روت حكايتها مع كورونا ووزارة الصحة و ال10 آلاف جنيه .. زوجة ماجد المصرى توجه نصائح للنجاة من " الفيروس الملعون "

"نصحت زوجة الفنان ماجد المصري، رانيا أبوالنصر المصريين بضرورة الخضوع إلى تحليل «بي سي آر» تابع لوزارة الصحة المصرية للكشف عن فيروس كورونا .
وروت «أبوالنصر» حكايتها مع الفيروس عبر «انستجرام»: «بشكر كل الناس اللي كانت بتطمن عليّا واللي كان عايز يساعدني من قلبه، وربنا يخليكم ليّا، وكل أصحابي اللي وقفوا معايا وعرضوا عليّا يأخدوا الأولاد، وشكرًا لجوزي حبيب قلبي، اللي كان بيدخلي الأوضة ويقولي مش خايف وبيلبس (ماسكين) طبعًا، وربنا يخليك ليّا».
وتابعت حكايتها: «أنا عملت (بي سي آر) لما جبت حد من المعمل في البيت، ولقيتها إيجابية طبعًا، اتخضينا جدًا وقولت عندي كورونا ونزلت ستوري عشان كل اللي كان مخالط ليّا يأخد باله، وعزلت نفسي ثلاثة أيام، وماكنش عندي أعراض ومش حاسه بأي حاجه وشكّيت، قالوا لي: لازم تعملي تحليل تاني واضح أن النتيجة دي غلط، وعملت تحليل تاني في مكان معتمد من وزارة الصحة، وطلعت النتيجة سلبية، وعملت أشعة الصدر قالوا لي أنتِ زي الفل مافكيش حاجه مين قال عندك كورونا!».
استكملت: «عشت قلق ورعب ومعزولة عن أولادي وقاعدة في أوضتي ولغيت عيد ميلاد بنتي، وكانت متضايقة وخايفة عليّا، وبجد لازم نتأكد من النتائج قبل ما نطلعها، لكن الحمدلله، وبنصح كل الناس يروحوا أماكن للتحاليل المعتمدة من وزارة الصحة»، وكان اثنان من أصدقائها حاولا تخفيف فترة العزلة عليها بالغناء والعزف لها على آلة الجيتار أسفل غرفتها، مطالبين إياها بدفع 4 آلاف جنيه لهما مُقابل خضوعهما إلى تحليل «كورونا» بعد مخالطتهما لها.
وقالت إحداهما لها خلال فيديو: «لو سمحتم لينا عندكم 4 آلاف جنيه حيث التحليل طلع غلط»، فيما ردت عليها صوتيًا خلال الفيديو قائلة لها وتضحك: «إحنا لينا بقى 10 آلاف جنيه»، ثم أوضحت أسباب مطالبتها بالمبلغ: «بيطالبوني ب 4 آلاف جنيه بتوع الماسحة اللي عملهوها لأنهم كانوا معايا قبل المسحة بيوم وطبعًا قلقوا على نفسهم وعملوا المسحة وأنا اللي كنت السبب».
يذكر أن الفنان «المصري» نفى إصابته وأولاده بالفيروس بعد إعلان رانيا إصابتها، منذ أيام، عبر «فيسبوك»، قائلًا: «الحمد لله بعد إصابة زوجتي.. عملت أنا وأولادي المسحة للتأكيد، والحمد لله سلبية، وهنعمل مسحة تانية لمراتي وإن شاء الله خير وربنا يشفي كل مريض».