بالفيديو.. رضوى الشربينى تنفى زواجها: كفاية شائعات أنا مش مرتبطة ولما هرتبط الناس كلها هتعرف

نفت الإعلامية رضوي الشربيني الشائعات التي تداولت بشأن ارتباطها مؤخراً، من خلال فيديو لايف عبر حسابها الرسمي على فيس بوك قالت فيه : "الحقيقة ان انا داخلة في السنة الخامسة من برنامج "هي وبس" وبيطلع عليا اشاعات كتير مرة اتجوزت 13 و14 مرة، ومرة من فلان وعلان، وبقالي 5 سنين بسمع كلام مش محترم ومش مظبوط، كل أسبوع أو كل شهر بيطلع عليه اشاعات كتير، وكل الحاجات اللى مرت بيها ساكته خالص، مهما حصل، وما كنتش بتكلم لأن ربنا موجود وهيبين الحقايق، واللى عايز يحبني أو يعرف عني حاجة كويسة هو حر، لكن النهارده طلعت من حلقة يوم السبت لاقيت اشاعة غريبة".


ثم استكملت : "لاقيت إشاعة غريبة جداً ولأنها ما تخصنيش أنا لوحدي طالعة أتكلم، وده للمرة الثانية، وفى المرة الأولي طلع عليه اني مرتبطة بمواطن مغربي اسماً وقولاً، واتقال اني هتجوزه، ودلوقتى لسه طالعة من الاستديو بنفس المكياج طلعت إشاعة غريبة، مش عارفة اتفال ليه، او يمكن عارفة اتقال ليه في التوقيت ده بالذات".

وبقول للناس اللى بتحبني وما بتحبنيش انا شخص مش مرتبط، ولما هرتبط كل الناس هتعرف، علشان انا مش الست اللى بتعمل حاجة في الدرا ومش الست اللى بتعمل حاجة في الخفا، انا بجحة كفاية أوي ان أي حاجة اعملها اطلع أقول اني بعملها، لأن الجواز مش غيب وبقول كده في برنامجي على طول اتجوزوا بس اختاروا صح"

وأضافت : "فانا واحدة مش مرتبطة يا جماعة، اتنين لما يبقى في شخص أو مواطن مش محترم يطلغ عليه إشاعة مش محترمة، لو انت ما بتحبنيش طلع عليه إشاعة بس ما تضرش عيلة ملهاش أي ذنب، ما تضرش راجل محترم أو ست محترم ملهمش أي ذنب غير ان الناس دي اخواتي فعلاً".

ثم قالت : "في ست تقبل انها تتحوز راحل متجوز هي حرة، لكن انا ما بقبلش ومش عايزه، فبقول للأستاذ فلان الفلاني دي جات فاول منك OUT لأن كل الناس تعرف من هي رضوي الشربيني اللى بتقول لكل واحدة ست حرام عليكي تكسري قلب ست متجوزة.

وأوضحت : "انا رديت النهارده علشان الاشاعة المرة دي ما تخصنيش لوحدي، لكن تخص عيلتي التانية، وناس ليها افضال عليه من ساسى لراسى، وطلعت اديلهم حقهم، واقولهم حقكوا عليه انا، وانا بعتذرلهم حقيقي بالنيابة عن هذا الشخص الغير محترم وحقكوا على راسى".

ثم أضافت : "انا ست مش مرتبطة، بربي بناتي وبشوف شغلي وبشوف مشاكل الستات، واللى بنقدر نحله بنحله، واللى مش بنقدر عليه بندعي ربنا انه يحله، ولما ارتبط مش مصر هتعرف الوطن العربي كله هيعرف، ومش هتكلم تاني اكتر من كده علشان ما اديش الحاجة اكبر من حجمها".

وعن سبب ردها قالت : "وطلعت رديت لأني رد الحق للناس المحترمة واجب، ولأنى لاقيت وانا جايه في العربية بعض التعليقات اللى زي ما يكون الناس كانت مستنية أو ما بتصدق، أو أنا مش عارفة، .. ليه لما يتقال عليها – الناس اللى بيطلق عليهم مشاهير- حاجة حلوة مش بتتصدق، ولما بيتقال حاجة مش كويسة ، بتتصدق وتجري كده، ربنا يهدي الجميع، ويهدي الشخص اللى فكر يكتب الكلمتين دول، بردو أنا مسامحاك لأني عارفة انت عامل كده ليه، وواخد من مين علشان تكتب كده، وحياة ربنا، وربنا ما تصدقوش كل حاجة بتتقال، ما تصدقوش كل إشاعة، ما تصدقوش كل كلمتين، علشان احنا بني ادمين، وعندنا اهل وعيال بيضايقوا علينا، وسمعة، احنا يقال علينا مشاهير، بس بنزعل وعندنا ناس بتزعل عليهان ربنا يهدي الجميع، دول كلمتين طلعت اقولهم في حق ناس جزمتهم على راسى".

ثم أنهت كلامها بقولها : "لو رضوي الشربيني بتحب هتقول وهاخد رأيكوا زي ما خدتوا رأيي، زي ما بعمل من 4 أو 5 سنين".