برسالة مؤثرة .. أحمد حلمي يعبر عن حزنه لواقعة "تحرش التحرير"

فى رسالة مؤثرة جدا، عبر الفنان المصري أحمد حلمي عن غضبه الشديد بسبب أحداث التحرش والاغتصاب التي وقعت داخل ميدان التحرير يوم أمس، الأحد.
حلمي كتب على حسابه عبر "الفيس بوك": "من صغري وأنا بحب الكلاب .. وكنت بربي كلاب كتير جدا " ذكور وإناث" وفي تاريخ تربيتي للكلاب بكل أشكالها وأنواعها .. عمري ماشفت كلب مُتحرش .. ممكن حد يقولي ما هو ده لان كلاب متربية ومتدربة وعايشه في التكييف .. أقوله لا .. دي كلها كانت كلاب شوارع .. كلاب بلدي زي مابيقولوا عليها.. كلاب جعانة وعيانة ونايمة تحت العربيات في الشوارع .. وكنت مربيهم في حتة أرض فاضيه جنب العمارة .. مكنتش مربيهم لافي شقه ولا في ڤيلا ولا حتى فوق السطوح.. وكانوا سكان العمارة بيآكلوهم من فضلات الأكل بتاعتهم"ز
وأضاف: "اكتشفت أن الكلاب اللي معندهاش عقل ومبيحكمش تصرفاتها غير الغريزة طلعت محترمه وعندها مبدآ.. عمر غريزتها ماغلبت علي مبدآها.. حد عمره سمع أن في شوية كلاب اتلموا علي كلبه ونهشوا لحمها .. الكلب اللي معروف عنه انه نجس.. طلع محترم وعنده مبدآ .. مش عارف أوصف المتحرشين دول بأيه.. لو قلت عليهم كلاب.. حقيقي هابقي بمدحهم وبشتم الكلاب".