"القلب فيه رفة" فيفي عبده تكشف تعرضها لوعكة صحية شديدة

تعرضت الفنانة فيفي عبده لوعكة صحية صعبة مؤخراً خضعت على أثرها لعملية جراحية، لافتةً إلى أنها أصيبت بالسحر، وذلك خلال لقائها ببرنامج et بالعربي.
فيفي عبده تكشف تعرضها لوعكة صحية
وسردت الفنانة تفاصيل أزمتها الصحية قائلةً :"لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا".
وواصلت حديثها :"مش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه".
كما لفتت :"الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة".
كذلك استرسلت حديثها عن معانتها قائلة ً :"دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري".
واستطردت :"ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم".
وأضافت فيفي عبده :"وأنا داخلة أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة".
أيضاً أكدت تعرضها للسحر موضحةً :"أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا