بالصور.. ابنة "الحجار" تفتح النار على "رمضان"

بدأ الفنان محمد رمضان حياته من خلال التردد على المسارح أملاً في اقتناص مشهد ولو لدقيقة، وكانت بداياته الأولي في مسرحية مع الفنان سعيد صالح، وحدث حينها موقف الفنان على الحجار حينما طرد رمضان من المسرح.

وظل رمضان يسرد قصة طرده من المسرح على يد الحجار في كل برنامج يظهر فيه، ويتحاكي انه هزم الصعوبات والحاقدين وبقي "نمبر وان".

كل هذا دفع "مشيرة" أبنة الفنان على الحجار، إلى شن هجوم على محمد رمضان، بسبب خلافه القديم مع والدها، حيث أدعى الاخير أن الحجار طرده من إحدى المسرحيات.
وكتبت عبر حسابها على موقع التواصل الاجتماعى: "فيسبوك"، قائلة: "البرنامج دة قديم مش جديد، و القصة دى رمضان حكاها كذا مرة فى برامج و كل مرة يغير فيها تفصيلة بسيطة، و أبويا عمره ما رد، و كان شايف إن الموضوع مش مستاهل يترد عليه وأنا الصراحة مستغربة جدا هو أزاي بيحكيها بثقة قوى كده وجاب الخيال ده منين؟!".
وتابع قائلة: "أنا قررت دلوقتى أني اقول القصة الحقيقية لأن ابويا يستاهل ده، وده حق ربنا، وهيشهد على كلامى أخويا أحمد الحجار لأنه كان له دور رئيسي في المسرحية، غير أن طبعا المسرحية ليها أبطال و مخرج عارفين الحقيقة، واللى حصل إن المخرج اختلف مع محمود عزب أحد الابطال، خلاف شخصي فقرر يفاجيء الفنانين بأنه جاب رمضان يوم واحد، على الحجار شاف إن عزب مايستحقش كدة بعد تعبه فى 6 شهور بروفات، و قال ل"رمضان" وقتها: أنت ملكش علاقة بالموضوع خالص، وكان حيادي جدا.. فقرة الناس اللى كتفوه وضربوه دي ما حصلتش، ولا عمر أبويا اصلا كان عنده بودي جارد، وموضوع القلم الألماظ عليه علامات استفهام كتير".
وتابعت :"جو المعاناة اللي رمضان عايش فيه ده وإن الناس افترت عليه وهو صامد كالجبل رخيص قوي، والكدبة إن دلت على حاجة فهى تدل على شخصية صاحبها. اتعرفوا كويس على الفنان المكافح محمد رمضان! و على فكرة كلنا بنكافح بطريقتنا. أبويا نفسه جي من عيلة بسيطة وكافح وبنى نفسه بس الموضوع مش لبانة في بقه يستعطف بيه الناس".
واختتمت قائلة:"احنا في زمن الكدب والافتراء شيء عادي جدًا، والكدبة أو الفضيحة تنتشر اه، انما تنشر الحق؟ لأ طبعا! الناس تحب الفضايح".