شيتوس " الحراق" يرد على نجم الزمالك بكلمات نارية

رد وائل رياض "شيتوس" لاعب الأهلى السابق عن "البوست" الذي وضعه يوم عيد شم النسيم والذي وضع فيه نادي الزمالك في جملة مفيدة.
وقال "شيتوس" عبر حسابه الشخصي على موقع التواصل الإجتماعي "فيس بوك" : "بصوا يا جماعة علشان انا شايف لغط كتير جداً من إمبارح وكلام كتير عن البوست اللي انا كتبته :
1- البوست انا شايفه عادي جداً مفيهوش اي تريقة علي حد سواء نادي الزمالك او ادارته او لاعبته او جماهيره لكن هي جت بظروف احتفالات شم النسيم واكل الفسيخ وكده يعني القافية طلبت".
وأكمل : "2- انا اسمي وائل رياض اللي كان بيلعب في الاهلي فعادي جداً ومنطقي إني أبقي عايز الزمالك يتعطل والاهلي يحاول يلحقه ..
3- موضوع الحيادية اللي الناس بتتكلم عليها دي علي الشاشة فقط يعني انا علي الشاشة ملك كل الناس بمختلف انتمائتها وكمان دي مش صفحة البرنامج دي صفحتي الشخصية يعتي من حقي اقول ارائي الشخصية ووجهات نظري طالما اني مش بسئ لحد.".
وأضاف : "4- موضوع إني حراق وإني بعمل كده والهيافة دي ماليش فيها علشان دماغي وتفكيري اكبر من كده ..
5- ناس كتير زملكاوية كلمتني بكل ادب واحترام وتفهموا وجهة نظري وناس تانية شتمت وقلة ادبها وكل واحد بيعبر عن بيئته ..
6- احمد عيد صديق وعشرة و موضوع البوست اللي كتبه يسأل هو عنه لكن انا مش من عادتي اعلق علي اصدقائي علي صفحات التواصل الاجتماعي".
وأنهى حديثه قائلاً: " 7- الناس بقي اللي بتصطاد في الميه العكرة وكده بقولوهم بلاش تركيز معايا شوية علشان الارزاق بيد الله ..
8- اتمني من كل قلبي وهفضل اتمني ان الاهلي يكسب الدوري ولكن هعيد نفس الجملة ان لو الاهلي مكسبش مفيش مشكلة عندنا من درع الدوري ده 37 درع يعني مش مهم اوي زي مالناس متخيلة.".