زيزي عادل تفجر مفاجأة عن ستار أكاديمي.. تعرف عليها

قالت الفنانة زيزي عادل، إن الفن حرام، متابعة: "سألت نفسي ليه أكون متاحة لكل الناس وعلى كل التليفونات.. ليه ماكنش ست قاعدة في بيتي مش متاحة لكل الناس؟ وممكن كل الناس تتفرج على صوري فلقيت أني مش حابة أكون متاحة لكل الناس، وحابة أكون بتاعتي.. وطريقة لبسي اتغيرت وحاولت أكون محتشمة يمكن ناقصني الطرحة وبدعي ألبسها وحلو الواحد".
أضافت زيزي، خلال حوارها ببرنامج "كلام الناس"، المذاع عبر فضائية "إم بي سي مصر"، "لما أطلع على الاستيدج لازم ألبس فستان وأتحرك مع المزيكا أكيد مش هقف تمثال، وكان فيه حاجة بتضايقني جدًا في الحفلات مش عندي قدرة ألغيها وأنها أن اللي حاضر بيصورني من زوايا زي ما هو عاوز".
وكانت أعلنت الفنانة زيزي عادل، إعتزالها الفن من خلال حسابها الشخصي بموقع تبادل الصور والفيديوهات "انستجرام".
نشرت زيزي، فيديو قالت فيه: "طالعة أقول خبر مهم في حياتي وأهم وأحلى خبر في حياتي وهو اعتزالي الغناء، والقرار مخدتوش من امبارح ووخداه من فترة كبيرة جدًا ومطلعتش أقوله لأني كنت حابه أتكلم مع نفسي والقريبين مني في الموضوع ده وبيشجعوني جدًا أعمل ده".
أضافت،"يمكن لما أخدت القرار تعرضت لمواقف واللى تسمى اختبار من ربنا وكان اختبار صعب والإنسان ضعيف، لأن جالى عرض مجاليش وأنا بمارس مهنة الغناء، ولكن الحمد لله ربنا كرمنا وقدرت ارفض من دعم من ناس حواليا".
واختتمت، "أنا حابة أموت وربنا راضى عنى ويمكن دى حاجة كلنا بنتمناها، فأنا مش عارفة هاموت امتى ولكن كل اللى عوزاه أكون مستعدة لمقابلة ربنا وأقابله وأنا راضية عن نفسى وحياتى وأفعالى".