"مش راضي يوديني لدكتور نفساني".. شاهد رد فعل على"أب ونجله" فى "ورطة إنسانية"..(فيديو)

"لو سمحت ممكن تقنع بابا يودينى لدكتور نفسى علشان هو مش مقتنع"، كلمات قالها شاب يبلغ من العمر نحو 25عاماً، طالباً من المارة فى الشارع إقناع والده بالذهاب به لدكتور نفسي، معللاً ذلك بانه يعانى من بعض الإضطرابات النفسية، فى مشهد تمثيلى يظهر شهامة المصريين فى شهر رمضان الفضيل، عرضه برنامج "ورطة إنسانية"، الذي يُعرض على فضائية "دي إم سي".


وعرض البرنامج فى بدايته شاباً وهو يطالب المارة بأن يقنعوا والده بالذهاب به لدكتور نفسى قائلاً"لو سمحت ممكن ثانية واحدة بس، ممكن تقنع بابا يودينى لدكتور نفسانى، مش مقتنع أنى ممكن يكون عندى إضطرابات نفسية زى اى حد وانى ممكن أتعالج".
وتعاطف الكثير من المارة مع الشاب وواجهوا والده مطالبين بالذهاب به الى الطبيب، فقال أحدهم"دا مرض طبيعى زيه زى البرد، مش هتخسر حاجة لو وديته وعالجته"، ليرد الأب:"هيروح يقول للدكتور ايه مفيش الكلام ده"، لتفاجئه طالبة فى كلية الصيدلة قائلة:"ليه بس، انا واحدة بدرس صيدلة ، ولسة واخدة التيرم ده امراض الجهاز النفسى والعصبى، وانا نفسى بقع فى ده، والحمدلله ان ابنك عارف أنه تعبان وعاوز يتعالج، دى حاجة كويسة".
وأظهر مشهد آخر الاب وهو غير مقتنع بكلام المارة قائلا:"دكتور نفسى ايه، الفكرة اننا لسة صغيرين ومش هوديه لسة بدرى على الكلام ده، وضغوط ايه اللى بتقولوا عليها، عايش بياكل وبيشرب ومفيش مشاكل ، ومش هوديه ، يعنى انت يرضيك ابوك يوديك لدكتور نفسانى".