فريدة سيف النصر تكشف كواليس فيلمها الجديد "فرقة الموت"

كشفت الفنانة فريدة سيف النصر عن كواليس فيلم" فرقة الموت" بطولة الفنان أحمد عز والفنان آسر ياسين.
ونشرت فريدة سيف النصر صور من تصوير الفليم وعلقت قائلة :" والله كلنا في الشغل مالناش سيره غير غزه والعيال..لكن ده شغلنا..المعلمه قشطه...في فرقة موت مع الجمال والأدب والذوق سوبر ستار أحمد عز".
وأضافت :"سعيده اني بتقابل مع جيل جديد.اتفاجأت أن عز عارف شغلي وكمان وهو بيتفرج عليا وانا باصور عمال يشكر فيا وصلولي طبعا والاحلي مدير التصوير هو بتاع بدون ذكر اسماء..واتكلم عز علي نور الشريف بحب واني محظوظه عملت معاه اهم أعمالي وهو عمل معاه واهتم بيه جدا.. ومحمود عبدالعزيز وجماله...وقد ايه بيحبهم وكان نفسه يشتغل مع عاطف الطيب أنا عملت جبر الخواطر معاه وخدت جائزه من نادر جلال ".
وتابعت: "أنا بجد احمد الله محظوظه في الجيل اللي حضرته وانا صغيره من نجوم مش هاتتكرر اتعلمت علي ايديهم. والجيل ده بتاع عز وانا كبيره عندنا اجيال هاتكمل بجداره".
وأوضحت :"فيلم فرقة موت ..احمد عز. ياسين..القمر منه شلبي..الجميله امينه خليل.مع السوبر ستار دائما ..محمود حميده الاضافه لكل عمل ..انتاج .هشام عبد الخالق..اخراج احمد علاء.
منتج فني المحترم هاني عبدالله.. ارت ديزاينر. المبدعه ناهد نصر الله..بصراحه كلهم عشق العشق...مافيش شعور اجمل من انك تشتغل مع ناس فرحانه بيك ومخرج عارف امكانياتك فايسببك تبدع ..هاقول لكم علي حاجه تخبل ..تخيلوا احمد عز ممكن يعمل كوميديا ..بقي يقول لي افبهات قسما بالله حلوه قد ماتفاعل معايا قولتها..يارب ينجحوا كلهم ويكسروا الدنيا".
وعلى نفس السياق أعلن المنتج الفني هاني عبد الله، موعد عرض فيلم فرقة الموت بطولة الفنان أحمد عز، والمقرر عرضه في صيف 2024، ويضم الفيلم عدد كبير من النجوم.
ونشر هاني عبد الله على حسابه الرسمي ب فيس بوك صورة تجمعه مع السيناريست صلاح الجهيني، معلقًا: فرقة الموت والمؤلف الكبير صلاح الجهيني، فيلم عيد الأضحى 2024.. دعواتكم.
انضم الفنان آسر ياسين إلى أبطال فيلم "فرقة الموت" مع الفنان أحمد عز، ومن المقرر أن يجسد خلال الأحداث شخصية الخط الذي يدور حولها أحداث العمل كما انضمت الفنانة منة شلبي لفريق عمل فيلم فرقة الموت .