جابر القرموطي ل"توكل كرمان":"مش زيك اللي هتعرفنا قيمة جيشنا"

خلال برنامجه "مانشيت"، المذاع على فضائية "on tv"، انتقد الإعلامي جابر القرموطي، الناشطة اليمنية توكل كرمان، بعد قيامها بالثناء على الجيش المصري بعد مشاركته في عمليات "عاصفة الحزم".
وقال "القرموطي": "أنا لقيت احتفاء شديد باللي كتباه توكل كرمان، وأنا عايز أعرف انتوا مستنيين واحدة زي دي علشان تمدح في الجيش المصري، دي واحدة شغالة بالدفع والمقايضة، إحنا شعب طيبين أوي، إحنا ولا محتاجين كرمان ولا خرفان ولا بات مان ولا غيره، إحنا مقتنعين إن عندنا جيش محترم".
وتابع،: "في بعض الإعلاميين في مصر بينتقدوا الدولة السعودية وفي إعلاميين سعوديين بينتقدوا الدولة المصرية، وده أمر صحي مش عيب، ومصر عمرها ما هتقع في حد، ورئيس مصر ياما اتشتم وياما اتقال عليه ألفاظ معملش حاجة".