ديتوكس .. حافظ على صحتك

الديتوكس زي ما قولنا مهمته طرد السموم من الجسم، يعني لو مش في نظام صحي كامل مش هتقدر تستفيد بيه لأنه مش سحر، يعني لازم يكون في نظام كامل عشان تقدر تستفيد بيه وتنقي جسمك من السموم، يعني لو مش هتقدر تلتزم بنظام غذائي ريح نفسك ومتعملوش :) .
طيب إيه الفواكه والخضروات المستخدمة في نظام الديتوكس إللي تساعدك تتخلص من السموم اللي في جسمك ؟
1- التوت: يحتوي على مادة anthocyanins المضادة للأكسدة وبتساعد على التخلص من السموم، وممكن تستخدم عن طريق الأكل العادي أو عن طريق الديتوكس
2- الزنجبيل: من الأعشاب المهمة الصحية إللي بتساعد على طرد السموم من الجسم، وممكن استخدامه كتابل لكن أفضل استخدامه طازج في الديتوكس
3- الليمون: من اهم مضادات الأكسدة ويفضل استخدامه فريش في الديتوكس بدون عصر
4- المنجا: من أهم الفواكه المهمه في تنظيف الجسم من السموم وبها ألياف كثرية بتساعد على الهضم وتخليص الأمعاء من بقايا الطعام الدسمة.
5- النعناع: بيساعد على السيطرة على الشهية بشكل طبيعي ومضاد قوي للبكتيريا، ويساعد على إزالة الجراسيم من الطعام والشعور بالشبع، لذلك يعتبر هو والليمون من الأساسيات في نظام الديتوكس.
6- الزعتر : من التوابل الطبيعية إللي مش مهتمين بيها في الأكل مع إنها بتحتوي على مواد مضادة للبكتريا ومطهرة للمعدة.
7- البرتقال: بيحتوي على كمية كبيرة من فيتامين ج إللي بيساعد على تفعيل نشاط الجسم على طرد السموم.
8- البقدونس: من أهم الأشياء المدرة للبول لذلك هو من أهم الخضرة إللي لازم تكون موجودة في نظام الديتوكس
9- الرمان: من فواكه الجنّة الجميلة وفيه مادة اسمها punicalagin وهي كمان من المواد المضادة للأكسدة وبتحمي من اصابة سرطان القولون بنسبة كبيرة.
ازي تقدر تعمل الديتوكس ؟

كل ما عليك هو إحضار برطمان أو زجاجة أو شفشق زجاجي والمهم إنه يكون زجاج، وهتختر أي نوع من الفاكهة المفضلة ليك مع شرائح الليمون والنعناع، وتسيبها 4 ساعات وتصفيها وتشربها :)