بعد كلامه العجيب.. إبنه شقيق محيى إسماعيل : هو إختار يبقا غير عادى علشان يلخبطك

آثار الفنان محيى إسماعيل ، الجدل حوله بين رواد مواقع التواصل الإجتماعى ،وتصدر الترند خاصا بعد ظهوره وهو يرد على أسئلة أحد الصحفيين ، على هامش حضوره مهرجان الإسكندرية السينمائى الدولى بطريقة مثيرة للتساؤل.
حيث أجاب بطريقة مختلفة وغريبة ، آثارت سخرية البعض ، كما وصفه البعض بالجنون ، والبعض قال عنه أنه عبقرى .
وأوضحت أمل فايق " إبنه شقيقة"، بعض الأمور حول هذا الجدل ، وكتبت عبر حسابها على موقع التواصل الإجتماعى فيس بوك قائلة :" فيه بوست نزل كان بيتكلم عن محي اسماعيل ( هو عمي اخو والدي ) ،
و البوست ده فيه ناس معارضة فنه و شخصه و ناس بيعجبها تمثيله و بتحبه ،هو طبعا مستحيل الناس كلها تتفق علي حب فنان واحد .
وتابعت :" انا قولت أوضح بعض النقط في بوست منفصل ، عمو محي في بيته غرفة كاملة عبارة عن كتب و أغلبها كتب باكتر من لغة عن علم النفس و الدرما و التمثيل و فلوسه اصلا بيخلصها علي الكتب علشان دي عشقه ، و لا اشتري فيلا و لا قصر و لا عربية ، الكتب هي شغفه و هوايته ،ولانه اصلا تخصصه الأساسي كان دراسة الفلسفة فهو بيعشق القراءة في الأمراض النفسية تحديدا و القراءة عن النفس البشرية عامة.
وأضافت :" كل دور بيعمله كان لازم يرجع يقرأ عن ابعاد المرض و اعراضة و يعيش الدور من خلال مدرسة التقمص في التمثيل ، ولكن هو في البرامج كان بيتعمد يصنع لنفسه كاريزما أو يقول كلام عجيب أو غريب علشان يكون مختلف عن بقية الفنانين اللي دايما بيطلعوا بشخصيتهم العادية ،هو اختار يكون تمثيله غير عادي و في المقابلات باردو اختار يكون غير عادي علشان يلخبطك .
وإستطردت :"فيه فنانين كبار من غير ما اقول اسمائهم كانوا بيطلعوا في البرامج يشتموا زمايلهم و يتكلموا عن خناقات و تلاقي المجلات بتكتب خناقة الفنان كذا و هما بيعملوا كده علشان الناس تتكلم عنهم ، عمو محي عمره ما كان بيطلع يشتم في زميل أو ينقد مخرج أو يعمل مشكلة مع حد علشان يحقق شهرة و جدل و الناس تتكلم عنه ، هو كان بيحب يقول كلام غريب علشان يصنع حالة من الغموض حواليه و بعد ما تتفرج عليه في البرنامج تخرج مش فاهم و تسال نفسك.
وأوضحت :" هو الراجل ده عاقل و لا مجنون و لا عاوز ايه ؟ هو اختار يكون فنان مختلف بس كده
و انتوا شوفتوا بنفسكم التريند اللي طلع ده علشان ظهر في مقابلة مخدتش منه دقايق و قلبت السوشيال ميديا ،لكن له برنامج في الستات مايعرفوش يكدبوا كان بيتكلم عادي جدا ،و علي فكرة دكتور احمد زويل قرأ روايته و عجبته
موضوع أنه مكنش بيعمل افلام كتير أو مسلسلات كتير ده علشان هو وقعت منه فكرة التسويق عن نفسه و كمان الوسط الفني بيعتمد علي فكرة الشلة
و هو مش تبع شلة حد .
وإختتمت :" هو ⁦ عامل فعلا اعمال كتيرة جدا و مسرحيات و مسلسلات كتير بس مش بتتعرض
علي التلفزيون يا ريت يعرضوا أفلامه و أعماله علي القنوات ، و من ادواره مع ديزني فيلم كرتون جميل جدا مدبلج مصري هرقل كان عامل دور حادس آله الموت و شعره بيطلع نار زرقا ، لو قولنا مثلا جيل علي الحجار و محمد الحلو و عمرو دياب مين اللي استمر و عامل شهرة لغاية دلوقت هتلاقي أن لازم الفنان يكون بجانب موهبته يكون عنده مهارة التسويق لنفسه صح ؟ لكن هو في الحقيقة في العيلة بيتكلم عادي جدا و كلامه مش غريب و لا عجيب و بيتكلم زيينا و لا بيقعد في الدولاب .