مصطفى قمر :"أنا وحمزة نمرة بنقدم أغاني شبه بعض"

كشف الفنان مصطفى قمر عن تفاصيل وأسرار من حياته الشخصية ، وعلاقته بنجوم فن جيله، وذلك خلال لقائه مع الإعلامية سهير جودة عبر صفحتها على موقع التواصل الاجتماعى "فيسبوك".
تصريحات مصطفى قمر الأخيرة
وحلال لقائه ، أكد قمر أنه يرى تشابه كبير بين أغانيه وأغاني والفنان حمزة نمرة معبراً :"أنا كلمت حمزة عشان أباركله على ألبومه الأخير، وقولتله يلا نقعد، وحاسس إننا بنقدم أغاني شبه بعض وممكن نقدم حاجة كويسة بيننا في الفترة الجاية، وهو فنان موهوب وبيختار كلام حلو جدا".
كما استكمل حديثه :"أنا طلعت من عباية محمد منير، ده الأستاذ واللي عرفنا إيه كلمة برا الهجر والحب، عرفنا مجموع مشاعر مختلفة، ونغني للبلد بشكل مختلف، أنا مقصر شوية في حق محمد منير، واليومين الجايين هروح أقعد معاه وندردش نفسي أقعد معاه".
تفاصيل فيلمه حريم كريم 2
جدير بالذكر، أن الفنان قد تطرق في الحلقة ذاتها للحديث عن فيلمه الجديد حريم كريم 2، فقال :"فكرة الجزء التاني ظهرت بإن كان فيه اقتراح كده ما يالا نعمل جزء تاني، وأغلب الناس مكانوش مقتنعين إن ده هيحصل، ده من سنتين الكلام ده، لغاية ما الأستاذة زينب عزيز والأستاذ علي إدريس قعدت معاهم قاعدة حلوة كده وقالوا يالا نكتب، قولت يالا".
كما استكمل حديثه :"طب وعلا قاعدة في أمريكا هتعرف تجيبها؟ قولت لهم آه هجيبها، قعدنا وكتبنا معالجة إن الموضوع هيبقى حلو، وزينب عاملة تشابك علاقات صعب جدا..
يعني لما يبقى فيه 14 ممثل يطلعوا خلال ساعة ونص، وكل واحد مش عايزة تظلميه، وعايزة الموضوع يبقى حلو، فالفكرة بصراحة كانت صعبة في الأول والسيناريو طلع عبقري".
أيضاً أضاف: "فيه أربع أغاني في الفيلم من ألحاني، وفي غنوة عاملين عليها دعاية الفيلم مش موجودة فيه".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا