الخميس.. فرقة "تيمو باند" للإيقاعات الشرقية في ضيافة" معكم" مع منى الشاذلي

تحل فرقة "تيمو باند" للإيقاعات الشرقية، في ضيافة برنامج " معكم" مع منى الشاذلي على شاشة CBC، يوم الخميس المقبل في تمام الساعة التاسعة مساءً.
ميمي جمال ضيفة في برنامج معكم

وفي سياق آخر، حلت الفنانة الكبيرة ميمي جمال مع بناتها واحفادها، في برنامج معكم والذى تقدمه الإعلامية منى الشاذلى على قناة Cbc، في الاسبوع الماضي، وتحدثت عن عودتها للتمثيل مرة أخرى بعد غياب سنوات ومعاناتها بعد وفاة زوجها وتكريم مهرجان الزمن الجميل.
كيف عانت ميمي جمال بعد وفاة زوجها الفنان حسن مصطفى ؟

قالت ميمي جمال: "بعد وفاة زوجى الفنان حسن مصطفى، قعدت فترة مكنتش قادرة اشتغل قعدت 6 سنين في البيت، لأننا عيشنا مع بعض عمر طويل أكتر من 40 سنة، فكان الموضوع صعب جدًا وقلت خلاص عندى بنتين وأنا مع نفسى لغاية لما أفوق بس اتأخرت شوية، وناس كتير كلمونى على شغل ومنتج كان عاوزنى في مسرحية كوميدى وقلتله جوايا مفيش ضحك وكل اللى جوايا حزن بس".
لماذا عادت ميمي جمال للتمثيل مرة أخرى بعد غياب سنوات؟

واستكملت ميمي جمال،"لقيت بناتى الاتنين اتجوزوا وبقيت لوحدى في البيت، فقلت اللى بحب اعمله هو التمثيل فرجعت للتمثيل وبقيت بعمل الشغل برواقة وإحساس".

تكريم ميمي جمال بمهرجان الزمن الجميل

كما تحدثت ميمي جمال عن تكريمها بمهرجان الزمن الجميل في لبنان، قائلة: "بحس إن التكريم وكأن حد بيطبط على كتفك وبيقولك شكرا على المشوار الطويل اللى تعبت فيه، فكنت فرحانة وهى حاجة ملهاش عمر محدد، والإنسان ممكن يتقاله شكرًا في أى وقت".
بماذا وصفت ميمي جمال زوجها حسن مصطفى ؟

قالت ميمي جمال: "حسن مصطفى كان زوج كويس جدا وافتكر موقف يوم فرح نورا بنتنا، وأنا عارفة إنه جامد، بس وقت ما نورا وهى عروسة بدأت تمشى هي والعريس ببص عليه اشوفه فين لقيته واقف على جنب وبيعيط، بس هو مش بيحب حد يشوف دموعه، وحسيت قد إيه هو طفل كبير".