هادى خفاجة .. الطفل الذى امتع المشاهدين بخفة دمه يعتزل نهائيا

عبر صفحته الشخصية على موقع التواصل الاجتماعى "الفيس بوك"، أعلن الفنان الشاب هادي خفاجة من خلال تدوينة قام بكتابتها اعتزاله الفن نهائيا ومن غير رجعة.
وابدى حزنه الشديد إيذاء الموقف الذي تعرض له والذي اوصله لاتخاذ هذا القرار من خلال ما قاله في التدوينة:"قررت أنا هادى خفاجة اعتزال التمثيل نهائياً في مصر وده بسبب الموقف اللي انا هاحكيه هو موقف في قمة قلة الذوق اللي في الدنيا جاتلى مكالمة الساعة 12 بليل ان محمد سعد عايزنى في تصوير حلقة من برنامج وش السعد اللي هيا كانت النهارده وانه عايز يقعد معايا طبعاً لبست وروحتله الساعة 1 بليل كان موجود الفريق كله ونجوم الحلقة ايتن عامر ومنه عرفه وعملنا بروفه واتفقت مع مدير الانتاج والملابس وكل حاجه واستاذ سامح عبد العزيز المخرج قعدت معاه واتكلمنا عن الشخصية واتفقنا ان التصوير بعدها بيوم خلصت كانت الساعة 4 الفجر روحت البيت".
واستكمل خفاجة بانه استعد للحلقة ولكن قبل التصوير بساعة اعتذروا له: "نمت وصحيت استعديت نفسياً ان رايح التصوير وحفظت السيناريو كان الميعاد الساعة 5 المغرب لقيت اتصال وانا في الطريق الساعة 4 العصر من واحد من مساعدين الإخراج بيقولى استاذ هادى احنا اجلنا الاسكتش بتاع حلقة حضرتك وهنكلمك نقولك امتى التصوير ان شاء الله.. افتح التلفزيون من شويه ألاقى الاسكتش بتاعى اتصور بممثل تانى طب ليه ألف والدوران الحمد لله تاريخي مش هيقف على حلقه بس موضوع تقدير انا حبيت احكى لأني وسط حاجات كتير حصلتلى مكنتش مستحمل حركه زى دى".
وأختتم قائلا: "وبكرة بإذن الله هاكون في نقابة المهن التمثيلية وهاسلم أستاذ أشرف زكى عضوية النقابة لأنها متلزمنيش في شيء دلوقتى بس بجد كفاية تدمير في المواهب وإحباط في الناس لأن الوسط بجد أصبح عن عصابات تتحكم فيه"، مشيرا أنه سيكمل مشواره الفني في دول أخرى تقدر الإنسانية قبل المواهب والمجالات، ناهيا كلامه "ده قرار نهائي بجد بيني وبين نفسي مش هرجع فيه".