أعصابهم بتغلي.. بيومي فؤاد يثير الجدل بحديثه عن نادي الزمالك

انفعل الفنان بيومي فؤاد على الهواء مباشرة بسبب استيائه من أخطاء نادي الزمالك المصري في الفترة الأخيرة، خاصةً بعد خسارة فريقهم برباعية أمام النادي الأهلي ، وذلك خلال مداخلة هاتفية له ببرنامج "حضرة المواطن".
بيومي فؤاد يتحدث عن نادي الزمالك
وقال بيومي خلال مداخلته: "عمري ما غلطت ولا قليت أدبي على جماهير الزمالك، أنا ربنا خلقني أهلاوي إيه المشكلة، الزمالك لو اتغلب من ريال مدريد هيدوروا على أي حاجة غير إنهم وحشين".
واسترسل: "شيكابالا قال لعمرو أديب لو كورة هناخد الدوري، يعني إيه كورة هو احنا بنلعب بلي، امتى هتقولوا إنكم اتغلبتوا النهارده علشان وحشين أو اللي قدامكم كانوا كويسين".
ولفت بيومي فؤاد :"لما الزمالك خد كأس مصر من الأهلي قلت على الأهلي دا احنا غلابة النهارده وحشين،هما لما يخسروا بيعلقوا شماعات ومبررات الخسارة منها الظلم والتحكيم والمؤامرات والسحر، الزمالك بيتجامل والأهلي بيتجامل الزمالك بيتظلم والأهلي بيتظلم، ولكن هناك أمور أخرى وراء الخسارة لا بدَّ على الزمالك الوقوف أمامها والاعتراف بالتقصير والخلل والمشاكل بعيدًا عن الشماعات".
كما عبر الفنان عن استنكاره من هجوم بعض جماهير نادي الزمالك متابعاً :" إيشمعنى احنا كلامنا اللي بيبقى مر ولو الزملكاوي شتم وقل أدبه يبقى كويس، الزملكاوي بيقول لو كرة زيزو دخلت طيب ما كرة أفشة جت في العارضة، ده ماتش 6/1 بيقولوا لو كورة وليد صلاح عبد اللطيف دخلت كان الزمالك كسب، هو ده كلام يعقل".
كذلك أنهى بيومي حديثه معبراً :"كنت خايف من ماتش بيراميدز بتاع نهائي السوبر وكنت خايف من ماتش الزمالك اللي فات لأن الزمالك ما عندهوش حاجة يخسرها والأهلي خلص الدوري، وده كان هيخليهم أهدأ أعصابًا ولكن نزلوا أعصابهم بتغلي ودا سبب خسارتهم بجانب أن الفريق محتاج لعيبة كتير".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا