منيو إفطار خامس يوم رمضان 2023.. حضري رز بالخلطة وفراخ في الفرن والحلو بسبوسة

تعتبر وجبة رز بالخلطة وطريقة الفراخ في الفرن من أكثر الأكلات التي يطلق عليها معشوقة العائلة وبطل العزومات الكبيرة فأكلات الفراخ أكلة مشبعة ومميزة في العزومات، من الممكن تحضيرها على سفرة إفطار خامس يوم رمضان لذا نتناول في هذا المقال أفكار لتحضير منيو إفطار خامس يوم رمضان من رز بالخلطة وفراخ في الفرن و المشروب كركديه و الحلو بسبوسة والسلطة فتوش وبطاطس بالجبنة.
منيو إفطار خامس يوم رمضان

1_ المشروب: كركديه
المكونات:
. كوباية كركديه
. 4 كوبايات مياه
كوباية ونص سكر
(ممكن تزود حسب الرغبة)
الطريقة:
* نقي الشوائب من الكركديه وضيف عليه المياه وارفعه على النار
* ضيف السكر وقلب لحد ما السكر يدوب ويغلي الخليط
* سيب الكركديه يبرد في التلاجة 3 ساعات قبل ما تصفيه
2_ السلطة: فتوش
سلطة فتوش
المكونات:
. 3 حبات فجل أحمر
حبة جزر مبشورة
. عود بصل أخضر مفروم
نص رأس خس
2 حبة خيار مقطعة مكعبات
2 حبة طماطم مقطعة مكعبات
حبة فلفل أخضر
نص كوباية نعناع مفروم
. نص كوباية عصير ليمون
. نص كوباية زيت زيتون
ملح وفلفل أسود
. نص معلقة صغيرة سماق
. معلقة كبيرة خل تفاح
. فص توم مفروم
. رغيف عيش شامي أو عربي محمص مقطع مربعات
الطريقة:
. اخلط الزيت والخل والملح والفلفل الأسود والسماق وخل التفاح والتوم كويس
. في بولة.. اخلط الطماطم والخيار والفجل والبصل الأخضر والخس والجزر والنعناع .
. ضيف خليط الزيت وقلب كويس ووزع مربعات العيش
4_ المقبلات: بطاطس كروكيت بالجبنة
بطاطس بالجبنة
المكونات:
. نص كيلو بطاطس
. كوباية جبنة شيدر
مبشورة + موتزاريلا
. ربع كوباية زبدة
. بيضتين
. ربع كوباية لبن حليب
. ربع كوباية بقسماط
ملح وفلفل أسود
للتغطية:
بيضتين
ربع كوباية لبن
. كوباية دقيق
. كوباية بقسماط
زيت للقلي
الطريقة:
* اسلق البطاطس في مياه مملحة لمدة 20 دقيقة
* اهرس البطاطس ناعم جدا، ضيف البيض واللبن والبقسماط وتبل بالملح والفلفل الأسود
* قلب لحد ما يبقى خليط متماسك شكل كمية من الخليط على كرة واضغط في نص بأصبعك
* حط كمية من الجبنة واقفل كرة البطاطس كويس تقدر تبرمها بين كفك عشان تبقى أسطوانية
* اخلط البيضتين واللبن وتبل بالملح والفلفل الأسود
* اغمس البطاطس في الدقيق وبعدين في خليط البيض واللبن
* غطيها بالبقسماط واقليها في زيت سخن غزير.
* الشوربة: كريمة بالفراخ
الشوربة: كريمة بالفراخ
شوربة كريمة بالفراخ
المكونات:
. 4 كوبايات شوربة فراخ
4 صدور فراخ مخلية
ومقطعة شرايح
. بصلة مفرومة
4 معالق كبار زبدة
. 3 معالق كبار دقيق
. نص كوباية كريمة
ملح وفلفل أسود
الطريقة:
* اسلق صدور الفراخ
* سيح الزبدة وضيف عليها الدقيق وقلب لمدة دقيقة
* ضيف الشوربة بالتدريج وقلب كويس
* لحد ما يدوب الدقيق ويتجانس مع الشوربة
* ضيف الكريمة وقلب كويس وضيف شرايح الفراخ
* تبل بالملح والفلفل الأسود
* وسيب الشوربة على نار هادية لحد ما قوامها يتقل
الطبق الرئيسي: أرز بالخلطة وفراخ في الفرن
المكونات:
3 كوبايات أرز
. معلقتين صغيرين قرفة
. كوباية شوربة فراخ
. كوباية مياه مغلية
. ربع كوباية زبدة
. ربع كوباية زبيب
. ربع كوباية بندق
ربع كوباية لوز
للفراخ:
. فرخة مقطعة لقطع (4) أو (8)
. معلقة كبيرة زيت
ملح وفلفل أسود
. بصلة متوسطة
. حبة ليمونة
معلقة صغيرة بهارات فراخ
. معلقة صغيرة جنزبيل مبشور
2 _3 حبة حبهان
3 أعواد قرنفل
ورق اللورا
. معلقة كبيرة كركم
. معلقة كبيرة طماطم
ملعقة كبيرة لبن رايب
ملعقة صغيرة سماق
. ملعقة صغيرة بابريكا
. 3 فص توم مفروم
. ملعقة كبيرة عصير الليمون
الطريقة:
* سيح الزبدة وضيف الأرز وقلب لحد ما يبقى لونه دهبي غامق
* ضيف القرفة والزبيب والملح والفلفل الأسود
* (ممكن تضيف صنوبر)
* ضيف شوربة الفراخ والمياه المغلية وسيب الأرز يغلي ويبدأ يتشرب
* هدي النار.. غطي الحلة وسيب الأرز يستوي لمدة 15 دقيقة
* حمص البندق واللوز وزين بهم الأرز
الحلو: بسبوسة
المكونات:
. كوباية وربع سميد
. نص كوباية سمنة
. نص كوباية سكر
. نص كوباية زبادي
. نص كوباية جوز هند
. معلقة صغيرة بيكنج بودر
. معلقة كبيرة سمنة
( لتغطية الصينية)
للشربات:
. كوباية سكر
. كوباية مياه
. عصير نص حبة ليمون
معلقتين كبار عسل نحل
. نص معلقة صغيرة فانيليا
الطريقة:
* اخلط السميد في بولة مع السكر وجوز الهند وبيكنج بودر
* سيح السمنة وضيفها على السميد وضيف الزبادي
* وقلب كويس لحد ما تتجانس وتبقى عجينة طرية ممكن تخفف العجينة بكمية قليلة من اللبن لو احتاجت
* ادهن صينية بالسمنة ووزع عليها خليط البسبوسة
* ودخلها الفرن لمدة 15-20 دقيقة لحد ما وشها يحمر
* اغلي السكر مع المياه والليمون والفانيليا لحد ما يبقى شربات
* ضيف الشربات السخن على البسبوسة وسيبها تبرد