شريف مدكور.. حكايات إنسانية في مواجهة التنمر

حكايات عن شريف مدكور من أشخاص تعاملوا معه، تكشف مدى نقاء هذا الشخص، وكلام من أشخاص لا يعرفونه، ودعاء من أمهات يتابعن برنامجه، كل هذا ظهر -فقط- بسبب مرضه
"ما كل هذا الحب، حب الناس وكلامهم أنساني تعب المرض"، جملة بسيطة وضعها شريف ليشكر الجميع عبر صفحته الخاصة على موقع التواصل الاجتماعي على "فيسبوك"، لكنها جلبت المزيد من الرسائل والدعاء له، وبالفعل مرض شريف جلب له كمًّا كبيرًا من الحب، وكشف الكثير من الحكايات والتفاصيل لمواقف جميله له مع أشخاص كتبوا عنه، وهم يدعون له، أو أشخاص اعترفوا أنهم كانوا يتنمرون عليه، ويعتذرون له، ويتمنون له الشفاء، أو أشخاص لا يعرفونه على المستوى الشخصي، ولكن يشعرون بما تعرض له من اضطهاد كثيرا، ولكنه كان واثقًا في نفسه، ولم يلتفت لاي كلام مسيء له.
ريهام الديدي -إحدى الضيوف- التي ظهرت في برنامج شريف كتبت له "يلا شد حيلك انت سبب نجاحي ووقفتي وسندي ومثلي الأعلى ومعلمي وأخويا، وكل حاجة حلوة حصلتلي في حياتى، ربنا معاك وهيحفظك لأنك إنسان طيب وكريم ومحترم ومساعد من كل قلبك للناس بتفاني وحب وانت كل حاجة حلوة تتقال عليك بصراحة، هتقوم بألف سلامة بحق الايام
ريهام الديدي -إحدى الضيوف- التي ظهرت في برنامج شريف كتبت له "يلا شد حيلك انت سبب نجاحي ووقفتي وسندي ومثلي الأعلى ومعلمي وأخويا، وكل حاجة حلوة حصلتلي في حياتى، ربنا معاك وهيحفظك لأنك إنسان طيب وكريم ومحترم ومساعد من كل قلبك للناس بتفاني وحب وانت كل حاجة حلوة تتقال عليك بصراحة، هتقوم بألف سلامة بحق الايام المفترجة بإذن الله".
بينما كتبت الفنانة نشوى مصطفى له "يا شريف أنا بحبك أوي أنا وكل الناس اللي أعرفهم، أمي لما عرفت إنك تعبان قعدت تدعيلك كتير أوى، وبتقول لك حتخف وتبقى زي الفل بإذن الله".
اقرأ ايضاً|شريف مدكور.. كل هذا الحب والاحترام من الجمهور
بينما كتب له واحد من الجمهور: "بقلوب محبة لكل مساحات الصدق والقبول عند شريف مدكور نتمنى انتصاره على المرض الخبيث، وأن يمنحه الله الشفاء والصحه والعمر الطويل".
أكرم نجل الفنان محمود البزاوي كتب عنه على صفحته الخاصة على فيسبوك قائلا: "شريف مدكور واحد من أكتر الناس اللي عندهم مساحة رحبة في قبول الآخر، واحترام الحريات الشخصية والعامة، شريف أعلن إصابته بالسرطان.. ربنا يشفي يا رب ويا ريت كلنا في الأيام المفترجة دي ندعيله بالشفاء العاجل.. شريف مدكور من الناس الخفيفة واللي تحس إنه بيحب الحياة مش أكتر لا عايز يزعل حد، ولا حد يزعل منه.. فربنا يشفيه ويعيش باقي حياته مبسوط ومرتاح البال.. آمين يا رب.. ادعوله يا جماعه".

وكتبت واحدة من جمهور شريف: "الراجل ده ماحدش اتعامل معاه غير وشهد بأخلاقه واحترامه وفعله للخير بدون مقابل رغم حملات كتير اتعرض ليها للتشويه والسخريه إلا إنه كان دايما واثق بنفسه.. ربنا يعافيه".
قد يهمك|شريف مدكور: شيرين عبد الوهاب «بتصعب عليا جدًا» (فيديو)
دكتور معتز محمد كتب عنه قائلا: "أنا بحب شريف مدكور ياخونا بحب الشخص المتساهل اللي واخد الدنيا لايت، في عز ما كان متاخد تريند للسف كان مكمل اللي هو بيعمله لا اتضايق ولا اكتأب وقفل على نفسه، وعملنا فيديوهات عن التنمر وهددنا بالانتحار، زي ما في ناس عملت لمجرد إن حد قالهم إن دمهم تقيل، بالعكس كان دايما مقابل الدنيا بابتسامة، وبيدي الناس أكتر حاجة هو محتاجها، وهي الدعم النفسي، أصل عادي ده أسلوبه اللي مآذاش بيه حد، وعادي ده هزار، شريف على المستوى الشخصي راجل خير بيساعد الناس، وعمل أعمال خير كتير محدش يعرف عنها حاجة، مكرهش الناس ونفر من المجتمع اللي كان بيتنمر عليه، كلنا وقت الشدة بنحتاج اللي يقف جنبنا ويدعمنا، لكن أكثرنا استقامة هو اللي بيقف جنب الناس ويدعمهم وهو نفسه في شدة.. شريف عنده اشتباه كانسر في القولون ادعوله بالشفاء".
سارة عبدالسلام مذيعة برنامج طبخ كتبت عن حكايتها مع شريف "البوست ده عن شريف مدكور... هاحكي موقف اتعرضت ليه من كام سنة في قناة المحور... كنت هناك في شغل مع أحد نجوم القناة، والشخص ده بدون ذكر أسماء اتأخر عليه جدًّا وأنا بحترم مواعيدي جدًّا وإلتزاماتي؛ فطبيعي اتضايقت واتعصبت، وفجأه لقيت شريف مدكور الجميل الذوق المحترم بيعتذر لي بالنيابه عن الشخص ده... مع العلم إن الشخص اللي كان لاطعني مفكرش حتى يعتذر عن تأخيره!! شريف مدكور اعتذر لي وقعد يتكلم معايا عشان مقضيش الوقت في الانتظار وطيب خاطري بكل الطرق وموفرش أي جهد في إنه يشيل الغضب من جوايا ويخليني أضحك مع إن الموضوع كله كان لا يعنيه في أي شيء!! بذمتكم في أجمل من كده بني آدم؟!! يمكن هو يكون مش فاكر الموقف ده كله بس أنا عمري ما بنساه ولا بنسى ذوقه واحترامه وإنسانيته.. ربنا يشفيك ويعافيك يا راجل يا جميل يا طيب يا محترم ويبعد عنك كل بشاعات الحياه.. دعواتكم للمحترم شريف مدكور".

محمد خميس كتب له على صفحته الخاصة على فيسبوك: "مفيش حاجة من اللي عملها شريف مدكور شدتني أتفرج عليها، بسبب اهتماماتي المختلفة أكيد، لكن أول مرة عرفته كانت من أمي اللي بتتفرج عليه بانتظام وبابتسامة لطيفة، ومراتي بعدها اللي كانت بتجيب برنامجه وبتبصلي باعتباري هاسخر مثلا أو هعلق على أسلوبه، في الحقيقة أنا بيعجبني أسلوب شريف؛ لأنه غير مصطنع، أو ده اللي بيوصلني، شريف أنا مش قلقان عليه؛ لأن وراه ترسانة أمهات طيبة، وستات بيوت بسيطة، هيدعوله من قلوبهم فعلا، ربنا يقومك بالسلامة يا شريف".

رحمة الشريف إحدى الضيوف الذين ظهروا في برنامج شريف مدكور الشهير كتبت: "ارجووووكم الدعاء لصديقي شريف مدكور ربنا ابتلاه بورم فالقولون، أول إعلامي ظهرت معاه بقناة المحور وكانت الحلقة وش السعد عليا والمذيع الوحيد اللي نشر صفحة شغلي على الشاشة ومقاليش ده إعلان ممول!! المذيع اللي كان مبهور بمنتجاتي وقالي انتي مخترعة صغيرة.. حبيبي ياشريف ربنا يشفيك ويعافيك يارب.. الخير الكتير اللي عملته في حياتك هيرجعلك دلوقت اطمن".
شيماء كتبت على صفحتها على فسبوك: "أنا مش عارفة هقول إيه والله
بس الراجل ده كتير اتريقنا عليه وشتمناه وظلمناه، وناس كتير اتنمرت عليه واتقال كذا وكذا وهو ثابت وإيمانه قوي وقوة صبره وتحمله للمرض زادت، شريف مدكور مصاب بسرطان القولون، وهيعمل عملية وبيطلب من الكل يدعيله ويقف معاه، وكلنا أول ما بنقع بنحتاج الوقوف جنبنا وإننا نتسند، كلنا ضعاف ومعرضين للمرض والانهيار في لحظة واحدة إحنا آسفين بالنيابة عن نفسنا عن كل حد اتنمر عليك وربنا يقومك بالسلامة، كفاية حكم بالمظاهر شوية وهدم نفوس وظلم ناس".
أشرف الشريف أحد أصدقاء شريف كتب على صفحته على فيسبوك: "أنا زعلان جدًّا على شريف مدكور ربنا يشفيه ويقومه بالسلامة ويطلع من المحنة دي على خير، عايز أقول إن شريف مدكور شخصية مثيرة للجدل للي ما يعرفوش لكن الراجل ده أعرفه وفي حقيقته من أطيب وأنقى الناس اللي ممكن تقابلهم في حياتك وإنسان مؤدب ومحترم جدًّا، وعلى فكره اللي ناس كتير ماتعرفوش إنه متدين وييعمل خير كتير أكتر مما تتوقعوا وتتخيلوا ربنا يوقفله ولاد الحلال قد ما ساعد ناس كتير وعلى قد طيبة قلبه".

أحد الأشخاص كتب على صفحته رسالة: "شريف مدكور أنا شخصيا مكنتش في يوم بحبه، بس هو واحد من أكتر المذيعين فى الوطن العربى اللي عندهم اتساق مع النفس ومساحة رحبة في قبول الآخر واحترام الحريات الشخصية والعامة. بقلوب محبة لكل مساحات الصدق والقبول عند شريف مدكور نتمنى انتصاره على المرض الخبيث وأن يمنحه الله الشفاء والصحه والعمر الطويل".
واحدة أخرى من الجمهور كتبت: "شريف مدكور، أكتر شخص في مصر اتعرض للتنمر والتريقة، وكان بياخد الموضوع بصدر رحب، ويرد بأخلاق راقية مصاب بورم ف القولون ندعيله بالشفاء واللي هستغربله إن أكتر ناس كانت بتتريق عليه هيزعلوا من نفسهم جدا؛ لأن محدش بيحس بحد أوي إلا في الموت".