حبيبي نائما

الرجالة بيختلفو عن الستات اختلاف كبير قوي في موضوع النوم ده ليه بقي الراجل بيعز النوم زي عنيه بيجي من المغرب ويدلق ينام ميحطش منطق لحد الصبح انما احنا كستات بنحب نحكي ونشكي ونلوكلوك ونعبر ونفك عن نفسنا والبيه نايم معزور ماهو تعبان وشقيان ياعين امه في الشغل طول النهار الله وبعدين يانور يعني اكتم الرغي في نفسويتي امال انا متجوزة ليه مش عشان اشكي واحكي وقبل ما ترجعيلي وتقولي مبقاش يحب يتكلم معايا مش طايق يسمع صوتي لالالالا ياغالية هو هيجيلي اعز منك وهو كمان لازم يصحي عشان حبنا وبؤقنا مش مهم يستريح ماهو طول عمره بينام ويصحي حصل ايه يعني بصي بقي لو هو خطيبك ونايم واني صاحية اتصلي بيه كتير ولو كنسل اتصلي اكتر ولو قفل التليفون اتصلي علي تليفون البيت اتصلي علي موبايل ابوه قوليله انك محجوزة في القسم ومش هتتكلمي غير قدام المحامي بتاعك (احم لو فركشتو بعدها ماليش فيه) اما بقي لو كان جوزك ونايم وانتي صاحية بصي احنا الأول نفتح الشبابيك ونرزع في البيبان مصحيش خبطي في الحلل وشيلي السجاد وطرطشي مية قال يعني بتنضفي في نص الليل مصحيش برضه ازغديه وقوليله قوم عاوزة اغسل الملايات برضه مش عاوز يصحي خبي الواد الصغير تحت الكنبة وقوليله ان في عصابة خطفته وعاوزين فدية (لو فتح نافوخك معرفكيش) الراجل دايما بيسمع بس انتي بتختاري الوقت الغلط عشان تقولي الكلام الغلط لو عرفتي تتكلمي امتي وتقولي ايه هيفضل يسمعك حتي وهو نايم #مساء_النعناع