جولات تفقدية لرئيس مياه الشرب والصرف بأسوان لمتابعة المحطات والروافع في ظل ارتفاع الحرارة    وكيل صحة الدقهلية خلال اجتماعه مع مديرى الإدارات: يؤكد التعامل بروح القانون أساس النجاح"    شكسبير في سجن الواحات    أمينة الفتوى بدار الإفتاء توضح علامات طهر المرأة وأحكام الإفرازات بعد الحيض    عبد اللطيف منيع يعود للقاهرة بعد معسكر مكثف بالصين استعدادًا لبطولة العالم المقبلة    لماذا تغيرت خطة أمريكا للحل فى غزة؟    قبل بدء الفصل التشريعى الثانى لمجلس الشيوخ، تعرف علي مميزات حصانة النواب    مصدر مقرب من محمد هاني ل في الجول يكشف كواليس مع حدث مع معروف وقت الطرد    غوارديولا يتحدث عن صفقاته الجديدة    الداخلية تكشف ملابسات فيديو يزعم وفاة محتجز فى أحد أقسام القليوبية    جامعة المنصورة تُشارك في مبادرة "كن مستعدًا" لتأهيل الطلاب والخريجين    محافظ الجيزة يتفقد حالة النظافة وإزالة الإشغالات بأحياء الطالبية والعمرانية والهرم والعجوزة    منشآت تنظّم لقاء بعنوان "أهم ملامح نظام الامتياز التجاري"    مستشفى قها التخصصي ينقذ طفلة من فقدان ملامح أنفها بعد جراحة دقيقة    «الصحة» تغلق 10 عيادات غير مرخصة ملحقة بفنادق في جنوب سيناء    تحقيقات واقعة "فتيات الواحات".. الضحية الثانية تروى لحظات الرعب قبل التصادم    خبير أمن وتكنولوجيا المعلومات: الذكاء الاصطناعي ضرورة لمستقبل الاقتصاد المصرى    7 أسباب تجعلك تشتهي المخللات فجأة.. خطر على صحتك    قرار جديد من التموين بشأن عدادات المياه: حظر التركيب إلا بشروط    المفتي السابق يحسم جدل شراء حلوى المولد النبوي والتهادي بها    يسري الفخراني بعد غرق تيمور تيمور: قُرى بمليارات كيف لا تفكر بوسائل إنقاذ أسرع    اعتذار خاص للوالد.. فتوح يطلب الغفران من جماهير الزمالك برسالة مؤثرة    الأمن يقترب أكثر من المواطنين.. تدشين قسم شرطة زهراء أكتوبر 2| صور    العراق: مهمة بعثة التحالف الدولي تنتهي في سبتمبر    رئيس جامعة الوادي الجديد يتابع سير التقديم بكليات الجامعة الأهلية.. صور    الرئيس السيسي يوجه بمواصلة دعم قدرات شبكات الاتصالات وتوسيع مناطق التغطية    محافظ الجيزة يطمئن على الحالة الصحية لشهاب عبد العزيز بطل واقعة فتاة المنيب    توجيهات حاسمة من السيسي لوزيري الداخلية والاتصالات    جبران يفتتح ندوة توعوية حول قانون العمل الجديد    فنون شعبية وطرب أصيل في ليالي صيف بلدنا برأس البر ودمياط الجديدة    مانشستر يونايتد يدرس التحرك لضم آدم وارتون    ريال مدريد يخطط لبيع رودريجو لتمويل صفقات كبرى من البريميرليج    مرصد الأزهر: تعليم المرأة فريضة شرعية.. والجماعات المتطرفة تحرمه بتأويلات باطلة    فيديو.. خالد الجندي: عدم الالتزام بقواعد المرور حرام شرعا    رئيس الأركان الإسرائيلي: نُقرّ اليوم خطة المرحلة التالية من الحرب    رئيس وزراء إسبانيا يقطع عطلته الصيفية لزيارة المناطق الأكثر تضررا من حرائق الغابات    أمر ملكي بإعفاء رئيس مؤسسة الصناعات العسكرية ومساعد وزير الدفاع السعودي    صحة الوادى الجديد: انتظام العمل فى المرحلة الثالثة من مبادرة "100 يوم صحة"    أحمد سعد يغني مع شقيقة عمرو «أخويا» في حفله بمهرجان مراسي «ليالي مراسي»    فيضان مفاجئ في شمال الصين يخلف 8 قتلى و4 مفقودين    مدير عام الطب البيطري سوهاج يناشد المواطنين سرعة تحصين حيواناتهم ضد العترة الجديدة    حقيقة انتقال هاكان للدوري السعودي    أزمة الراتب.. سر توقف صفقة انتقال سانشو لصفوف روما    الأنبا ثيئودوسيوس يترأس القداس الإلهي بكنيسة العذراء مريم بفيصل    شئون البيئة بالشرقية: التفتيش على 63 منشآة غذائية وصناعية وتحرير محاضر للمخالفين    إنفانتينو عن واقعة ليفربول وبورنموث: لا مكان للعنصرية في كرة القدم    الخارجية الروسية تتوقع فوز خالد العناني مرشح مصر في سباق اليونيسكو    في 3 خطوات بس.. للاستمتاع بحلوى تشيز كيك الفراولة على البارد بطريقة بسيطة    موعد آخر موجة حارة في صيف 2025.. الأرصاد تكشف حقيقة بداية الخريف    تعرف علي شروط الالتحاق بالعمل فى المستشفيات الشرطية خلال 24 شهرا    حزب الجبهة الوطنية: تلقينا أكثر من 170 طلب ترشح لانتخابات مجلس النواب    مهرجان شرم الشيخ الدولي للمسرح الشبابي يعلن تفاصيل مسابقة "أبو الحسن سلام" للبحث العلمي    المفتي يوضح حكم النية عند الاغتسال من الجنابة    إصلاح الإعلام    فتنة إسرائيلية    حظك اليوم وتوقعات الأبراج    خطأ أمريكي هدد سلامة ترامب وبوتين خلال لقائهما.. ماذا حدث؟    عيار 21 الآن بعد الانخفاض الجديد.. سعر الذهب اليوم الأحد 17 أغسطس محليًا وعالميًا (تفاصيل)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لو عايزة تعملى خطوبتك فى البيت دى أفكار ممكن تفيدك ..!!
نشر في الجمعة يوم 13 - 06 - 2012


انتي ممكن تجيبي ورد لون الفستان وتعملي بيه الكوشه
وكمان تجيبي بلالين لون الفستان ومعاها اللون الفضي او الدهبي هتلاقي الحاجات دي عند محلات الزينه وكمان غطيت البوفيه بقماش لونه فضي وورد من لون الفستان حولي تختاري لونين بس تعملي بيهم الديءكور عشان تكون حاجه راقيه
يعني لون الفستان ومعاه اللون الفضي مثلا.
الجزء الثانى
جهزي قائمة بالمدعوين
بنات كتير بتفتكر إنها لما تعمل الخطوبة في البيت يبقى مش لازم تعمل قائمة بالمدعوين والمعازيم اللي هيحضروا، لكن طبعاً ده كلام مش صحيح بالمرة؛ لأن الخطوبة اللي على الضيّق دي لازم تحضري لها قائمة بالمدعوين، زي الخطوبة اللي بتتعمل خارج البيت بالظبط، ويا ريت قبل ما تعملي قائمة المدعوين تحددي مساحة البيت عندك أد إيه؛ لأن على أساس المساحة دي هتحددي عدد المدعوين اللي هتعزميهم على الحفلة.
وخدي بالك إن القائمة دي لازم تكون جاهزة قبل ميعاد حفلة الخطوبة بوقت كافٍ على الأقل عشرة أيام، علشان يكون عندك وقت كافٍ إنك تتصلي بالمدعوين وتبلغيهم بميعاد الخطوبة، ويكون عند المدعوين هما كمان وقت كافٍ أنهم يجهزوا نفسهم...
ودي الخطوات اللي هتعمليها وأنتِ بتجهزي قائمة بالمدعوين..
1- هتقعدي أنتِ وعريسك ومامتك ووالدة عريسك، وتجيبوا ورقة وقلم وتبدؤوا في كتابة أسماء المدعوين واحد واحد وأرقام تليفوناتهم، وده علشان ما تنسوش حد.
2- بعد كده هتشوفي عددهم أد إيه بالضبط، لو كان العدد مناسب لمساحة البيت عندك يبقى ابدؤوا في الاتصال بالمدعوين.. لكن لو كان العدد كبير جداً ومساحة البيت عندك مش هتستحمل العدد ده كله يبقى اعملوا فلترة للقائمة دي.. يعني اختاروا منها المدعوين اللي درجة قربهم منك أنتِ أو عريسك كبيرة أو اللي ما ينفعش تعملوا حفلة زي دي من غير ما يكونوا موجودين.
3- هتبدئي تتصلي بكل المعازيم اللي من طرفك علشان تعزميهم، وفي نفس الوقت خلّي عريسك أو حماتك يبدؤوا هما كمان يعزموا المدعوين اللي من طرفهم ويشرحوا لهم عنوان البيت بالظبط.
4- لو كان في حد من المدعوين هيعتذر عن الحضور لانشغاله مثلاً أو سفره أو لأي سبب في الوقت ده تقدري تعزمي حد مكانه من اللي ما قدرتيش تعزميهم في البداية بسبب عدم وجود مكان ليه.
جهزي ورتّبي البيت استعداداً للخطوبة
أوّل حاجة هتعمليها هي إنك هتحددي المكان اللي هتكون فيه حفلة الخطوبة واللي غالباً ما بيكونش الريسبشن بتاع الشقة؛ لأن ده أكبر مكان في الشقة أو في غرفة الصالون، بعد كده ابدئي في ترتيب وتجهيز البيت علشان يكون مناسب لحفلة الخطوبة...
ودي الخطوات اللي هتعمليها:
1- تنظيف الشقة ودي أهم خطوة هتعمليها، ولما تيجي تنظفي لازم تنظفي البيت كله في الأوّل، وتخلّي المكان اللي هتعملي فيه الخطوبة آخر خطوة علشان ما يلحقش يتوسّخ.
2- بعد ما تنظفي البيت؛ تقدري دلوقتي تشوفي إيه قطع الموبيليا اللي هتخليها والقطع اللي هتشيليها في أي غرفة تانية من غرف البيت؛ لأن ساعات كتير بيكون في قطع موبيليا بتأخذ مساحة كبيرة من الغرفة ومش بيكون لها أي استخدام زي الكونسول أو النيش، وممكن تستغني عنهم وتحطي مكانهم كراسي إضافية للمدعوين، كمان شيلي الحاجات اللي تخافي عليها من الكسر؛ زي مثلاً الفازات الغالية والتحف اللي ممكن إنها تكون موجودة.
3- اختاري أبرز مكان أو أوضح مكان وحطي فيه كراسي الكوشة، وعلى فكرة ممكن تكون كراسي السفرة دي عبارة عن كرسين من كراسي الصالون أو كنبة الصالون أو ممكن تأجري كوشة "من عند بتاع الفراشة"، بس خدي بالك إن حجمها يكون مناسب لحجم المكان عندك، وحطي قدامهم ترابيزة صغيرة، علشان تحطوا عليهم الجاتوه أو العصير وكمان الشبكة لما تيجي تلبسيها.
4- لو حسيتِ إن الكراسي اللي موجودة في البيت مش هتكفي عدد المدعوين اللي هييجوا ممكن تأجري كراسي إضافية من أي محل فراشة.
5- يا سلام بقى لو تجيبي بوكيه ورد كبير وتحطيه وراء الكوشه بتاعتك؛ علشان يديها شكل جذاب وشيك ويطلع شكلها حلو في الصور.
6- ممكن كمان تزيّني المكان بالورود والبالونات اللي ممكن تحطيهم على شكل قلوب في كل أركان البيت، ويا سلام لو كانوا باللون الروز والأحمر.
7- لو ليكِ صورة إنتِ وخطيبك سوا؛ ممكن تكبّريها وتعملي منها بوستر كبير وتحطيه في مكان بارز، بحيث إنها تبقى باينة لكل المدعوين، أو تحطيها قدام باب الشقة وتكتبي عليها الجملة التاليةHappy engagement" " وتعني "خطوبة سعيدة" وتكتبي اسمك واسم خطيبك.
8- استحالة طبعاً المناسبة السعيدة دي تمر من غير ما يكون في حاجة تسجلها لحظة بلحظة؛ علشان كده جهزي أكتر من كاميرا.. واستعيني باتنين من أصحابك بتكوني واثقة في إنهم بيصوّروا كويس، واطلبي منهم إن كل واحدة تصوّر كل لقطة في الحفلة بحيث يبقى ما فيش لقطة أو منظر يعدي من غير تصوير.. وخدي بالك إنك تتأكدي بنفسك قبل الحفلة إن البطارية مشحونة كويس وإن كل حاجة تمام.
9- ما تنسيش تجيبي معطّر للجو علشان ترشيه في الآخر بعد ما تكوني خلصتِ كل تجهيزات البيت؛ لأنه بيدي رائحة حلوة قوي للبيت.
جهزي عشاء شيك.. وعلى مزاجك
ودلوقتي وصلنا لمرحلة من أهم مراحل تجهيزات حفلة الخطوبة، وهي مرحلة البوفيه أو السفرة واللي بتحيّر بنات كتيرة، وبيكونوا مش عارفين يعملوا فيها إيه؟! ومن الأفضل طبعاً عمل بوفيه مفتوح؛ لأنه بيكون أسهل وأشيك، وبيكون فيه أصناف متنوّعة، وطبعاً اختيار نوعية الأصناف بيكون حسب إمكانياتِك وميزانيتك اللي أنتِ حاطاها فمثلاً...
• لو معاكِ إمكانيات كبيرة.. ممكن إنك تعملي بوفيه كبير بيحتوي على مجموعة مختلفة من الأصناف زي مثلاً ديك رومي أو خروف صغير محشي بيتم وضعه في وسط البوفيه، بالإضافة إلى أصناف أخرى من اللحوم زي الكفتة واللحمة الباردة، وأصناف متعددة من الطيور زي البط والفراخ والحمام، وأصناف متعددة من المحاشي، بالإضافة إلى المكرونة البشاميل، وأصناف متعددة من السلطات، بالإضافة طبعاً لتورتة العروسين والجاتوهات والحلويات الشرقية والغربية والفاكهة بأنواعها المتعددة والمشروبات الغازية والعصائر.
• لو معاكِ ميزانية معتدلة.. يعني في المعقول يبقى ممكن إنك تعملي بوفيه بسيط بيتكون من مجموعة مختلفة من الساندويتشات البسيطة؛ زي مثلاً ساندويتشات الفراخ البانيه والكفتة والكبدة والجبنة الرومي.. بالإضافة طبعاً لتورتة العروسين والجاتو والشيكولاتة والمشروبات الغازية العصائر.
• لو معاكِ ميزانية بسيطة جداً.. يبقى ممكن إنك تعملي بوفيه بسيط جداً عبارة عن تورتة العروسين والجاتو والشيكولاتة والمشروبات الغازية والعصائر.
ونصيحة مني ليكِ.. يا ريت إنك تخليكِ بسيطة جداً، واللي في مقدارك ومقدار أسرتك قدميه، وبلاش تكلّفي نفسك فوق طاقتها، وبيني وبينك أنتِ أولى بكل قرش هيتصرف؛ لأنك بعد الخطوبة داخلة على مرحلة التجهيزات ودي بتحتاج فلوس كثيرة جداً، واعرفي حاجة إن الناس اللي بتحبك بتكون جاية خطوبتك علشان تفرح وتفرحك مش جاية تاكل.
وخدي بالك إن من الإتيكيت إن العروسة والعريس هما اللي يفتتحوا البوفيه مع بعض ويقطّعوا التورتة، ويا ريت إنك تطلبي من محل الحلويات إنه يحط صورتك أنتِ وخطيبك على التورتة.
وعلى فكرة لو مش فاضية إنك تجهزي العشاء، ممكن إنك توكلي المهمة دي لمامتك أو أختك الكبيرة أو واحدة من أصحابك أو أي حد يحب يخدم، ويا ريت تكون الحاجات دي جاهزة وموجودة على السفرة بشكل منظّم قبل الناس ما تيجي.
ممكن نزين كاسات العروسين بالطريقة دى وكل واحدة وذوقها بقى
انتظروا قريبا على موقع الجمعة قسم الخدمات الالكترونية ( سوق السيارات – سوق العقارات – مطلوب عروسة- تفسير احلام – فتاوى دينية – العاب بنات – العاب طبخ – العاب فلاش – العاب سيارات – العاب باربي )
نقلا عن موقع:يا ساتر


انقر هنا لقراءة الخبر من مصدره.