متأفورش1-أبتسم مين فينا مش بيمر بهموم و مشاكل في الدنيا .. كلنا طبعا أصل مفيش حد معندوش مشاكل مهما كان حجمها و تأثيرها..فيه بقي نوع من الناس بيفضل محافظ علي ابتسامته لإنه بيكون أمن إن التكشير مش هيحل المشكلة و مجرد شيل هم و كاّبه و كمان يخليه يعجز بدري فبيقرر إنه يضحك حتي لو الضحك برده ممكن ميحلش مشكلتك مع إن فيه ناس بتشوف إن الابتسامة بتعمل أكثر من اللي بتعمله القنبلة النووية لإن البسمة رسالة حب وصدق وإخلاص و بتدخل الفرح والسرور إلى القلب و بتحول الدمعة إلي رضا و تعلمك القناعة لإن اللي حصل ليك ده من قضاء ربنا و فوق كل ده لو ضحكت هنأخد ثواب لإن الحديث الشريف بيقول : ( تبسمك في وجه أخيك صدقه 2-متأفورش لا تهدر المياة " فيه ناس و هي بتوضأ تحسسك إنها بتستحمي مش بتوضأ من كتر المياه اللي بيقعدوا يستخدموها و محدش يقول طب يعني هنعمل إيه إحنا مش بنعرف نتوضأ غير كده.. بس فيه حاجه طب ما هو الواحد بيعرف يتوضا بمياه قليلة لما المياه تكون قاطعة .. يعني اهو بنقدر..طب ليه من الاول مش بنحافظ علي المياه..زهو إحنا مش بنعرف قيمة الحاجه إلا لمل تروح ؟؟؟ أو ممكن حاجه كمان تحسسنا بقيمة المياه .. لو تخيلنا إن مثلا المياه بقة بكروت شحن و كل مواطن ليه نصيبه من المياه بياخده كروت..فتخيل بقي إنك جيت تستحمي تلاقي الدش بيقول عفوا لقد نفذ رصيدكم..ساعتها بس كنا هنقدر نحاسب علي نقطة المياه و منهدرهاش..طب و لو نتخيل كده و إحنا ممكن نوفر مياه كتير لو مأسرفناش في عباده زي الوضوء 3- متأفورش في الغلط " ..... متأفورش فى الغلط كل واحد مننا عارف انه مش كامل وانه اكيد بيعمل حاجات كتير غلط بس مش نيجى ونقول لا طالما انا بعمل حاجات غلط يبقى غلط بغلط وذنب بذنب لا المفروض اننا نحاول نبطل الحاجات الغلط الى بنعملها مش اقول طالما انا بعمل كل الحاجات دى غلط يبقى خلاص ما انا كدة كدة وحش وكدة كدة ربنا غضبان عليا ياريت منافورش فى غلطنا لان انا بعرف ناس كتير كدة بجد 4-متأفورش في رايك لو اتكلمنا عن المواقف " السياسية " ... متأوفرش في تأييدك أو معارضتك للأشخاص .. تأييدك السياسي لشخص ممكن يتمثل فى ترشيحك ليه في انتخابات أو فى تأييدك لمواقفه لكن مينفعش يكون تقديس ليه , دفاعك عن الشخص الى شايفه صح لو اخد شكل " التقديس " يعنى هو مبيغلطش ومش هيغلط يبقي انت اساسا مش فاهم انت بتأديه ليه ؟ التأييد لازم يتبنى على معرفة واضحة لإجابيات و " سلبيات " الشخص .. لو فعلا بتأيد الشخص دا وعاوزة يستمر في نجاح معين يبقي لازم تنقضه لما يغلط وتحاسبه علي مواقفه . كمان وانت بتعارض معارضتك تكون موضوعية ومبنية علي أسس , قبل ما تعارض الموقف إحترمه .. مش بعارض لمجرد اني لازم أعارض الشخص دا أو الاتجاه دا , قد يكون شخص غير مقبول بالنسبالي لكنه عمل موقف محترم لازم اثني عليه واحترمه .. حط لنفسك قواعد للمعارضة , " قمة معارضتك تكون في نفس الوقت قمة احترامك للى بتعارضه " و متتخلاش عن مبادئك لمجرد انك عاوز تعترض أو عاوز تأيد .. وافتكر ان رأيك هيفضل مجرد " رأي " مش حقيقة مؤكدة لازم الكل يقبلها . " حط لنفسك منظومة قيم و – متأفورش 5-متأفورش في حكمك عالناس ... متحكمش علي شخص معين من مجرد موقف واحد أو من حكمك علي رؤيته تجاه موقف واحد ... انك تحكم علي شخص يعنى انك تتعامل معاه وتشوف ردود افعاله تجاه المواقف المختلفة . متكرهش شخص بسبب موقف واحد , ولا تحب شخص بسبب موقف واحد .. اعمل توازن فى حكمك علي الناس علشان كمان الناس متحكمش عليك بعشوائية .. 7-متأفورش في الهزار قد إيه الهزار حاجه حلوة بتخرجنا من مودنا لو كان وحش بالذات لما تهزر مع صحابك مثلا و تحس إنك خلاص هتموت من الضحك من كتر اللي بتقولوه و تعملوه مع بعض.. إنك تهزر مع حد ده دليل إنه قريب منك و هيتقبل الهزار ده.... بس المشكلة بقي إن فيه ناس بيكونوا قريبين مننا بس منقدرش نهزر معاهم مش علشان حاجه لكنه بيكون احترام زي قرايبك و الناس الكبار ممكن ميتقبلوش الهزار بتاعك لإن لكل مقام مقال... بس برده يعني ده مش معناه تكون كئيب و مش لطيف مع الناس الموضوع كله محتاج إنك متأفورش لا في الهزار بزياده و لا في الكأبه لإن أي حاجه أما بتزيد عن حدها بتنقلب لضدها