تعليق مفاجئ من محمود المهدي بعد عودته لمنة عرفة: ثقتي في ربنا كبيرة

حرص الفنان محمود المهدي، على التعليق على عودته لزوجته الفنانة منة عرفة، من خلال حسابه الشخصي بموقع تبادل الصور والفيديوهات "انستجرام".
كتب محمود، "الحمد لله، دائمًا ثقتي في ربنا كبيرة، وشكرًا لكل واحد اتمنى لينا الخير، ربنا يرده لك أضعاف، والعكس لكل واحد شمت، ربنا يرده لك أضعاف الأضعاف".
وكانت أعلنت الفنانة منة عرفة، عودتها لزوجها الفنان محمود المهدي بعد انفصال لمدة يومين، من خلال حسابها الشخصي بموقع تبادل الصور والفيديوهات "انستجرام".
كتبت منة، "من أصعب اللحظات اللي ممكن تعدي على أي ست، لحظة الانفصال وخراب البيت، الطلاق بيهتز له عرش الرحمن، لكن أنتم يمكن عشان بتسمعوا عن بيوت بتتخرب كل دقيقة؛ فبقى أبغض الحلال عليها، رهان بتعملوه مع بعض على إننا مش هنكمل، أو مادة خام للشماتة فينا"
أضافت، "خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي، اللي ربنا ما يكتبه على أي ست، ما رحمتونيش، ولا قدَّرتوا إني في موقف لا أُحسد عليه، وشمتانين فينا، قد إيه أنتم ناس ما تعرفوش ربنا، ولا في قلوبكم رحمة".
تابعت منة، "اتمنوا الخير لبعض يا جماعة، بلاش نشمت في بعض، لكن دي غلطي أنا، إني شاركتكوا حياتي الشخصية، الإنسان بيغلط عشان يتعلم، وأنا اتعلمت، ربنا يعينكوا على نفسيتكم الجحيم دي، وعسى أن تكرهوا شيئا وهو خير لكم".
واختتمت حديثها قائلةً: "يمكن الخلاف اللي حصل؛ كشف لنا ناس كتير حوالينا، كانوا بيمثلوا إنهم فرحانين لينا، بس الحقيقي إنهم كانوا مستنيين أول مشكلة؛ عشان يشمتوا في كسرتي وخراب بيتي، بس والله ربنا مش هينولهالكوا، وربنا يخلي أهلي وزوجي، والناس اللي بتتمنى لي الخير، ووقفت جمبي، وكلمة أخيرة للسادة الصحفيين، أرجوكم كفاية بقى، ارحمونا، حرام عليكم.
أخبار الفنمحمود المهديمنة عرفة