للسياحة و بترجع السوق تاني يعني الناس دي بيتدفعلها فلوس كمان و جزء منهم بيروح للمدبح يعني بيموتوا الف مرة و دول كائنات صبورة و جميلة مينفعش تتعامل بالطريقة دي".

وأضاف الحساب: "المناظر دي يومياً من الساعة 7 الصبح للساعة 2 الظهر و مش ممكن يستمر على كدا، احنا مجهزين قضية ضد سوق برقاش بس محتاجين اكبر عدد شير عشان تبقى قضية رأي عام ياريت تبلغوا اي حد يشوف البوست يعمل شير حتى لو مش مهتم بالحيوانات رغم انها روح زيينا بالظبط و احسن مننا ع الاقل يهتم بشكلنا قدام العالم. و متنسوش الهشتاج".
وعبر متابعين الناشطة عن غضبهم بسبب ما يتعرض له الجمال، من تعذيب وإهانة، مطالبين بوضع حداً لهذه المهزلة المخيفة.