رسالة قوية من أحمد موسى للمسئولين عن الرياضة المصرية: "محدش يهمه سمعتنا"

وجه الإعلامي أحمد موسى، كلامه إلى المسئولين عن الرياضة المصرية بسبب الخروج المهين من كأس العرب بعد التعادل السلبي أمام الإمارات والكويت قبل الهزيمة أمام الأردن قبل قليل.
وتابع "موسى" خلال تقديم برنامج "على مسئوليتي"، المذاع على قناة "صدى البلد"، مساء الثلاثاء، "ليسه مقعتوش مع بعض وتشكلوا منتخب نروح بيه الدوحة، كل واحد خد حتة وطار فيها، ومحدش بيهمه المنتخب".
تساؤل للنائب أحمد دياب
وأردف: الناس هناك بتعيط وإحنا هنا بنبكي، أنا مشوفتش كورة بعد حسن شحاتة، يعني من 2010 مشفتش كورة لاعبنا إيطاليا والبرازيل، ودلوقتي مفيش عندنا غير صلاح ومرموش ومصطفى ربنا يباركلهم ويكرمهم
وواصل الإعلامي أحمد موسى، أيه يا نائب دياب أيه أهمية الدوري المصري ليه موقفتوش يعني هتنجيبوا الديب من ديله، المنتخب أهم من الدوري.
رسالة لمسئولي رابطة الأندية
وانتقد الإعلامي أحمد موسى، عدم إيقاف الدوري من أجل بطولة كأس العرب والتي تسببت في خروج الفراعنة بعد الخروج المهين إثر التعادل السلبي أمام الإمارات والكويت قبل الهزيمة أمام الأردن قبل قليل.
وتابع "خايفين على الإعلانات والرعايات والفلوس، وسمعة البلد مفيش حد يبص عليها، إحنا شعب بيحب الكورة بطبعه، أقسم بالله أنا ترددت أطلع على الهوا من زعلي وغضبي بس طلعت معاكم عشان الأمانة قدام جمهورنا العظيم".
وواصل: لا عندنا حارس مرمى ولا نص ولا هجوم ولا دفاع، ده إحنا معملناش هجمة لأن النفس مقطوع واللاعيبه مش عارفة تجري، الوحيد فيهم إسلام وأكرم اللي هو ممكن تقول شوية أما الباقي على الأرض، وكل الباصات غلط ومفيش حد بيشوط على المرمى وحتى لو عملها بيديها للحارس.